غادرتني المشاعر
الحلقه 47-48-49
وكان سيف كل اشويه ايرن ايطمن فيا وين وصل وين طق وكانت انا مرا مرا انرن عليه ونسأل فيه
لعند مارن فوني
انا: الوووو
سيف: الو ياروحي انا خشيت للطرابلس
انا: باهي ياعيوني الحمد الله ع سلامتك
سيف: الله يسلمك
وسكرت من سيف وحسيت روحي هذا ويت تريحت واطمنت ان سيف وصل طيب
طلعت انا وماما للسوق وشريت الحاجات الي فضلتلي وجتني شهد وكانت حامل في شهر الرابع
وجني موده واسيل حتي هنا بيش انغلفو الحاجات بيش مايجيش يوم تلبيش الشقه الا وهنا وتيات
انا: تي بالي جيتي ياقردا معقوله تطويلا هذي كلها
اسيل: رياض كان عندا بضاعا جيبها طول عليا
انا: غمزتلها وين ياحنه قعدن عندنا راجل ويقعد مش فاضي ويطول علينا وجو
اسيل: هههههههه عطك الخير حتي انتي كلها كم يوم ويقعد عندك راجل ومحوتك بيش يجيبك لنا
انا: تذكري من قبل لما كنا نسهفو من بنات لما يزوجن علي جوهن هنا ورجلتهن امتاع لا رن عليا حبيبي خلاص بنروح والحركات هذينا
اسيل: ههههههه الله الله عليك ايام اهو ياحنه انا عشتهن وانتي حتعيشيهن وشهودي عشتهن وموده حتي هيا قريب ان شاء الله
انا: الحمد الله صاح تفرقنا ومش زي قبل قعدنا لان كل وحده قعدت عندها مسؤليه وحياتها بس علاقتنا مش حتغير
اسيل: هذي حاجه اكيدا ان علاقتنا مش حتغير وطبيعي ان نتغيرو ونقعدوش زي قبل شوفي توا حسام خطب ولهي مع ساره وانتي لهيا في عرسك وموده حتي هيا سنه وتجوز ونحنا خلاص ازوجنا
الوحيد الي مازال هو مالك بدل مايجوز قرر يقرأ مع ان قرارا هذا مش خاش راسي بس جاني في وقت عرسي وكنت مش فاضيا مسألتش
انا: ضايقت لان كنت عارفا ان مالك يحبني ونص هروبا بسبب حبي بس ماكنتش نعرف ان اساسا هروبا هذا هو حبا ليا
انا: شن اخبارا هو وشن دايرا
اسيل: كويس الحمد الله قاعد ايكلم فينا كل يوم ويقوللنا مرايف عليكم وااااجد مع ان له 8شهور ورايف علينا مستحيل مالك ايطول اكثر من هكي عندي احساس ان حيروح
انا: والله ياريت يروح ويشوفلا بنت حلال ويخطب ويستقر حتي هو
اسيل: ان شاء الله مشكلت ان معاندي بكل وراسا مسكر
انا: عدا شورنا عيلتنا تسكير الراس
اسيل: ننقنا بكل في لعناد معروفين
اها بعد خطرها عندي لكي خبر
انا: شنووو
اسيل: انا حاااامل
انا: هيييي كذابا
اسيل: وراسك انتي
انا: اضبطتها نجك ليا خلاص بتبقي ام يانا عليا
مبروووووووك ياسولي ولا كبرتي وبتقعدي ام
اسيل: الله يبارك فيك العقبالك
انا: به قوليلي هنا كيف جت مفجأ هذي للرياض
اسيل: ياحنه
رياض : عيوني وينك
اسيل: دوبها تحكي . هنا في دار
رياض: خش لقا اسيل راقدا ع سرير. كنك
اسيل: مش عارف كلما انصبي انحس في دوخا وعنديش قلت خليني انتمدد
رياض: به تغديتي
اسيل: لالا
رياض: هذا عليش ياشاطرا صايرلك هبوط اصلا صبي كولي غداء
اسيل: المشكله عنديش نيه بكل طيبت الغداء ومعدتي خلاص
رياض؛ تي شنو الي صايرلك به صبي انشيلك للمستشفي
اسيل: لا خليني نتكي بالكي انتريح اشويه
رياض: قتلك صبي تقعدي طايح هكي عند امتا خلينا نعرفو شن فيك
