#غادرتني_المشاعر
الحلقه{19}...
سيف: الوووو
انا: ايو خير
سيف: خير
انا: كنك تحكي هكي
سيف: شي
انا: ماتقوليش شي انت زعلان من حاجه
سيف: لا والله مش زعلان بس رقالي اشويه
انا: به من شنو
سيف: لما قتيلي ع عيال عمك وهكي رقالي
انا: حسام خويا ومالك وزياد معتبريني زي اختهم
سيف: باهي انتي نزلتي ولا مازال
انا: اها نزلنا وقاعدين يعومو وانا مقعمزه عالشط
سيف: امممم اهااااا ياربي
انا: كنك اتنهد
سيف: الجو سمح
انا: يهبل نجوم طالعات وقمر مضوي علينا اشويه وراي الجبل والبحر ميت وصوت تشلبيك الموج خفيف بكل منظر روووعه
سيف: يانا عليا انا وخلاص من رومانسي
انا: ههه وانحرجت منا
سيف: باهي عليش اتصلتي انتي
انا: كان تبيني انسكر انسكر عادي
سيف: اتسكري عينك يافرخه
انا: هييييي من الي فرخه
سيف: انتي فرختي من غيرك
انا: خيرلك راه
سيف: يعني شن بديريلي انتي
انا: شئ
سيف: معناها معش اتهددي
انا: به حاظر
سيف: نجيلي الي يسمع في الكلام. بس والله جد عليش اتصالتي
انا: حسيتك سكرت مني زعلان ماهنتيش عليا انخليك هكي
سيف: يعني يهمك زعلي
انا: اكيد يعني يهمني
سيف: ننقني نبي نعيط معش فيها
انا: هييي اسكت تفضحش بينا
سيف: نوووور
انا: نعم
سيف: الله ينعم عليك. قتلك مافيش حاجه تبي اتقوليها ليا
انا: عرفت شن قصدا بس لعبتلا دور العباطا والاستعباط
لالا مانبيش انقولك شي
سيف: متأكده يعني
انا: ان شاء الله عليش كنك
سيف: عارفه يافرخه انتي كان ماتقوليهش الكلمه الي دزيتيها في مسج انولع السياره وانجيك راه مجنون ونديرها
انا: خههههههه فرخه عينك والكلمه مش قيلتها وانت ريحلي روحك خيرلك
سيف: به والله اتقوليها ليا
انا: سيف ماتجيش هكي راه خليها بجوها انت اتزر فيا وانا مزلطا
سيف: يانا عليا انا من لمتزلط ياريت مقعمز جنبك في الجو الرومانسي الي قاعده فيه
انا: هههههه لا الحمد الله معناها
سيف: ههههههه . به قتلك
انا: نعم
سيف: كنك متعوميش انتي تحبيش البحر ولا كيف
انا: لا انموت فيه البحر . بس لعواما في الليل انخاف منها
سيف: هههههه وعليش
انا: مش عارف نقعد انتخايل في حاجه تبي تكرني من كرعيا ولا في عقرب يقرصني
سيف: هههههههههه والله ضحكتيني غير ماتحطيش التخيلات هذينا في بالك صايرلك وسواس انتي بس . عارفه احلا عوما تبي اتعوميها في صبح بكل وفي الليل احلا جو
انا: اها عومت الصبح مجربتها بس الليل نقدرش انخاف منا
سيف: تو نحولك حاجز الخوف هذا ونعومك في الليل بعد نجوزو ان شاء الله
انا: ان شاء الله. به انت شكلك نعسان صاح
سيف: ننقني روحت مدهكل بكل سبحت وقعدت نحق في سرير بس قدامي
انا: ههه باهي خلاص اتعدي ترقد
سيف: باهي تو نرقد بس انتي طمنيني عليك لما تمشي للشليه
انا: به حاظر
سيف: خلاص ردي بالك ع روحك
انا: به تصبح ع خير
سيف: نور
انا: نعم
سيف: نحبك .وسكت
انا: انحححححبككك . ومحوتها طلعت مني الكلمه
سيف: واااااو تي كيف تبيني نرقد انا تو وأخيراً
بس وراسي اتعوديها
انا: انلا خلاص
سيف: عشان خاطري اخر مره هيا
انا: سكتا
سيف: هيا هيا بسرعه هيا نووور هيا
انا: انحبك وباي
سيف: ههههههه خلاص تصبحي ع خير
انا: قدامك الخير باي
وسكرت من سيف وكنت فرحانه ونشوف في المجانين ايعومو وديرين جو وكنت بنطير من الفرحه
صبيت حطيت الموبايل عالكرسي وعديت قدمت من شط وقعدت نلمس في الميه بكرعي ونعيطلهم
