الحلقه 51-50
غادرتني المشاعر
الحلقه 50
وفي يوم كنت مقعمزا بنع كرسي في جنان تحت سدت العنب ولما كرعيا قدامي وحطا عليهن راسي ونبي وسارحا
مالك:نور
انا: بحتت فيه وعيوني مليانات ادموع .نعم
مالك: كر الكرسي وقعمز جنبي . خلاص يانور انتي هكي اتزيدي فيه وتعذبيه فيه ازيدا راه
هذا قضاء الله وقدرا وكلنا لها الطريق هذي
انا: نبكي ودموع ينزلن من عيني ونحكي بالعبرا مش معترضا والله ماني معترضا ع قضاء الله بس الي وجعتني اني انا كنت نحكي معاه وسكرت ماطقيتش دقايق وجاني خبرا ماحكش امعايا كلما ماقاليش شي عدا هكي بدون اي كلمة وادع مشا هكي وخلاص
مالك: تنهد ووجعا كلامي بكل وتأثر بيه . الله يرحمه ويغفرلا
انا: والمشكله بابا قتلا شيلني له مابش واعتراض انا يامالك اخر مرا شفتا فيها قبل مايموت بساعه وبعدها روحت وجيت بنردلا قالولي مات ومافيهمش حد شالني له وماشفتش بكل تو نبي نمشيلا في القبر نبي نحكي امعاه نبي نبكي انحس روحي انتريح هكي بس بابا اعترض وقالي مش شايلك
مالك: به انتي متأكدا كان مشيتي تريحي لان عمي خايف عليك و خايف مرات اتزيد حالتك ازيدابعد تمشيلا
انا: لا والله حنتريح ع اقل نحكيلا من قريب هكي انحس في روحي لو نمشيلا حنتريح
مالك: باهي خلاص صبي البسي وتو انشيلك انا
انا: بحتت فيه وابتسمت. تحكي جد
مالك: وتو وقت ابصارا . وابتسم مالك وقالي هيا صبي
انا: مسحت ادموعي وفرحت بكل . وصبيت . شكراً واااجد ياملك نجك ليا . وصبيت نجري بنخش انغيري ادبشي
بعدها التفتت ع مالك
انا: قتلك . بس شن انقولو لهلي
مالك: صبا. ماعليك فيهم خليهم شوري وانتي عدي وتي روحك
انا: ضحكت . باهي
وعديت ركب لان انا عنديش عبايا
لبست سروال اسود وبلوزا سودا وايشرب اسود وسودتها كلها
ونزلت
ونا نزلا سمعت مالك يحكي في الفون مع بابا
مالك: ماشي انت اطمن ياسيدي وماتشيلش هم
هيا أوكي باي
انا: كنا بابا
مالك: اتصلت به وقتلا اني بنأخذك نبرم بيك وبعدها انشيلك للاسيل وطبعا انتي عارفا جو الخوف وهكي قعد يوصي فيا عليك ياقصيره
انا: ضحكت ضحكت مجاملا . باهي هيا
مالك: هيا
انا: اه استنا انقولها لماما وانجيك
ومشيت قلتها لماما ع اساس بنمشي نبرم وكيف ماقال مالك لبابا وطبعا ماما فرحت تحسابني ماشيا بنغير جوي وماتحسبنيش ماشيا انزور في حبيبي في قبرا
طلعت انا ومالك وخذينا الطريق ومشينا شور الجبانا وصلنا غادي وأول ما وصلنا ونحنا برا وانا مازلت في سياره حسيت بالخوف وبأحساس غريب بكل مايوتصفش
يعني بدل ما انجي انشوفا هو مصبي قدامي بطولا وعرضا انجي انزور اتراب نحكي مع تراب
ااااه يادنيا في دقايق اتغيري حياة الواحد وتقلبيها بالكامل
