الحلقه 38
روحنا وكنت طول طريق ونا نبكي وصلنا الحوش وخشيت ضبطت بابا وقعدت نبكي
بابا:خلاص ليش هذا كلا تو تجينا وتقعدي تعاركي معاها وتبات عندنا لعند تقعدي تلزي فيها اصلي عارفا لسانك مايريحكش
انا: لالا غير تقعد اتجينا معش لانتعارك معها ولا نهزبها
بابا: ههههههه خلاص تو بتصحبيها
انا: اه خلاص ندما ع كل يوم زعلاتها فيه
بابا: ربي يخليكن لبعضكن ويحفظكن ليا ويسعدكن ياااارب
انا: امين
ركبت للدار وسلحت دبشي وباتن امعايا اسيل وشهد اليوم هذا وضميت انا وياهن الحوش
وبعدين رن عليا صوفي
انا:نحكي صوتي زعلانه . الووووو
سيف: خير ياعيوني
انا: خير
سيف: كنا صوتك
انا: قعدت نبكي امرايفا علي شهد
سيف:هههههه ياعمري خلاص كنك انتي المفروض تفرحي افتكيتي منها
انا: خزيه عليك ليش تحكي هكي
سيف: اصلا ياعمري مزعلا روحك وتبكي تو تجيك وتملي منها
انا: اصلا مش متعودا نرقد وهيا مش قاعدا في الحوش اول مره نقعدو بعاد ع بعضنا
سيف: تي خلاص يا هبلتي عشان خاطري تسكتي
انا: باهي
سيف: هيا امسحي دموعك عشان وراسي خلاص
انا: باهي
سيف: نجك ليا تبكي ع سبت اختك جوزت يانا عليا وخلاص
تي وانا الي عابي عليك نبي نجوزك معناها بعد نجوزو انتي تقعدي تبكيلي قصدك
انا: هذي اكيد لان مش متعودا نتباعد ع هلي
سيف: تي اكيد في عينك هذي
بعدين معايا انا وتبكي
انا: ههههه ياسامط
سيف: ايو هكي اضحكي وماتزعليش روحك بعدين عويناتك هذينا مفروض مايدمعنش مفروض ديما يضحكن
انا: تنهدت
سيف: قتلك
انا: نعم
سيف: مش انظني هكي لنا كم يوم شفنش بعضنا ولا حكينا كويس
انا: اه ياروحي
سيف: تي وحشتيني واااااجد ياحبيبي
انا: حتي انا والله
سيف: به شن رايك انجي توا
انا: تي تحكي من جدك انت
سيف: وراسك انتي انا مانبصرش في مواضيع هذينا
انا: ياروحي ليل توا
سيف: ع اساس انجيكي من قبل صبح يعني
انا: هههههه والله صاح
سيف: باهي ها شن انجي انشوفك من بعيد بس اصلك وحشتيني بكل
انا: به حاظر
سيف: اخساره كنت خاطري نشوفك بالقفطان
انا: صورت تو نوريهن لكي
سيف: لالا فيش كيف طبيعا بس يالا انتحمل وخلاص
انا: ههههه خلاص باهي تعال دبينا مازال بكري وهلي تعابين تو بيرقدو
سيف: من الي عندكم
انا: ماحد موده واسيل بيتات عندي وبابا وماما سيبتهم بيخشو يرقدو
سيف: يعني طريق فاضي قدامنا
انا: اه فاضي
سيف: خلاص تم انا مسافة الطريق ونكون عندك
انا: به باي
وسكرت من سيف وجيت للبنات نجري
انا: قتلكن
بنات: شنو
انا: سيف بيجي يشوفني
اسيل: به شن تبينا انديرولك يعني
انا: حيوانه اصلك مانبيكيش اديريلي شي
نحكيلكن بس يعني شن الاجواء
موده: عميمه زينب خشت بترقد وعمي خش رقد
انا: باهي قتلكن هو خاطرا ايشوفني بالقفطان
اسيل: عنجدك ياريتك ماسلحتي
انا: تي انسيت بكل ماخطرتش عليا
اسيل: به البسي تو عاسريع
انا: زعمك عادي
اسيل: تي خطيبك خلاص وبعد عرسي تو يخطبك رسمي
انا: به تو نلبس
موده: دكني روج بس وزيدي كحلي بالي مافكيتي التسريحه
انا: اه بالي جاني عقل
خلاص نعدي نلبس
