الحلقه16-17
#منقولة
راه وحده اتقولي قصيره ايجيها كف ثلاثي الابعاد
مسلسل (غادرتني المشاعر )
الحلقه 16...
انا: الوووووو
سيف: ايو. كيف حالك
انا: تمام كيف حالك انت
سيف: ميه الميه
انا: دوووم
سيف: امممم وين قاعده
انا: في الشليه
سيف: وينا الشليه امتاعكم في اين جيهه
انا: عليش
سيف: شي بس نبي نعرف لان من قبل جاي فيه نبي نعرف اين موقع واخذين
انا: هنا اربعه واخذين جنب بعضهن
سيف: نبي الي انتي فيه
انا: رقما 108 جاي جنب الوادي ثالث شاليه من البدايه
سيف: اه انا من قبل وخذين الي في نص انتم لكبار وخذين
انا: اه لان عائلة كبيره وهذا كلا مايسدش كل شليه فيه دارين بس
سيف: اه هنا مشكلتهن كان جت عايله كبيره تبيلها كم واحد
انا: اها هذا الي صرلنا بس مشينا حالنا وقسمنا اروحنا
سيف: اممممم. باهي قوليلي كنك امس مارنيتيش
انا: شي مافظيتش بس
سيف: اها مافظيتيش
انا: اه كنك اتقول فيها هكي
سيف: لاشي عادي
انا: سكتت
سيف: نور
انا:نعم
سيف: دزيتلك رساله امس
انا: اه قريتها
سيف: به شن رايك
انا: مافهمتيش شن تقصد وشن الي تبي تثبتا
سيف:اسمعي انا الي نبيه منك كلا انك تثقي فيا لان لو موثقتيش فيا مش حنتريحو وعلاقتنا مش حتنجح نبيك تعطيني فرصه نثيتلك فيها صدق كلامي لكي تمام
انا: انا مش عارف شن نقولك
سيف: نووور
انا: نعم
سيف: اطلعي من الشليه
انا: كيف
سيف: انتي قاعدا جو
انا:اه
سيف: به اطلعي برا الشليه
انا: عليش
سيف: غير اطلعي بس
انا: باهي هيا اني طالعا
طلعت فتحت الباب وطلعت قدام الشليه
انا: ها طلعت
سيف: به شن لبسا
انا: سروال جينز ازرق وعليه سورية بيضا
سيف: وايشاربك وين
انا: جوا
سيف: عليش طالعا هكي
انا:اصلك ركبت عليا طلعت
سيف: معقوله في وحدا تطلع هكي وشعرها مشفشف وحفيانا
انا: كيف عرفت اني حفيانا
سيف: بحتي ع يسار
وشيرلي سيف بيدا
انا : ههههههههههههه هييييي شن جابك هنا انت
سيف: معقوله مانجيكيش ونكون قريب منك وجنبك وقدام اعيوني تقعدي
انا: سكتت
سيف: كنك سكتي
انا: انصدمت بس ماتوقعتيش
سيف: لاخلاص من يوم وغادي توقعي مني اي شي
انا: ههههه لاهكي اتخوفني
سيف: باهي مافيش كيف نتقابلو ونهدرزو فيستو فيس
انا: امممممم صعب ان نحكو هنا وبذات معنا شباب والمكان مافيش وين انتقابلو
سيف: يعني جيتي عالفاضي
انا: مستحيل عالفاضي دبينك تعبت وجيت علشاني هنا انتلاقا امعاك
سيف: تمام معناها نسقي جوك وقوليلي
انا: به . اسمع انت جاي بروحك
سيف: لالا جاي انا وصاحبي قتلا ماشي مشرق قالي نمشي معاك كريتا وجيت
انا: هههه .سمحه كريتا هذي
سيف: مافيش حد سمح الا انتي يانا عليا وخلاص
انا:سييييف اس خلاص
سيف: نجيلي المتحشم انا وعويناتا
انا: خيرلك راه انخش جوا
سيف: والله ديري فيا معروف اصلي مش متحمل انشوفك ومانجيكيش اللهم ثبت اقدامنا
انا: خهههههههههههه به تعال خطم من جنب الشليه انسلم عليك بس ع سريع دبينا مافيش حد
سيف: هيا اني جاي
