مسلسل (غادرتني المشاعر )
الحلقه 10..
التفتت نشوف من وننصدم وجت عيني في عينا
هي نفس لعيون الي حبيتهن الي بسبب حسيت بشعور حلو واحساس اول مرا انحس به
انا: لا معليش مايجيش هكي تو انا ندفع
سيف: خلاص لو سمحتي قتلك خليه شوري
اسيل: نور هيا درنا لروحنا شبها فوتيه وخشي
مشيت خشيت انا والبنات وتبعدنا اشويه ع باب وصبينا انراجو فيه نين يخش
شهد: شن جابا هذا هنا عليك حظ
اسيل: ولا اخره يدفع علينا
موده: عارفا كان ماتأخذيش الرقم المرا هذي نقتلك انا هذي فرصتك
انا: اسكتن ماتفضحنش بيا جا خلاص
انا: معليش ياشاب
سيف: بحت فيا وضحك
انا: في شي يضحك حضرتك
سيف: لا معليش اسف
انا: من سمحلك تدفع علينا
سيف: محد بس حبيت اني ندفع عليكن وسوري كان سببتلكن احراج بدون قصد
انا: اه يعني انت عارف انك حطيتنا في موقف محرج
سيف: اسمحيلي حقك عليا
انا: لاعادي ولايهمك
سيف: بارك الله فيك
انا: ابتسمت بضحكه صفرا
وعديت انا والبنات وقعمزنا في كافي جو وصبت شهد وموده يطلبللنا في حاجات
وجا سيف وصبا قبلنا وقعد يبحت فينا ويهدرز مع شباب
اسيل: ايو ياعم قبلونا الجماعا
انا: يانا عليا يهبل
اسيل: بكل اخره مش عادي
انا: بلا حطا عيونك عليه اشقي برياض
اسيل: خههههههه خزيه وبعدين انا رياض مالي عيني ياحنه
انا: به كيف اندير كيف نأخذ رقما مانفهمش فيه الجو هذا انا
اسيل: اقعدي بحتي فيه وزعي ابتسامات وانتي وجهك اتقول وجه واحد ميت
انا: ههههههههههههههه وقعدت نضحك ومعش قدرت نمسك روحي ضحكتني كلمت اسيل
اسيل: هههههههه اس خلاص. تو يقول بنت هبلا
انا: به يعني لما نضحلك يفهمني اني نبي الرقم ولاشنو
اسيل: لالا بس يعرف انك معجبا به وهكي وبذات هو عرف انك مش مخطوبه يعني خلاص الطريق مفتوحا قداما
انا: شن اسمك ياشبوب
اسيل: ههههه معش فيها اصلا
وقعدنا نهدرزو ونخططو ونضمن شهد وموده للتخطيط امتاعنا بيش انجيبو الرقم
وصبيت انا والبنات نتمشو خشينا للصالة الالعاب وقعدنا نبرمو فيها وشهد وموده قعدن يبن يلعبن
مصبين انراجو في بنات انا واسيل ويهلب من جنبنا سيف وصاحبا وبعدين صبا من بعيد
وقعد يبحت فينا طبعا انا مرا مرا نعطي فيه في نظرات
وقعدت نهدرز انا واسيل لعند ماكملن البنات ومشينا نبو انتعشو خشينا المطعم طلبنا سندوتشات وقعمزنا عالطولا انراجو فيهن لعند مايجهزن
اسيل: انا نبي نمشي للحمام
موده هي وشهد:حتي نحنا
اسيل: تمشي : ياأوني
انا: لالا خليني راه يأخذ حد الطاوله
اسيل: به
وقعدت امقعمزا ونلعب عالموبايل ومانندريش ع روحي الي سيف امصبي قدامي
سيف: ممكن نحكي امعاك
انا: قلبي دف دف دف طق طف دلدف طق طق ارتبكت وقتلا تفضل
سيف: صار مخطوبه ورفعلي حاجبا
انا: ابتسمت لان ازلطت
سيف: ليش قتيلي مخطوبه
انا: هكي لان اول مرا نحكي مع شاب وارتبكت
سيف: به انا نبي نحكي امعاك ونتعرف عليك ممكن ولا مخطوبه
انا: هههههه لالا مخطوبه
سيف: به ممكن تعطيني رقمك
انا: سكتت وقعدت انفكر . خفت
يسف: ماتفكريش واجد ممكن اتمليه عليا
انا: كنت خايفه وقلتا وانا نرعش وقلبي يدق يبي يطلع 092.....
ورن عليا سيف ورن عندي
سيف: هذا رقمي سجليه وبعدين نحكي امعاك
تمام
انا: تمام
سيف: ردي بالك من روحك وقاعد انراقب فيك من بعيد لعند ماتروحي تو انروح
انا: باهي ومنحرجه بكل ونحس في جسمي امصقع وقلبي يبي يوقف
سيف: اوكي توا
انا: اوكي
وعدا سيف وانا خلاص حسيت وجهي قعد حمر وسخنت وفي بنات قعدن يبحتن وتزليط مش عادي وقعدت مقعمزا لعند ماجان البنات وتعشينا وانا مابتيش اتجيني نيه بكل انسدت سبحان الله وحكيتلهن ع الي صار كلا
وقررنا موده واسيل يباتن امعانا واتصلت بابا وقتلا ايجي يروح بينا
شهد: هيا انا طالعين وسكرت
انا: جا بابا
شهد : اه هيا
وصبينا وكان سيف امصبي يبحت فينا ومشينا وانا نمشي يرن موبايلي
انا: الو
سيف: شن بتروحو
انا: اه بابا جا مروحين تو
سيف: تمام انا وراكي ومروح توا
انا: باهي
وسكرت ولقينا بابا يراجي فينا ركبنا وبحت مع روشن شفت سيف وقعد يبحت فيا كاين
شهد: بابا البنات بيتات امعنا راه
بابا: يعني انروحو دغري للحوش
شهد: اها
بابا: يأنسنا مرحبتين بيهن
وطبعا روحنا وسيبت البنات يهدرزن مع ماما وخشيت انا نجري سبحت وغيرت دبشي وجاني البنات في دار وعطيتهن بجمات وغيرن دبشهن وقعدت انراجي انا وياهن في مكالمت سيف
انا: حسني خايفا بكل وقلبي يدق
موده: به راه مش زفتك اليوم
انا: خههههه خزيه ياتافها والله حاجه اتخوف بذات انا اول مرا ليا
شهد: تعلمي من المعلمه اسيل تو تعطيكي كورس في التكليم والمواعيد
اسيل: غير اول مرا بس تو بعدين تقعدي اتشلطي في تشليط مش عادي
وقعدنا نهدرزو لعند جات ساعه 1 ومعها
وانشوف موبايلي يرن
انا: حي عليا بسم الله وقعدت ناخذ في نفس
اسيل: تي ردي قريب تكمل الرنا
انا: احم الو
سيف
.
.
.
#يتبع
قرأه موافقه
درتها اقصيره لان بجد نتعب ونكتب ونجيبلكم في صور ونصمم فيهن وهذا كلا مافيش تفاعل بكل
بعد اتفاعلو تو انطولها
