#غادرتني_المشاعر
الحلقه 23...
انا: اووووف ياربي مثقلا الي جاي
وطلعت بكبايت الشاهي والحليب امتاعي وانا نتمتم جيت عند الباب بصوت عالي ومتنرفز عيطت
من ع باب
مالك: حلي ياقصيره
انا:( بتكشيخ وفوق من نفس نحكي ) خييير
مالك: عليك جلاطه وبعدين في واحد يعيط هكي وهو يفتح في الباب ياغجريه
انا: وفي واحد يجي لوحدين من صبح ربي
مالك:(خبطني بكتفا وهو خاش) بعد يقعد حوشك لزيني
انا: مبردك خش
مالك: نرجش فيك اتقوليها ليا ياقصيره هذا حوش عمي انخش ونطلع امتا مانبي
ماما: خير أملوكا
مالك: خيرات كيف حالك ياعمتي زينب
ماما: كويسه خش قعمز نسمع فيك تلاطع انت وعقرب الشمس كنها
انا: فنصت عيوني 😱عقرب شمس
مالك: ههههههههه احلا وصف والله ياعمتي لها
انا: ههه ضحكتلا وبعدها كشخت عليه 😏
مالك: ياعمتي زينب انا جيتكم دزني باتي وقالي ان في عرب جيين لشهد وشوف كان يبو شي في الحوش
ماما: لا سلمتك يا أملوكا امس طلعنا وجبنا كل شي واليوم جيين العرب صبايا وبعدها الراجل يبي يدير مقابله امعا شهد
مالك: به كل شي عالبركا ان شاء الله يعني مش نقصكم شي تبوه اندير لكم
ماما: لالا تسلم وعقبالك ان شاء الله مانفرح بيك ونشوف مراتك وعيالك
انا: تي هضا من الي تبي ترضا به
ماما: نور وكان ماملي تمناه
مالك: انقهري عدا انتي ياعقرب الشمس
ماما: ههههه
انا: به نضحك تو ولاشنو ندير
مالك: به انا بنمشي تو (وصبي)
ماما: وين
مالك: امروح للحوش
ماما: والله ماهي صايرا تقعد تغدا معنا
مالك: والله ياعمتي خليها مرا اخره
ماما: خلاص حلفتلك عدا لكي فتره ماجيتنش مافيش مشي تغدأ بعدها اربح
مالك: والله ياعمتي ع حلفتك بس والله ماكان في داعي
ماما: لالا كيف عدا انت اوليدنا
انا: حمد الله مش خويا كان ماهضا قتلتا من زمان
مالك: تي انا راني قتلك قبل
شهد: خيير يامالك
مالك: هلا بالعروس شن جو
شهد: هههه مازال بدري
مالك: لا ان شاء الله يسير منها
شهد: ان شاء الله عقبالك
مالك: ان شاء الله . شفتي الناس العاقلا الي تفهم مش كيفك مطرشقا وبلا عقل
انا: سيبتا لكي ياعيوني العقل ( ومكنش قصدي بها شي كلمه عيوني لان في لساني ديما الكلمه )
سكت مالك وبحت فيا بنظرا مش نظرة تخويف ولا تفنيص كيف ماكان يديرلي قبل لالا نظره غريبه ما فهمتهش
مالك:نبي نخش نغسل يديا
شهد: اه عدي الحوش حوشك ديرلنش جو الحشم
انا: شهودي عندك رصيد
شهد: اه كنك
انا: بنكلم سامو ريفتلا واااجد ليا ايام مكلمتش
شهد: يانا عليا يلي يسمع يقول حق
وانتي امس بس مكلمتيش
انا: تي ياااااي عليك دوا واجدا تبي تعطيني ولا لا
شهد: هكي ياجالطا
انا: ماكان من الاول لازم منا التمزيط
خذيت الفون وعديت كلمت حسام
حسام: الو شهودي
انا: لالا والله نور معاك
حسام: اوووو بترأ شن جو
انا: تمام شنجك انت
حسام: الحمد الله والله
انا: وينك مختفي
حسام: امس بس ياأوني اختفيت اول امس وصلتك لهلي ولا نفقدو في ذاكره نحنا
انا: لا والله مش هكي بس رايفت عليك
حسام: يانا عليا وانا الي قلت هذي مش زي قبل معش اتعدل عليا
انا: معقوله تي انت لكبيده راه
حسام : نجك وخلاص
انا: وليا نجك . قتلك فيش ادير
حسام: والله كنت في مصرف وهذي طلعتي منا
انا: به وين ماشي تو
حسام: مصقد شور الحوش
انا: لالا غير طريقك وخليها شور حوشنا
حسام: عليش في شي
انا: لالا ياسامو تعال تغدأ عندنا ومنها نكسبو شوفتك بعدين ليوم العرب جيين لشهد
حسام: اه والله صاح امبدري كلمني باتي قالي عدي ازرق عليهم شوف شن ناقص وهكي قتلا يشوف مالك لان كنت ماشي شور المصرف
انا: اه جانا وقاعد عندنا 😏
حسام: هههههه كنك اتقولي فيها فوق من نفس
انا: شي مزطني اصلا
حسام: رديتو تعاركو وانا قلت باهي خذو ع بعضهم في الينابيع
انا: يستحيل انا وخوك هذا نقعدو كيف الناس
حسام: باهي يايستحيل انتي شن غداكم
انا: هههه انت شن تبي
حسام: خاطري في شربه ليبيه من تحت ايديكي
انا: بس هذي
حسام: بس
انا: من عيوني غير تعال
حسام: تم معناها تو انجيكم تبوش شي انجيبا امعايا
انا: لالا سلامتك
حسام : تم هيا تشاو
انا: باي
