غادرتني المشاعر
باقي الحلقه 59 ..
ركبنا انا مالك وكان كل واحد فينا قلبا يرقص من فرحا جينا ولقينا حسام مقعمز بروحا قعمزنا جنبا وكان يبحت فينا ومستغرب حطني مالك وقال بنعدي
نركب لغرفتي وانجي بيش انتعشو
ركب مالك
حسام: هزلي براسا وغمزلي . شن صار وجهك يضحك
انا: بين عليا للدرجه هذي
حسام: اها احكي
انا: شي كل الي صار عبرت للمالك ع مشاعري
حسام: الله الله ياعم
يعني خلاص من يوم وغادي ناديك بمرات خويا
انا: هههههههه مسمطك . مش متخيلا روحي اتصدق
حسام: لاصدقي . عارفا انقولك ع سر
انا: شنو
حسام: اقسم بالله من قبل بكل عندي احساس انك انتي ومالك حتكونو لبعضكم
انا: وعليش يعني
حسام: مش عارف هكي وخلاص يجيني احساس وحتي كان تذكري ديما نقولك خوذي مالك وحيكونلك صديق وراه جوا سمح تذكري
انا: صاح والله نذكرها قلتها ليا قتلك انا ومالك مستحيل انتلاقو ومالك قبل مايكون صديقي حيكون عدوي و اصلا مانطيقوش بعضنا
حسام: شفتي القدر سبحان الله عالدنيا طول عمرك تمني راجلك يكون صديقك قبل يفهمك ويحس بيك وتشكيلا ومادسي شي عليه وتعيشي حياه مش كيف ليبين كلهم مألوفا كنتي ديما تمني رجلك يعتبرك كأنك صديقا له تحكو لبعضكم كل شي واهو حلمك تحقق مع اكثر شخص كنتي تعاركي امعاه ومش طيقتيه
انا: فعلا كل شي نصيب من يقول القدر يبرم بينا البرما هذي كلها بيش يخلي مالك من نصيبي ويخليني انحبا ونتعلق بيه ويكون صديق ليا قبل مايقعد حبيب
حسام: مرات دنيا تأخذ منك حاجات بس اتعوضك بالي خير من الي خذاتا وانا وياك ابسط مثال شوفي انتي الي صار امعاك وربي عطاك مالك وشوفي انا وربي عطاني ساره
انا: اتحبها
حسام: كان انقولك اني انموت فيها اتقوليلي معقولا انسيت رغدا بسرعه هذي عارفا انحبها وكأني ماحبيتش من قبل بكل كأنها هيا الاوله
انا:صاح معاك الحق كيف ماصار امعايا حبيت مالك ومش عارفا حتي كيف حبيتا وكأني ماعشتش احساس الحب غير توا
حسام: عارفا ليش
انا: ليش
حسام: لان نحنا من قبل ماحبينش بصدق او حبينا بس معشنش حب حقيقي من طرفين
كيف توا
انا: كيف
حسام: يعني توا في وضعي انا وياك ساره ومالك حسين بينا واجد يعني جونا ع جروح جونا ونحنا نتألمو ونتعذبو وهما صبو معنا وقعدو يداو فينا لعند خلونا نوقفو ع كرعينا
