غادرتني المشاعر
#الحلقه_60_ باقي_الجزء_التاني_والاخير
ساره: انسيتي سيف ولا لا
ولحظه هذي خش مالك ع سؤال بس انا وساره فطنالش
انا: سيف شن انقولك كان حبيبي وكان روحي وقلبي كان كل شي بالنسبه ليا لما مات كنتش انتخايل حياتي بدونا كانت صعب اني ننساه صعب عليا ياساره
ولما مالك سمع الكلام هذا رقالا وحس روحا ان مخنوق طلع وسكر باب بشويش بدون مانحسو وعدا
ساره: باهي
انا: لكن تو مع مالك شن نقولك انحس في روحي كاني ماحبيتش من قبل كأن هو اول حب اول نبض واحساس
ننكرش اني ماحبيتش سيف بس كان ممكن اعجاب مش حب مش عارفه كل الي نعرفا ان حب مالك نساني كل شي وعيشني ملكه في مملكتا
مانسيتش سيف مازلت نذكرا بس في نفس الوقت نحملش في مشاعر وكأنا شخص مر في حياتي يوم واحد وعدا
فهمتي كأن هكي قبل مانعرف مالك كان اسم سيف يأثر فيا
بس بعد جوزت مالك وحبيتا وتعلقت بيه خلاص سيف قعد مجرد اسم وبس لكن مشاعر وقلبي وروحي كلهن ملك للمالك وبس مش ملك للحد
ساره: تعرفي مرات نقول نور قويه الي قدرت تكمل حياتها
انا: بالعكس انا ضعيفه الي قواني حب مالك ليا هو الي عطاني امل للحياه واني انعيش ونستمر كان ديما امعايا وجنبي فرقنيش لدرجة حبيتا ومكنتش عارفا روحي اني انحبا لان كنت في صراع مع مشاعري والحزن الي ع مرحوم
ساره: الله يرحمة هو كان شخص كويس بكل بس هذا قدرا في الحياه وهذا نصيبكم
انا: الحمد الله وشكري للسيف ان هو كان شخص كويس ومالعبش بمشاعري بالعكس علمني كيف انحب وننحب ومشا وكان ذكرا حلوه في حياتي وانا علشان هكي ندعيلا ونقرالا قي قرآن لعند توا
لان مافيش يوم جرحني ولا زعلني منا بس تو حاليا معندش اي مشاعر في قلبي لان قلبي كلا يملكا مالك بروحا سيف موجود في عقلي لان مجرد ذكرا بس وصورا حلوه قاعد في عقلي
بس الحب والشوق ولهفه والحنان والعطف والمحبه كلهن للمالك
ساره: ربي يسعدكم ان شاء الله فعلا حبك انتي ومالك حب حقيقي نادر وجوده
انا: لا مش حبي انا ومالك حب مالك بس لان من حبا ليا حببني فيه وخلاني نعشقا عشق
ساره: ربي يبعد عنكم بنات وعيال الحرام ويسعدكم ان شاء الله
انا:امين يارب اجمعين
به شن دايرا مع سامو
ساره: سامو يانا عليا منا عيوني
انا: ايوا ايوا انعم ياسيدي
ساره: قاعدين كويسين وكل يوم نتعلق بيه ونحبا
انا: سامو ينحب اصلا ويخش القلب بسرعه
ساره: به اسكتي بديت نغار راني
انا: تي اتغاري في عينك
ساره: ههههه
انا: عارفه بنقولك ليا كم يوم نحس في روحي تعبانه ومازلت عمتي الحاجه ماجتنيش
ساره: كذابه بالكي حامل
انا: مش عارفه شاكا حتي انا في روحي
ساره: ياريت تطلعي حامل كان ماهذا اتجيبي بعدي بشهر
انا: تي غير وسعيلي بالك مازلت ما تأكدتش
ساره: خلاص بكره جيبي اختبار الحمل من صيدليه وشوفي روحك
انا: ان شاء الله
انتي شن دايرا في حمل
ساره: اهو كويس بس بديا في وحم عنديش نيه انطيب بكل
انا: عليك قصه
ساره: مش غير عطيها ليا ترجيع حشاك
ودوخا ولوكال كرهتا وكرها ريحتا
