غادرتني المشاعر
الحلقه 43-44
وكانت سياره الي ركبا فيها اسيل قدام بكل وشباب يتحوسو يالاها وانا الخلخال قعد يعكف فيا
وقفت وانا مصبيا
جاني مالك
مالك: نور
التفتت عليه وكان لبس بدلا سودا ومنظر فيها خيال بكل طالع يجنن ولحيا رسمها رسم وبنت عطرا بحتت فيه
وعيني جت في عينا وهو كان يبحت فيا زين
انا: نعم ورقيلي
مالك:كنك
انا: العبايا حصلت في خلخال وتو سياره اتفوتني
وقعدت امطبسا انفك في خيط العبايا الي حاصل في خلخال وكان منعقد عقدا شينا كان كريتا بالقوة يقطع الخالخال وانا مطبسا اندير فيه ومرتبكا ومستعجلا
مالك: كان مصبي عليا ويرجا فيا انفكا
بشويش وحدا وحدا حتي كان سياره فتاتك تو تركبي معايا انا وحسام عليش لرتباك هذا اهدي
انا: تي عليك حصلا ياريتني مالبستا اوووووف ياربي وجيت بنبكي
مالك: تؤ تؤ حولي هكي
انا: صبيت وبحتت في مالك . ها
مالك: عنجد ها عصا
امسكي نقال اشعليلي ضي ع كراعك
وطبس مالك علي ركبا ونص وقعد يفك في الخيط من الخلخال وكانت يدا كلما تلمس كراعي انحس في رعشا في جسمي وفي دقات قلبي ينبضن بالقوه
انا: حي اسيل طلعت حي حي
مالك: تي اس اس تو نلحقوها عليش التركيب
وطلع مالك ولعا من جيبا
انا: هييييي شن بدير
مالك: حصلات لخيوط حصلا شينه خليني نحرقهن حرق وانتي بعد توصلي فكي خلخال وطلعي من لخيوط غير تو خليني انحولهن لكي بيش تعرفي تمشي
انا: به افطن راك تحرقلي كراعي بس
مالك: تخافيش
وحرق لخيوط بيش انقطعن
وصبا مالك : ها خلاص توا هيا اركبي في سيارتي
انا: خساره اسيل عدت وهما مستعجلين خزيه
ركبت مع مالك من لورا لان حسام كان راكب امعانا طبعا طلعت سياره الي فيها اسيل بس تمشي بشويش وراه باقي سيارات ولان كانت سيارة مالك اخر سياره هذا عليش قدرتش انطق في اسيل
فاظطريت نركب مع مالك وحسام
حسام: هيا اطلع
من الي معانا
انا: عفريتا
حسام: هههههههه البترأ شن جيبك هنا مش ع اساس مع اسيل
انا: حظ عدا شن اندير
مالك: تي اسكت تخطرهش عليها قبل بكتلي هنا
وطلعنا وراه سيارات وقعدو يبيبو شباب وديرين جو
فكيت بعدها انا الايشارب من علي وجهي وقعدت هكي
فطنلي مالك من المرايا وتما طول الطريق وهو يبحت فيا من مرايا ومرات انا انبحت اتجي عيني في عينا
انا: مالك
مالك: نعم
انا: حللنا اغنيه كويسا فكنا منها شرين
مالك: شن تبي انتي
انا: حللنا ليبي
مالك: باهي وهذا ليبي هيجي هيا
انا: ضحكت شكراً
وحل مالك ليبي وهيجنا امعاه وبعدها وصلنا للصاله وانسيت انحط الوشاح ع وجهي وانا نازلا فطنلي مالك اني نازلا هكي
نزل ابسرعا من سياره وجا قدامي وغطا عليا
انا خفت مافهمتش
مالك: خذا طرف الوشاح من نهايه وحطا ع وجهي
