غادرتني المشاعر )
الحلقه 2..
اتجيني اسيل تجري وتمسكني من يدي وتجري بيا شور الدار
اسيل :نور الله يربحك سعديني
انا:بسم الله كنك
اسيل: رياض يبي يجي ويشوفني عالسريع شن نبي اندير ومالك جوا
انا:هييييييييييي تبي تقتلينا انتي
اسيل : والله هو قالي قريب انجيك وليا فتره ماشفتكش وبكره تبي اتسافري
انا: حي علينا حي
اسيل :به انا مش جيبتك تندبي هنا جيبتك اتساعديني
انا : به اسمعي ديروحنا طالعين برا انتمشو وتو نكلم موده وشهد وانتي تطلعيلا من الباب لصغير عاسريع
اسيل : الباب لصغير قدامه شجر واجد وتو ظلام
انا : والله به شنو تبي ياحنه مثلا تطلعلي من الباب الرئيسي وتقولي للبواب صاحبي برا نبي نشوفه
اسيل : به خلاص تو نطلع من الباب لصغير وخلاص امري لله
انا : خلاص هيا بس لازم تقعد وحده هنا بيش كان تحرك مالك ولا واحد من شباب تقوللنا
اسيل : اها صاح
انا : ياموده ياشهد
شهد وموده : نعم
انا : تعالن نبيكن في مهمه صعبه شويه
موده وشهد : شنووووو
انا : اسيل يبي..........
موده :ماشبعتيش لقاءات انتي
شهد : حي علينا انا خايفه
انا :فكني من دراما تو وهيا من الي تقعد
شهد : خلني انا اصلا كان نمشي معاكن غير نربكن وخلاص
انا :تمام معناها اتشوفي مالك تحرك هكي ولا هكي رني علينا وخلي عيونك عشره ع عشره
شهد: به
اسيل : هيا بسرعه قبل مايجي رياض
انا وموده : هيا
طبعا عيت عمي يسكنو في مزرعه ومزرعتهم كبيره وكان فيها بابين باب الرئيسي الي هو فيه الكوراج والمدخل والباب الثاني هذا بعيد ع باب الرئيسي ومايفتحوش فيه وقداما عشب وجاي في تركينا امظلما
طلعت انا والبنات ع اساس انتمشو برا وصبينا تحت سدة العنب ومقبلنا الباب وشعلنا الضي الي في الموبايل وقعدنا نهدرزو لعند ما رن موبايل اسيل
اسيل : الو
رياض: انا قريب نوصل وين انجيك
اسيل : في باب صغير لونا اسود قبل المدخل امتاع المزرعه تعالي عندا
رياض : تم
اسيل : اهو جاي تو
انا : بسرعه حي علمك من الخوف نين صقعت
موده : وانا نرعش البنت هذي ماتخفش بكل
ودرس رياض السياره بعيد وجا ع كرعيه عند الباب وفتحت اسيل الباب وانا وموده وحده تراقب في جهة البواب وحده تراقب في باب المزرعه الي جوا
رياض: هلا
اسيل : اهلين شن جو
رياض: ميه الميه بعد شفتك
اسيل: هههههه
رياض : يانا عليا انا من المتحشم
اسيل :بلاش سماطه
رياض : خوذي هذينا جبتهن لكي
اسيل : شنو عليش امتعب روحك
رياض : ريت هالحاجه الكبيره شويت شكلاطة وشيشه عطر بس معرفتش شن انجيبلك ع عيد
اسيل : تسلم ياعمري مش مهم المهم انشوفك
رياض : يانا عليا انا وخلاص
رياض : خلاص بكره مسافره
اسيل : ان شاء الله
رياض : حتوحشيني وااااااجد عرم
اسيل : ههههه حتي انت بكل بكل
رياض : عليك تفتريش انفترشو فيه
اسيل : مش غير
رياض: عدا نوصيك دبش قصير وحركات تحويل اشربات والجو هذا مانبيش
اسيل: حاضر من عيوني
رياض: يسلملي عيونك الي وخذات عقلي
اسيل : ريااااااض
رياض : نجك ليا وخلاص ديروحك متحشمه تو وانتي ع موبايل خليني ساكت
اسيل :هههههههه
رياض : خلاص ياحبي الفجر قريب ايأذن وتبدأ صلاة العيد كل سنه وانتي طيبه وان شاء الله العيد الجاي امعيا
اسيل : وانت طيب ان شاء الله ياعيوني خلاص انت مروح تو
رياض : اه مروح غير قلت لازم انشوفك قبل ماتسافري
اسيل: تسلملي ياعمري وربي يخليك ليا وشكرا ع حاجات
رياض: ماتعطيش منهن حد بذات موده
اسيل : هههههه به حتي نور عندنا
رياض : اوووووو لتمت ام لسان عندكم
اسيل : هههههه حي عليك راه تسمعك
رياض: ههههه لافكيني منها نحصل في لسانها تو
اسيل : خلاص عدي راه يجينا حد
رياض : تم ياحبي انحبك ورد بالك من روحك وتو بعد انروح انكلمك
اسيل : حتي انا انموت فيك هيا تشاو
رياض : اوكي
خشت اسيل ونحنا قلوبنا خلاص وكرعينا مش شيلتنا
انا : تي وين هذا كلا انتي مش خايفه
اسيل : اسكتن يابنات يانا عليا كان شميتن بنت عطره خلاص قبل دخت
انا : كذابه سمحه
اسيل : حي قالت سمحه وسكتت تي تجنن
موده : حي علي ياعوينك
انا : به شن هذا
اسيل : جيبلي شيشة عطر وشكولاطات
انا : تراه انشوف الشكلاطه
موده : عطيني
انا : تي اصبري
اسيل : هي وانتن تعاركن
موده : هيييييي كيف تبي اتخشي بيهن هذينا
اسيل: تي فجعتيني وانتي تشهقي
انا: حي معش تفجعيها ياموده كيف راك غلطتي
اسيل: خزيه يانور تهزي عليا
انا : وانتي شن رايك يعني
اسيل: نبي انحطهن ع روشن امتعنا ونخش جو نفتح الروشن ونأخذهن منا
موده : وين معلمه ياc
انا: حتي ابليس توضأ وصلاة ركعتين
اسيل : ههههههههههه ياباردات
وترن علينا شهد
انا : نعم
شهد : حي علينا وحي
انا : كنك
شهد: مالك طلع برا
انا:سكرت في وجهي شهد هيييييي حي علمكن مالك طلع
موده: حي علينا رحنا فيها
اسيل: هيييييي
وجينا عند روشن دار اسيل حطينا لشكاره ومشينا نجارو نبو نخشو جوا
وطبعا نحنا نجارو تعثرت وطحت وطاحت فوقي اسيل وموده صبت اتصبي فينا مع طلعت مالك
مالك: كنكن
موده : ميتا من ضحك
وانا :ايييييي احيييييه ياكرعي
اسيل: تضحك وتبكي خالطا عندها
مالك : كنكن تجرن ازف
طبعا موده خشت جوا بيش تأخذ الحاجات
انا: صبيت كنك اتهزب انت
مالك : افطني لروحك واحكي كويس
انا : احكي انت قبل معيا كويس
مالك : انا سألت عادي
انا: حتي انا سألت عادي
مالك: استغفر الله ياربي به كنكن شن في
انا: شي غير كنا انديرو في سباق
مالك : شنو سبااااااق تحسابن اروحكن اصغار
انا: تؤ تؤ هفففففففف
مالك : كنكن اتأتأي عليا وتنفخي انتي
انا: فوتني مش وقتك
وعديت انا واسيل خشينا جو وقعمزنا كلينا شكلاطه
شهد: شن صار معاكن مع مالك انا قلت نهيتهن اليوم
انا : تي المتخلف هذا مايقدر ايدير شي
اسيل : والله ياشهودي عمتك نور تعاركت معه كالعاده ومعقبتش كلما عليه وفي الاخير ضحكتني الكذبه العبيطا الي الفتها
شهد: هههههه شنو الكذبه
اسيل : قالتلا كنا نلعبو في سباق
شهد وموده : خهههههههههههههه ع من تخطر
انا: ها شن نقولا كنا انديرو في موعد مع رياض بعدين ياحنه من ورا موعدك طحت قريب تكسرت
اسيل: لاعارفه نجك ليا
انا: وليا نجك
موده : بس والله رغم الخوف صاح بس فيها جو
انا: اه واجد بكل اخره ساد غير زرقت مالك علينا
طبعا بعدها كلمتنا ماما وروحنا للحوش لان كانت ساعه 4 ونص والفجر قريب يأذن وتبدأ صلاة العيد ونحنا مازلنا ماوتينا دبش وطيارتنا ساعه 2 الظهر تطلع
روحنا وبديت انا وشهد انوتو في شنطينا وبابا وماما حتي هما وبعدين لبس بابا وعدا يصلي فالجامع صلاة العيد ونحنا كملنا توتاي الدبش وقعمزنا في صاله انتفرجو ع الحجاج في تلفزيون وهما يلبو لا بيك الله هما لابيك لابيك لاشريك لك لابيك ان الحمد والنعمة لك والملك لا شريك لك
وماما متكيه ع الكنبه وانا نستشور للشهد في شعرها ونرجو في بابا كملت للشهد استشوار وكسدنا عالفيس لعند ماجا بابا وعيدنا عليه وكانت ساعه 7 الصبح وتصلنا بعمي خالد وعيدنا عليه وصلاح كنا عندهم لاكن بابا كلم يعيد ع اجديده لانها عيشا مع عمي صلاح عيدنا عليهم وفطرنا وخشينا رقدنا كلنا اشويه
طبعا ماما هي البنت الوحيده وجدي واجديده هما لثنين ميتين بس ماما عندها خوها من باتها هو خالي احمد ومن رمضان قاعد في مصر يعني انتلاقو معه غادي وعندا بنتين سمر وايه و3 اعيال وليد ومفتاح ومحمد وكبار كلهم وجونا معهم سمح
ماما: نور نور
انا : نعم
ماما: هيا نوضي ساعه 10 ماعلي مانضتي ولبستي تكون ساعه 12 وساعه 2 طايره طير
نظت ولبست سروال جينز وسورية لونها مراري لعند نص الفخذ وكويش ابيض وايشارب فيه جميع الالوان ومكجت يعني من الاخير طلعت طرف بكل
شهد: وين يسمح غير عبرنا
انا: سمحه لبستي
شهد: والله تهبل يا أوني
انا: حتي انتي سمحه لبستك
ماما: يابنات هيا راه تأخرنا
نحنا :هيا هيا ياماما
وطلعنا ركبنا فالسياره وصلنا للمطار وكانو عيت عمي خالد وصلاح وصلين قبلنا وانظني المطار كلا فيه نحنا لان اكبر عايلة تكون من 23 نفر
سلمنا عليهم كلهم
طبعا عمي خالد هذا في حساسيه بينا وبين اعياله
الي هما زياد واحمد ورواد
وطبعا عندا هبه وفاطمه وسمر هذينا البنات
ومافيهمش حد لاخاطب لامخطوب وجوهم كلاط بكل
ركبنا صالة الانتظار وقعمزنا شويه بعدين كلمو ع طايره الافريقيه القاهره صبينا وختمولنا الجوازات
وطائرة بينا الطايرة طبعا قعمزت انا واسيل وشهد جنب بعضنا ودرنا جو تهدريز وتصوير لعند ماوصلنا للمطار واستقبلن سيارتين فيتو بيش يشيلن الجمهور وطبعا خذينا تاكسيين ايشيلن الشناطي وعمي صلاح يعرف شركه سياحيه كلمهم طلب منهم ان السيارات ايجنا ومشينا واخيرن وصلنا للفندق
وقعمزنا في رسبشن وانتشرنا لعند مايجهزولنا الغرف امتعتنا لان لازم انوقعو نديرو الاجراءات وفتحنا النت والمهم كل واحد في تركينا
وانا كنت متكيه ع كنبه وحطا راسي ع كتف اسيل واسيل حالا لاب توب امتاعها وفتحا الفيس
وانا مش فطنا ونبحت هكي يهلب شاب ومعه واحد اخره وعطني الشاب نظره ونا بحتت فيه
مالك : انتي
انا: انفجعت نطيت كنك
مالك :
.
.
.
.
#يتبع
