#غادرتني_المشاعر
#الحلقه_32
انا: كنت انتهرب ومانبيش انبحت في عيونا. مالك والله حول بندوخ
مالك: مسك يدي بالقوه وزاد قرب اخره . بنفس الهدؤ الي يحكي بيه .وانا نبيكي ادوخي
انا: زمطت ريقي . وقعدت انتنفس بالقوه وحسيت روحي خلاص مش قادره نمسك روحي وكانن ايديا يرعشن وقعدت نحس في مالك يتبعد عليا
مالك: وهو يبتسم . كنك ترعشي خايفه مني
تخافيش . نور نحب
انا: ماكملش مالك كلامه الي وانا دايخا
دخت ومسكني مالك وحطني ع سريره وقعد يوعي فيا وكان حايس ومش عارف شن يدير
مالك: نوررر نوووور ويخبط فيا ع شدوقي ويمسك في يدي ويحك فيها بأيديه
مالك نوووضي يانور تفضحيش بينا صبي تي اوووف ياربي نووور وخذا عطر وحطا في يدي وقعد يشمملي فيه
انا : بديت نوض بس وفتحت عيوني اشويه وكنت نشوف في مالك بعيد سكرتهن وفتحتهن اخره
مالك: نوووور انتي تسمعي فيا فطنتيلي وكان يلتفت شور الباب ويبحت فيا
انا: صبيت قعمزت وحطيت يدي ع راسي ومالك كان مقعمز ماسك شيشة العطر وثاني كرع تحتا وكرع الرخرا طلقها ويبحت فيا
انا: اه راسي وكانت بنت يدي كلها عطر مالك
مالك: تي بالي نضتي ساعه ونا نوعي فيك قبل فضحتي بينا
انا: رفعت راسي وبحتت فيه ورفعتلا حاجبي
انا انا الي قبل فضحت بيك ولا انت الي قعدت قريب مني ونقولك تبعد عليا بندوخ بس قعدت اتقرب تحسبني نبصر
مالك: اس اس وحط يدا ع فمي وطي صوتك
انا: اممممم وكنت نبي نحكي وهو حط يدا ونحول فيها بيدي امممممم
مالك: اشششش ويفنص فيا تسكتي وتهدي تو نحول يدي
انا: بحتت فيه وسكتت
مالك: حول يدا
انا: صبيت وكنت انتنفس بالقوه ونكشخ ع مالك خززززيه حيوان واصلا العتب عليا الي جيت نبي نتأسف عشان عضيتك بس ياريتني لما عضيتك قطعتلك يدك
وطلعت وسيبتا ومشيت خشيت للحمام وسكرتا عليا
وقعدت نغسل في وجهي بالميه ودرت ميه ع رقبتي ومسحت بالمنشف ولميت شعري كويس وسقمتا وقعدت نمسح في كحل من تحت عيني ومسحت بيدي ع وجهي
بعدها شميت عطر مالك قعدت شم في يدي ونذكر كيف مالك كان قريب مني وليش دخت وصارلي هكي
فتحت شيشما وقعدت نغسل في يدي بالصابون زين ونمسح فيها ونشم ونلقا في العطر مازال قاعد
انا: خززيه حيوان حقير شن قصدا بيها الحركه هذي بس مالك كان بيعض يدي لان انا عندتا وهو يحبش حد يعندا يعني مش كيف ما انا انفكر صاح اه لالا مالك مش قصدا هكي اساسا انا وياه ديما متعركين ومستحيل يحبني بس هو كان يبي يعضني لكن انا هي الي ضعفت وتحملتش يكون قريب
بعدين انا دخت لان عمرا مالك ماقرب مني واجد ممكن عشان هكي يعني سامو ماهو يضبط فيا ونقعد قريبا جنبا ومايصيرلي في شي لكن مالك لان ديما متعاركين وعمرنش قعمزنا جنب بعضنا صارلي هكي اه هي هكي مافيش حاجه اخره يانور يقعدش تفكيرك مسوس واساسا انا نحب سيف ومالك انا نحبش وهو يحبنيش فاتفكريش هكي اووووف يانور ليش دختي وكبرتي الشطحا حاجه عاديه هي ومش مستهلا ادوخي اه صاح انا كليتيش ليا واجد حاجه حلوه ممكن صارلي هبوط سكر
