سلسل (غادرتني المشاعر )
الحلقه 15..
فتحت الرساله ولما قريت الاسم فرحت لانها كانت
من سيف ومافهمتش شن قصدا بالرساله
سكرت فوني ورقدت
الصبح
وعيت خشيت الحمام توضيت وصليت الصبح
ولقيت ماما حطا براد الشاهي عالنار
ومطلعين الطاوله برا وعمي صلاح جايب الخبزه واجديده مقعمزا ع حصير ومازال ماحد من شباب ناض
وكان الجو يهبل بكل شمس ومنظر الجبل وجو حلو بكل
انا:صباح الخير
عمي وبابا واجديده :صباح النور
بابا: غريبه نور واعيا بدري
انا: خهههههه اصلا متفقين ننزلو للبحر
بابا: اها قوليلي هكي
انا: هكي
بابا: تسفتري عليا به به
وطلعن البنات وقعمزنا فطرنا وجونا حاتم ومحمد حتي هما فطرو معنا واتفقو ينزلو معنا وقعدنا شويه نين ناضو الشباب كلهم وقعمزو يفطرو ونحنا خشينا نلبسو انوتو في ارواحنا
اسيل: عليك قصه الحجاب هذا كيف نبي انعوم انا تو بالإيشارب
انا: البسيه تو وبعد انخشو للبحر اسلحيه ماحتي عمتي به
اسيل: صح عليك غباء
انا: كلا انا جبت امعيا طاقيه نبي انعوم بيها
اسيل: اخساره ماخطرتش عليا كان ماهضا جبت امتاعي
انا: قتلك امس انا وسيف جونا مش تمام المهم سكر مني زعلان بعدها في الليل ماكلمنيش ودزلي مسج ساعه4
اسيل: حلكم تعرفتو ع بعضكم بيش انتعاركو به شن دزلك
انا:مش عارف مافهمتش شنو قصدا بالمسج المهم كتبلي حنثبتلك اني مانلعبش عليك ونضحك عليك وانك انتي الانسانه الي نبي انكون امعها عمري كلا
اسيل: ايو عليك كلام ومشاعر والله شكلا يحبك يانور صاح
انا: تو ياهمي مش وقت حناطا شن قصدا بالكلام
اسيل: تو انتي عليش شاغلا بالك خلي كل شي في وقتا حلو واستني وشوفي كيف يثبتلك
انا: يعني مانفكرش تو
اسيل: تو تو فوتي وغيري جوك وفكينا من نكد نحنا جيين نغير جو هنا مش انتنكدو .شوفي انا تعاركت مع رياض مابيتش نكد ع روحي خليني نضحك ونلعب وبعد انروح ساهل
انا: صح والله صدقتي
شهد: هيا ياحناتي وانتن تقول مشيات العرس الشباب يراجو برا والشمس حرقتهم
طلعنا طبعا ولقينهم يراجو فينا مشينا كلنا حاتم ومراتا ومحمد ومراتا ووليدا وعائشه وراجلها ومالك وزياد واسيل وشهد وموده وانا وسامو
نزلنا لبحر وماكنش فيه الا راجل ومراتا ومعهم عويلهم لصغار بس مازال ممتلا الشط
سلحنا شبشبنا وانا فكيت ايشاربي ولبست الطقيا
وخشن شهد وموده ويتعيطن ويقولن مصقع بكل ويمشن بشويش بشويش جاهن زياد من لورا ودفهن هنا الاثنين
انا واسيل ضحكنا عليهن وكنا متشمتات فيهن
حسام:ناني كنك قعمزتي خشي
انا: تو انخش خليني اشويه بس انتريح من برج ايفل الي كنت ننزل منا
حسام: ننقنا برج ايفل كان يديرو اصانصير عارفا يقعد خيال بكل
انا: تي احمد ربك درولك دروج بيش تنزل كان ماهضا قعدنا راه ندردحو ادرديح من عالجبال
حسام: خههههههه والله صاح .بس حلوه الفكره ديرا جو للمكان
انا: اه مختارين موقع حلو
اسيل: اوني انا نبي نخش تخشي
انا: باهي هيا . سامو تبيش اتخش انت
حسام: لالا مازال خليني انكمل السبسي هذا وتو نخش
انا: به
وصبيت مع نزلت مالك لان نحنا نزلين سيبنه يسلم ع واحد يعرفا
