الحلقه 40
قعدنا هكي بعدها صبا مالك قعدت اشويه وصبيت مشيتلا و كنت ماشيا شور مالك وفي نفس الوقت خايفا نحكي ومترددا بس كنت حسا ان مالك بيسافر علشاني تردد قبل مانمشيلا بس قررت اني نعدي ونحكي وخلاص
انا: مالك
مالك: كان مطبس راسا ويدخن . فطنلي رفع راسا
نعم كنك جايا بتسبسي حتي انتي ولاكيف وغمزلي
انا: ههههه لالا جايا بنحكي معاك
مالك: بصوت هادي . احكي كنك
انا: ممكن نعرف عليش بتسافر هكي فجأ
مالك: كان يحكي ويبحت في وطا . عادي يعني كنكم كلكم درتو منها موضوع مشيتي
انا: لانك تحبش اتسافر ولا تحب تقرأ ولا عمرك فكرت تقرأ برا
مالك: به عادي تو حبيت انسافر ونقرأ برا
انا: به ممكن اتبحت فيا هنا
مالك: رفع راسا وجت عيني في عينا كانت نظرتا ليا فهمتهش كيف الحزن ع حب
ها بحتت
انا: مش ع موضوع هذكي
مالك: عارف علي شنو نحكي بس حب يستعبط . اين موضوع
انا: الي يومتها قلتا ليا في سياره كنت بنحكي فيه بس ماحصلتش فرصه
مالك: لالا مش شورك بكل يانور
انا: احكيلي باهي بنعرف القرار الي فجأ خذيتا هذا شنو
مالك: نور الي كلام الي قلتا لكي يومتها في سياره مجرد اعجاب مني وخلاص ننكرش انك عجبتيني وهكي لان هدرزت معاك وعرفتك من قريب وتعلقت بيك لكن بالعكس راه موضوع واخذا عادي مش لدرجه انسافر علشانك وهكي
بعدين كان غلط مني انا .مش كان انتي بصرتي وضحكتي امعايا معناها انا عاجبك نحسابك حتي انتي هكي بس بعد انخطبتي عرفت اني معيش روحي في وهم وفتا بكل الموضوع وجو تمام
انا: متأكد
مالك: كان يحكي ومايبحتش فيا يبحت ورايا
اه متأكد وميه الميه اخره وردي بالك تحسابي روحك انت سبب سافري بالعكس انا فرحتلك انك خطبتي صح خليناكي تطلعي من بين ايدينا بس عادي ههههه وقالها ليا بضحكا
انا: ههههه باهي يعني أكيد لان انا انحس فيك تكذب
مالك: ياقصيره افطني روحك نكذب عليك عليش بعدين كان نبيك راني خذيتك غصبن عنك وماسيبتكش شن تحسابي روحك يا انجيلينا جولي هههههههه
انا: هههههههه صقع علي انجلينا احلا منها
مالك: لا غير اهدي بس
انا: هههههه . يعني خلاص اكيد يامالك مش داس حاجه
مالك: تؤ تؤ كم مرا اكدتي عليا والنبي شكلك هكي تبيني انقولك لا مسافر علشانك ونحبك صاح
انا: هههههه لا والله بس نبي نعرف خايفا انكون سبب في سفرك ودمر حياتك علشاني وانا نحبش اندمر حياة حد يامالك
مالك: لا كوني مطمنا راه مش شورك وربي ان شاء الله يسعدك مع خطيبك وقالها وهو يتقطع ويتعذب من جوا
بعد خطرها شن اسما خطيبك هو
انا: وانا مبتسما سيف
مالك: هز براسا . سيف . يكفيني بس ابتسمتك هذي وانتي تقولي في اسما ربي يسعدكم وتقعدي ديما مبسوطا
انا: ان شاء الله اجمعين
بس كيف يصير بتمشي تبيش تحظر لا عرسي لاشي ليا
مالك: قالها بضحكا . وشن تبي في وجهي ما فتكيتي الا مني
انا: ومع من نقعد نتعارك بعد اتعدي
مالك: هههههههه فعلا تو نكسد انا في هذي
انا: به كان أجلتها عند بعد عرسي وهكي ومشيت
مالك: تنهد . لالا انتي انبسطي وكأني انا حضرتا
انا: في عينك دخلنيش لازم اتجي دبر راسك
نزعل كان ماجيتش
مالك: تو نشوف كان قدرت
انا: لا تقدر وحتجي ان شاء الله
مالك: بدينا في لعناد من توا
انا: اها بدينا
مالك: هههههه شكلك تبي تعاركي انتي
انا: والله لا بنحكي جد بيش اتجي
مالك: بشرط بس
انا: شنووو
مالك: اتسمي اولدك عليا انجي
انا: عنجد هذي بعيد السو عليك
مالك: كانا الي يسمو عليهم ميتين بس
انا: اه هكي نعرف
مالك: لالا . مش شرط يكون لواحد ميت بيش اتسمي عليه حتي لما تحب حد اتسمي عليه عادي
ولا شكلك انتي ماتحبينيش . وطبس عليا ونفخ الدخان في وجهي
انا: غمضت عيوني وقلبي تما يدق
دق دلف دق دلف استكيت من لقطة مالك وكلاما وقعدت متنحا فيه وهو يدخن كان شكلا يهبل بكل
