فـي صمتـها نــاي

البارت الثاني

          رر#فـي_صمتـها_نـاي
   
              #الـجــزء_الـاول

               #البارت_الثاني

          #للكـاتبة_زهراء_المظفر   
_____________________________ 

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

_غادر كل من حطم فيك شيئا أو اطفأ بك وهجاً وأترك من خذولك ..لاتشاركهم حديثا أو مكانا...،  وأعبر بقلبك لمكان أمن ...  ولا تبحث عن سعادتك بالمكان الذي فقدتها فيه ..

وهذا حساب صاحبة اكثر تفاعل للبارت السابق _ مبرووك  💙

GhadeerMustafa187

____________________________

خليت جاي ع النار وضليت انتظرهم يكعدون...
نص ساعه وطلع سالم من غرفته وزينه وراه سلم عليه تريك وطلع الظاهر عنده شغل

اجت زينه كعدت وسحبت ايدي تكعدني يمها ..

اي ست ناي سولفيلي شصاير ....

اخذت حسره وكلت .. من اول ما توفى بابا رحنه لبيت عمو وحيد عود نعيش وياهم لان جان جهاد مايكدر يحمل مسؤليتنه كلنه ببيت واحد بس عمو عيني البارده عليه ماقصر ويانه عاملنه مثل الغرب وخلانه ندفع ايجار للمشتمل الي عنده بالحديقه

جاوبتني زينه وهي مندمجه وفاتحه حلكها .. يااا شبي هذا تخبل ولو حقه هي هاي ام السحوره مخليه الزلمه يشوف دربه وين صاير هفففف اي بلا كملي شصار بعدين مو حتى جلدي كام يحكني من الفضول

_هو انتي غير تنطيني مجال احجي  .. المهم كامت شهد تتقرب لجهاد بهاي الفتره وضلوا واحد يحب الثاني وعمو حس بيهم وكشف علاقتهم راح جهاد وخطبها لشهد بس شرطوا عليه الا يعيشها ببيتنه الجبير

_جا انه اعرف بسوالفهن هذن يدكن ويلطمن ع بيتنه الجبير من قبل وفاة امي وهاي الحيه تلح ع عمي يشتريه من ابوي وابوي مايقبل هسه خوش
صفكت بأثنين ايديها بردح
اخذييي خااايبه اخذي وشبعي بيي بس بروح ابوي ماتتهنين بي ..ايي كملي ولج قبل لا تجي عمتي بعد ياهو يكدر يفتح حلكه بحجايه

_ ليش وينها عمتج

.. بالسوك يوميه من الصبح تروح قبل لا يفتحون المحلات مدري شعدها بس لا مصاحبه

_ ياااا..  لا مااتوقع ماتسويها مبينه خوش مره وجبيره وينها وين هالسوالف

..اهوووو عود  حجت الفاهيه مالج علاقه بيها كملي بله مو زرفتي كلبي

_ من تزوجوا رحنه لبيتنه ورجعت اثثت البيت كله من جديد ع ذوقها هي وامها وخطيه جهاد يركض وراها بس تفتح حلكها يجيب ويخلي كدامها .. اياد من شاف هالوضع ماعجبه خله وطلع من البيت وماندري بي وين راح لهذا يومج