فـي صمتـها نــاي

الرابع + صور محادثه

#فـي_صمتـها_نـاي

#الـجــزء_الـثانـي

#البارت_الرابع

#للكـاتبة_زهراء_المظفر

_____________________________

الاكثر تفاعل للبارت السابق
ـ مبروك 💙💌

zezelolo321
_____________________________

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

طبعا واني اكتب بعبارات وجمل هالبارت ماتتخيلون كمية الحزن ونفسيتي شكد تأثرت من كد ما اتقمص الشخصيات وكل عبارة اكتبها تجي ببالي الشيطانه الي ذبت اطفالها بالنهر اكول هاي ام وناي ام !!؟

شلون ينطيها كلبها تسوي هيج ولكم حتى الحيوانات حشاكم تحمي ابنائها والي يتقرب منهم تهجم عليه ..

الي مو كد المسؤولية ومو كد الزواج لا تتزوج اتقوا الله وخلوه بين عيونكم بهالطفال الي لا حول الهم ولا قوه

تتعاركين انتي وزوجج اطفالج مالهم علاقه الي مو كد الخلفه لا تخلف من الاساس والزواج مو بس بدلة بيضه وصفكه وستوريات حتى الكل تشوف حياة مثالية وهمية لا اسمحولي تره فاهمين الحيااااااة غللط

كافي مو طلعت ارواحنه من هالمصايب الي جاي نشوفها حتى باقي الدول كاموا يكولون عنه بلد الوحشيه والقتل كل يومين جريمه غير شكل

الرجال الي تشوفين حياتج وياه ماماشيه عدل لا تكملين وياه قبل لا يصير عدكم اطفال مو حرام الي جاي يصير والله حرام

ام تذب اطفالها من فوك الجسر بكل كلب بارد لو هذيج الي ذبتهم بالتانكي مال الماي توأم بعمر اشهر طلعوها من السجن بحجة مرض نفسي والله انتو المرضى النفسين هذول عقابهم القتل بنفس اللحظه حتى يصيرون عبرة لكل وحده تفكر تسوي مثلها مو صارت السالفه سهله عليهن القتل يا حكومتنه !!

العتب ع الحكومه الي مخليتهن عايشات لهسه والحجي كذلك ينطبق ع الاباء ما ننسه الي حرك اطفاله بغرفة بحجة تعارك وي زوجته

خافوا الله ياقوم خافوه شيصير بينه بعد هالوباء ما هز بنفسياتكم شوي !!

هالكلام موجه لكل شخص يحاول او يفكر يسوي شي بأطفاله استحوا ع وجوكم وكافي مو خلصت كلوبنه من الهموم

طبعا التمس منكم العذر ع تشددي بالكلام بس ماشفت اي احد حجه بهالموضوع لا مسؤول ولا سياسي ولا اي شخص عنده ناس تسمع حجيه حتى هنا بمجتمع الواتباد

الموضوع هذا كلش اذاني وجرح شي جبير بداخلي

اي وحده منكم يابنات عدها مشكله زاعجتها وممكن هالضغط الي عليها يخليها ولو 1% تفكر تأذي نفسها او تأذي شخص اخر تعالوا احجولي بالخاص واني اطرح مشكلتكم بكتاب مشاكل وحلول بكل سريه تامه ومحد ح يعرفكم بلكي نكدر ننقذ ارواح اهلكها التعب من مصاعب هالدنيا بنصائح وكلام ممكن يفيدها