فـي صمتـها نــاي

الثامن/ جزء2

فـي_صمتـها_نـاي

#الـجــزء_الـثانـي

#البارت_الثامن

#للكـاتبة_زهراء_المظفر

_____________________________

الاكثر تفاعل للبارت السابق
ـ مبروك💙

zezelolo321

___________________________________

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

جبت الكم صوره لشبيه حيدر بينهم شوية شبه وباقي ابطال الرواية كلهم منزله الهم صور بالبارتات السابقه

___________________________________

شبيج صافنه بوجهي خايبه شهل فهاوه الي عندج !!

عقدت حواجبي بوجهها بعدم فهم وكلت
ـ شنوو ؟

غمت كصتها وكالت
-ولج صار ساعه احجي ما طخت براسج يلا
كعدي ابنج  راح يجي حيدر واحنه بعدنه بكفشتنه

هزيت راسي الها ومديت ايدي بخوف ع يوسف اكعده وكلت ..

ـ يلا ماما حبيبي اكعد .. هزيت جسمه الصغير بأيدي حتى يكعد

فتح عيونه بنعاس ومد ايديه الاثنين ولفهن حول رقبتي .. بادلته بنفس الحركه وسحبته لحظني حتى يكمل نومته بي ..

باوعت لفخريه وكلت واني اشدد قبضة ايدي ع يوسف ..

_ لو تموتين كدامي ما اشيله من حظني واكعده ، روحي انتي واطفالج وحدكم خلي ابني نايم بحظني

كومت ولدها واجت يمي ..

- كومي ولج كومي يلا بسرعه لا تأخرينه حيدر يموت من الانتظار ، اني اروح ابدل للجهال واني هم ابدل وانتي تعالي وراي

شددت ع حرف الواو وهي تكول ... يلااا بدووووون نقاش

اخذت اطفالها وهي كاضتهم من ايدهم كل واحد من جهة وهم يتمشون بمشية ما متزنه لان بعدهم نعسانين و طلعوا من يمي ..

نزلت راسي و باوعت لوجه المليان برائه .. خدوده محصورات وحجمهم صاير الضعف وشفايفه الصغيره مفتوحه ويتنفس من حلكه