فـي صمتـها نــاي

الثاني والعشرون

#في_صمتها_ناي

#البارت_الثاني _ والعشرون

#للكاتبة_زهراء_المظفر

_____________________________

الاكثر تفاعل للبارت السابق
ـ مبروك 💙💌
user25258093

ـ اول توقع صح
مبروك 💙

Fatma15134454
_____________________________

قبل لاتبدون بالبارت شوية اشياء لازم اوضحها الكم ولازم تقروها

1- ليش ناي حبت حازم وهي ماشافت منه شي حلو

ـ لان ناي جانت بهذاك العمر مراهقه يعني متعرف شي عن الحب مجرد تشوف احد مهتم بيها ح تكول هذا يحبني واني احبه حتى لو جان يأذيها وغير هيج اغلبكم عدكم امهاتكم وخواتكم ربي يحفظهم الكم واذا مو همه صديقاتكم جنتوا تحجون وياهن وتعرفون اكثر من الي تعرفه ناي لان ما عدها احد يعلمها ويهتم بيها

2 لازم تفرقون بين المريض النفسي وبين المختل عقليا او مثل مانكول بالعاميه (مخبل) ، حازم مو مخبل وانما مريض نفسيا يعني مافاقد لعقله وانما ببعض الاحيان يتصور اشياء مموجوده بالواقع ويعيش بالخيال ويبني حياته عليهم ولكن مو دائما وانما ببعض الاحيان .

3 ليش هالتصرفات الغريبه من فخريه !!
والجواب هو انو فخريه وراها قصه كلش جبيره راح نتطرق الها بالبارتات الجايه وراح تعرفون كلشي عن حياتها ف صبرا جميلا .

4 التنزيل ح يكون بين يوم ويوم لان الجدول القديم جان ضاغط عليه بشكل جبيره لان حياتي ما متوقفه فقط ع الروايه وبالايام الي اكون فارغه بيها راح انزل الكم بارتات هديه وتددلون

*****

وهسه لا تنسون تصلون ع النبي

اللهم صلِ على محمد وال محمد💙✨

- قراءة ممتعه ..
_____________________________

يشوگي ورجوتي ودنيتي ولوني

وعذابي ولهفتي وشكواي واضنوني

يخيعونك عليه وبيك خيعوني

لـعريان السـيد خـلف 💙

طلعت من الحمام ، حازم ما موجود ع القنفات الي دائما يكعد عليهن .. اكيد بالغرفه نايم .. مشيت بكل هدوء وفتحت باب الغرفه بهدوء اكثر ..

وهنا جانت المفاجئه الي ابد ما متوقعتها ...

جانت الغرفه كلها تلمع بعيني من اضوية الشموع الخافته .. حازم ناطيني ظهره المنحني حتى يشغل باقي الشموع

اول ما حس بوجودي يمه دار وجهه المبتسم بابتسامه خفيفه عليه

تقرب مني ولزم ايدي البارده وسحبني لحظنه الدافي حسيت لصاعقه كهربائيه خفيفه مشت بكل جسمي من القشعريره الي صار بيه ..