فـي صمتـها نــاي

البارت الثالث / جزء 2

              #فـي_صمتـها_نـاي
   
              #الـجــزء_الـثانـي

               #البارت_الثالث

          #للكـاتبة_زهراء_المظفر      

_____________________________

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

هواي اعتذر ع التأخير طبعا رحت للزياره وكلت بالطريق اكتب الكم اكثر من بارت تعويض الكم بس من وصلنه للفندق ادور ع الشاحنه طشرت كل الاغراض وماكو طلعت ناسيتها هنا حسيت ناسيه ابني 😂 والله انقهرت كلش شلون انسى اهم شي

طبعا اكو بنات داعيلي كلش اتشكر منكم دعيت الكم والله كل شخص وصاني بالدعاء دعيت اله يم شباك الامام بقضاء الحاجه

لانكم فعلا خوات و مقدرين انو حياة الكاتبه ما مقتصره ع الرواية بس كلها تصير الها ظروف حتى الموظفين يجيلهم يوم ياخذون اجازه من شغلهم

وغيرهم بالعكس لو اراويكم السب والشتم بالخاص محد راح يقبلها ف احب اكول للبنات الي شاتميني وسابيني وما مقدرين ظروفي بالنشر اذا انتو حياتكم 24 ساعه بس ع الفون الناس نو مثلكم كلها عدها اشغالها وحياتها الخاصه بعيده عن الفون والواقع الافترضي او الالكتروني

عوضتكم عن تاخيري ببارت طويل 3000 كلمة مليئ بالاحداث لذلك

قراءه متتعه للجميع 💙💙

_____________________________

دخلنه للبيت وعيونه تراقب بكل شبر بالبيت شكد متغير ...

من سمعوا صوتنه طلعوا جهاد وشهد واطفالهم ...

سلموا ع الكل ومن وصلوا يمي كالت شهد ..

- ذبيناها بالشارع رجعت النه شايله بأبيدها طفل ....

فتحت عيوني ع كبرهن وشددت حظنتي لأبني .. وصدم الكل رد جهاد عليها الي حتى هي واضح عليها انصدمت ..

- شهههددد كرمينه بسكوتج احسن ، اذا ما عندج حجايه زينه تكوليها سدي حلكج ...

دفعها باديه بهدوء وابعدها عني ولزم اكتافي الاثنين ودفعني لحظنه ..

هنا اني دخلت بموجه من المشاعر المتلخبطه بين الدموع والشوق والذكريات البائسه

احس كل الحواجز الي جانت مبنيه بحايط متين بيني وبين اخواني جانت متهشمه وضعيفه حيل

الوكت الطويل جان كفيل بأنه يحطمها 

وحاليا كلها انهدمت وانهدم وياها كل الزعل والغيض مع ذلك كلبي بي نغزه وما متطمن بس من شنو الله اعلم !!

دخلنه لجوه ومشاعرنه او بالاحرى مشاعري اني الي جانت صافيه وكلها حب وعاطفه وشوق للكل