فـي صمتـها نــاي

الثالث والعشرون

             #في_صمتها_ناي

       #البارت_الثالث _ والعشرون

          #للكاتبة_زهراء_المظفر

_____________________________

الاكثر تفاعل للبارت السابق
ـ مبروك 💙💌
user25258093
_____________________________ 

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

بارت اليوم هو بارت مفاجئات ومعرفة الحقائق لذلك ركزوا عدل ع الاحداث وحاولوا تربطون بينها والي مافهم يسألني و استعدووووو  (>.<)

اتصلت اول مره ما جاوبت .. دردمت بيني وبين نفسي .. ردي عاد تره مالي خلكج والله .. ما ميته عليج وع صوتج عود زعلانه هيه

انتظرت ثواني ورجعت اتصلت مره ثانيه شويه وجاوبتني من وره خشمها تحاجيني

سألتها عن حازم شلونه وجاوبتني ..

- شدراني بي ما اجه النه اليوم ، شصايرر ؟....

تلبكت اكثر من سمعت حجيها وخوفي زاد اكثر ..

- ما صاير شي شبيج بسرعه تطفرين وتخافين غير هو كل يوم يكلي طالع للشغل وطلع يجي عدكم اتصلت اتطمن وهسه انتي تكولين مو عدنه خوفتيني عليه

ـ اي مو اني زعطوطه عندج والمفروض اصدك جذبتج هاي شو ولي عني اروح اشوف وليدي وينه ، الله ياخذج ما خليتي الولد يرتاح من شافج لهذا اليوم ..

سدته بوجهي وضليت فاتحه حلكي ع حجيها .. ياا هاي ماصدكتني !!

اذا مو عدهم لعد وين راح ضليت اكل بروحي اكثر والافكار السوده تتكامز كدام وجهي ..
يعني الا اضوجه بحجايه ادري بي حساس من شغلة مرضه ليش اعيد وازيد بالموضوع

انوب هاي الحيه السوده ما اخذت منها لا حق ولا باطل وخلتني اتوتر واخاف اكثر هسه اني شبيه خابرتها  بس يلا استاهل هالرزاله حتى منا ورايح اتوب

،خليني اجر اذني .. كضيت اذني بأصابعي الابهام والسبابه وجريتها بشكل خفيف التوووووبه اذا حاجيتها بعد ..

زفرت بملل وكلت

ـ يووووه هسه اني شبيه خايفه عليه شنو طفل هوه و اخاف يضيع بالطريق ..ناقضت كلامي بسرعه وكلت ..

اي والله طفل وينخاف عليه اكثر من الطفل هم يارب تحفظه الي من كل شر  ، حازم بأمانتك يا اللهي ..

ضليت افتر بالبيت وشابكه اديه سوه من التوتر ياطالعه من الغرفه ورايحه للمطبخ يا طالعه من المطبخ رايحه للحديقه امشي  واطكطك بأصابعي لو اكل بأضافري

هالعاده بيه من اني صغير ومااكدر اغيرها لذلك دائما اضافري منتقلات الى رحمة الله تعالى