فـي صمتـها نــاي

البارت الرابع

            #فـي_صمتـها_نـاي
   
              #الـجــزء_الـاول

               #البارت_الرابع

          #للكـاتبة_زهراء_المظفر   
_____________________________ 

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

_أقرئي كُتـباً ، تثَـقفي ، أبتسمي واضحكي ،كُـلي ماتـحبين وأخـرجي الطـفلة الـتي بِـداخـلكِ.!!

الأكثـر تفاعل للبارت السابق _مبروك 💙

Zaenabo222

أول تــوقـع صح للبارت السابق _ مبروش 💙

ZAINAB-ALMUDAFEER

نرجـع للبارت
_____________________________

الوضع صار متوتر

الحجيه تمرضت من كل هاي المشاكل كمت الوم بروحي اكثر واكثر لان احبها واحس اني سبب مرضها واني سبب مشاكل زينه وسالم الي ماكام يجي للبيت ...

ماعندي غير حل لازم اطلع من هذا البيت الي راح ينهجم بسببي ..

بس وين اروح هذا السؤال ضل يفتر براسي وما لكيت اله اجابة !!

رفعت راسي للسما ...الغيوم مغطيه اشعة الشمس كأنها بلا وجود
الغيمة تتحرك من يدفعها الهوى ويتغير مكانها وشكلها ويبدي الشعاع يشق طريقه ويوصل للأرض ..تتقلص عضلات عيني بسبب هالشعاع وترجع غيمه ثانية تسد عليه الطريق

المنظر سحر عيوني وجذبهن اله ماكدرت اعوف هذا الجمال بدون مااصفن عليه كم دقيقه

دقايق من الهدوء كدرت توصلني لفكرة اكدر اطلع بيها من هذا البيت ...

دخلت جوه لازم اتصرف بشكل طبيعي وما اجذب الانتباه توجهت للمطبخ وبديت اشتغل ..

جسمي جان بالمطبخ يشتغل عكس عقلي وتفكيري الي جان بغير مكان بعيد كل البعد عن واقعي البائس ودليل كلامي اللسعه الي شفتها بأيدي بعد ما خلصت كل شغلي خاطبت روحي بصوت عتب ..

هاي شنو ناي كمتي ماتحسين بالألم الجسدي ،، لعد ليا مرحلة وصل الم روحج

توجهت لغرفة الحجيه بعد ما سمعتها تون ...
سلامتج بيبي هسه انطيج العلاج وتصيرين زينه

- بيبي العافيه راحت بعد مايردنها هالدعابل هذن -تقصد الحبوب -

جاوبتها بضحكه راجيه منها تغير جو ..لا ماكو هيج حجي اصلا انتي جاي تونين هاي الايام لان ماطلعتي للسوك من الصبـح وشفتي محبـوب الگلب ..
وغمزت الها بمكر واني اقدم العلاج الها

- ياا بيبي شنهي هالحجي هذا لا يسمعج احد ويبليني شو انطيني الدوه انطيني

سحبته مني وشربته بسرعه زين ماغصت بي كالت بردح ..