فـي صمتـها نــاي

البارت الثاني/جزء2

              #فـي_صمتـها_نـاي
   
              #الـجــزء_الـثانـي

               #البارت_الثاني

          #للكـاتبة_زهراء_المظفر      

_____________________________

الاكثر تفاعل للبارت السابق
ـ مبروك 💙💌
HabaAbood
_____________________________ 

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

كملوا العشى وكاموا ..البنات شالوا السفره واني كملت اكل عمي ..ياكل بشكل بطيء ..وغير هيج اني اخلي لكمه بحلك عمي ولكمه بحلك يوسف .. يعني اضل ساعه اوكل بيهم ..

كملوا كلشي وكمت حتى اغسل المواعين ..

وكفت ع السنك اجت وكفت يمي نوره وكالت ...

- اساعدج حبيبتي ؟

جاوبتها واني افرك بالماعون الي بأيدي ..
- لا حبيبتي اني هسه ع السريع اخلصهن مو هواي .. روحي كعدي انتي ..

رفعت ردنها وفتحت الحنفيه متجاهله كل كلامي وكالت..

ـ اني اريد احجي وياج وماكو انسب من هالفرصه ..

جاوبتها بهزة راس بمعنى احجي ..
وهي بدأت كلامها بسرعه كأنه الحجي الي بكلبها ياكل بيها وبس تريد تطلعه ..

- اني وحازم الله يرحمه جنه بعلاقة حب دامت لسنوات ونكدر نكول من الطفوله جانت امي تكول انتي لحازم ابن خالتج وهو امه نفس الحجي تكوله اله يعني كانهم اجبرونا ندخل بعلاقة حب بالعقل الباطن وغصب

اني بنيه تعلمت ودرست واعرف اقرر شنو الشي الي يعجبني وشنو الشي الي ما اريده  من حقي احب واني الي اختار الشخص الي اريده بس كلام امي وخالتي مترسخ بعقلي انتي لابن خالتج وهو الج

حازم جان يحبني من كل عقله ومتعلق بيه كومه هو الولد مابي شي ينعاب شاب معتمد ع نفسه ويشتغل والله رازقه بس اني ماحبيته مثل ماهو حبني اني جنت احس وياه متقيده وما مرتاحه حتى بكلامي وياه

ناي جاي تفهميني !! جاي تفهمين شنو نوع العلاقه الي ربطتني بي ، مو حب لا والله مو حب بس اني عقلي انترس من نعومة اظافري وصغر عمري بحجي امي وخالتي انتي الحازم وهاي هيه

بدون ما يسألون البنيه عن رأيها لا بكيفهم يحددون منو يتزوج منو وكون احنه نسمع كلامهم ..

ما اريد اطولها عليج بس الزبده انخطبنه اني وحازم وهالحجي جان قبل لا يتعرض للحادث  !!

اني جنت اعتبرها خطوبة اهل وزواج تقليدي بس هو يعتبره حب ، اني ما اكولج حازم غلطان لا والله المرحوم جان يباوع لشايفي شنو ينطقن حتى ينفذ بس اني ما اقفتنعت بي ك حبيب الي