فـي صمتـها نــاي

البارت الخامس

            #فـي_صمتـها_نـاي
   
              #الـجــزء_الـاول

               #البارت_الخامس

          #للكـاتبة_زهراء_المظفر   
_____________________________ 

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

  تعويـضات الله مـذهـله ..وتَستحـق الأنتظار ..🧡✨

الأكثر تفاعل للبارت السـابق
ـ مبروك 💙

qqwwee_74_
_____________________________

رجعت كعدت يم خاله وبدت تسولف وياي

ـ خالج الله يرحمه يصير اخو امج الجبير وهو الوحيد الي ماتبرى منها مثل باقي خوالج ولا قبل ع سالفة الفصليه عمتج

ـ الله يرحمه اني ماشايفته

ـ اي وين تشوفينه انتم عشتوا بكركوك محد شافكم بعد بس اياد اخوج دائما جان يجي عدنه يم الولد

ـ صددكك اياد وينه هسه تعرفون مكانه !!!!

..اي ببغداد يم بيت عمكم مجيد

ـ الف الحمد لله من عرفت مكانه ابد مااجه ع بالي هو يم بيت عمو مجيد ، والله  يا خاله طلع وماندري بي وين راح ومن هذاك اليوم بعد ماشفته

..يجي يوم وتشوفينه واحنه راح ننطي خبر يجي يشوفج بعد شتردين

دخلت هبه وشايله بايدها صينيه جبيره وكالت ..عيني عيني امي نستني وكاعده تدلع بناي
خلت الصينيه كدام امها بيها حشو و ورق عنب وجدريه فارغه ..
يلا يلا يمه بعد ماعندج حجه كلشي حضرت الج

ضحكت ام غيث ع حجيها وسحبت الصينيه حتى تتقرب اكثر منها وكالت ..اي بس تعالن ساعدني حتى نخلص بسرعه قبل لا يرجع اخوج

بدت تشتغل وهبه وياها ..تقربت عليهن احاول اساعد واتعلم منهن لأن ما اعرف

اخذت ورق العنب ولفيتها بس الله لا يراويكم .. الورقه تنكط بالتمن من كل مكان بيها

ضحكت هبه وهي تكول .. ناي هاي ورقتج بيها كُساح خطيه ههههههههه

ـ خاله شوفيها تضحك عليه ترة هاي اول مره الف بيها دولمه مااعرف

..ختولي خاله لا تهتميلها ع اساس هيه تعلمت من اول مره ـ اخذت ورقه بأيدها وكالت .. شوفيني شلون راح الفها وسوي مثلي

خلي الورقه بالصحن حتى تثبت عندج وما تتشكك خلي الحشو بالنص هيج

- شالت شوي من الحشو وسطته بنص الورقه ..

وهسه طبكي الاطراف عليهن حتى ماتطلع الحشوه وهاي هيه شوفي شلون صارت صغيره وحلوه ما رايد الها شي هسه اخذيلج وحده وجربي من جديد ..