فـي صمتـها نــاي

البارت السابع

            #فـي_صمتـها_نـاي
   
              #الـجــزء_الـاول

               #البارت_السابع

          #للكـاتبة_زهراء_المظفر   
_____________________________ 

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

توضيح صغيرون _ وردة هي ام ناي بس اني غلطانه بواحد من البارتات السابقه كاتبه فاطمه

شفت التعليقات كلها تسأل ع ام ناي كلت ليش صار عدهم هالتساؤلات رجعت تأكدت شفت كاتبه فاطمة - سمايل يضرب كصته

عدلته هسه اذا ترجعون عليه ح تلكونه وردة

الاكثر تفاعل للبارت السابق
ـ مبروك 💙

AlaaCoco

_____________________________

شلت الجاي وصبيت الهم ...اموت واعرف شلون يشربون الجاي وليش يحبونه هالكد وانه حتى بالريوك مااحبه

وديته الهم من دخلت سكتوا وماحجوا شي وزعته عليهم وطلعت من الديوان .. بعدني ماطالعه وصوت ابوي رعد البيت كله

ـ وردة تعااااااي

.. خليت ايدي ع كلبي من سمعت صوته ..عزه العزاني بس لا عرف بهذا الولد

صاح مره ثانيه بنبرة كلها تهديد .. مو جاي اصيحج ماتجين ؟!!

ـ بلعت ريكي وفتحت الباب .. ها بابا

ـ تعاي ضوكي هذا جايج شنو ولج جايبته مال امس مفحم

.. سمعته حجه ع الجاي ابتسمت وتنهدت براحه وكلت بكلبي (اييي همزين مو ع المجهول )

ـ ولج طايحة الحظ مسولفلج نكته انه شوو ما مؤدبه

.. لا بابا والله ماقصدي شي هسه اخذه ابدله الكم ـ رحت بسرعه اخذته واخواني عيونهم صايره نار من الاعصاب

الحمد لله بابا موجود يمهم مايكدرون يسون شي

طلعت من الديوان وصارت هدى بوجهي جانت تتسمع علينه

ـ يعني وصوج ع جاي ومادبرتيه جا بيمن فالحه انتي

..مديت ايدي الها وانطيتها الصينينه ..
اذا انتي هيج نادره هاج الصينيه وروحي سوي انتي الهم وبلا لغوه زايده ماريد اسمع حسج ..

- شو انتي ماتحترمين احد !! شنو اشتغل عندج انه وتتأمرين

.. لا مااحترم خليت الاحترام ورحت - هزيت ايدي وعفتها ورحت

دخلت للغرفه وسديت الباب زفرت بغضب ( لسانج يمته تكضينه )

سحبت الدفتر وذبيت روحي ع الفراش
قريت الي كاتبته ابتسمت ع خطي صاير حلو .. شغلت الراديو وجانت طالعه اكثر اغنيه احبها ...