#فـي_صمتـها_نـاي
#الـجــزء_الـاول
#البارت_السادس
#للكـاتبة_زهراء_المظفر
_____________________________
قبل لاتبدون بالبارت لا تنسون تصلون ع النبي
اللهم صلِ على محمد وال محمد💙✨
_____________________________
بعيداً عـن العاطفة ، أحياناً تستحق ما يحدث لك ، كي تغير تفكيرك وتفيق من غبائك قليلاً .!
--------
الاكثر تفاعل للبارت السابق
ـ مبررك💙
بنات عندي سؤال الكم ولازم تجاوبوني ليش التفاعل عبارة عن سمايلات ومو يم البارت اصلا؟؟!!
شنو محتوى البارت مو حلو لو الرواية مو حلوة لو شنو بالضبط ؟؟
وليش المشاهدات عاليه واقل بارت مشاهداته اكثر من 150 مشاهدة والتصويت لو يوصل لل30 لو لا ؟
الرواية الكم وربي يشهد البارت ياخذ هواي من وقتي وجاي انزله الكم بدون تأخير والتصويت مايضركم بشي بس يوصل الرواية لأكبر عدد من الناس !
وهسة نرجع للبارت
_____________________________
عام 1983
شهر ال12 ساعة 7 ونص الصبح.. طلعت اركض من غرفتي واني ادردم بيني وبين نفسي ،، كل يوم ع هاي الركضه من الصبح ضلي هيج سهرانه احسن الج دوم متاخرة
فتحت الباب الرئيسي مال البيت ،، شدعي عليك يلي بنيت الحمام بره بالحديقه ماكلت شلون يطلعون بالشتا
هب الهوى بوجهي طبكت اسناني بقوه وخليت ايدي ع خشمي وحلكي جنت ساحبه اطراف الردن بيها ومغطيه اصابعي كلهن
مشيت واني ارجف الحديقه جبيرة وكلها اشجار من يتحركن يهب الهوى بقوى اكبر شوي وتطيرني
دخلت للحمام وفتحت الحنفيه ،،
الماي بارد مجرش اعصابي صارت تجدح صرخت بصوت اااااالله اااكبببررر عليكم ليششش متشغلون الكييزررر شلون راح اغسل هسسه
ربي اليكَ المشتكى غسلت بس جيب الي يفتح باب الحمام ويطلع منه وهو توه مغسل بماي بارد
نشفت وجهي بدشداشتي وطلعت اركض وساده نَفسي ماريد الهوى البارد يدخل بصدري
دخلت للغرفه ع السريع ووجهت نظري للساعة
عزززه بعينج وردة ب 8 الا ربع هسه هم اتأخر ويضل يحجي ابو حلك اعوج
طلعت تنورتي السودة والقميص الابيض والجاكيت لبستهن ع السريع ورفعت شعري "ذيل حصان " اسهل شي والاسرع
لميت اقلامي المطشره بالجنطه وسحبت اول سجل اجت عيني عليه لبست الجواريب وصارن بالعكس غلست عليهم
يلا يتغطن بالحذاء
أنت تقرأ
فـي صمتـها نــاي
أدب نسائيروايــة حقيقية واقعية (١٠٠%) (مكتملة) لفتاة اخذت نصيب من اسمها بما يكفي رواية بطلتي (ناي) رواية يتحدث قرائها بأنها خيال ... لكنها تنبض من ارض الواقع إتهام بأبشع الأمور !! الي يهتز اله عرش السماء المزين بأسماء الله الحسنى .. دموع إنذرفت من عين ال...
