فـي صمتـها نــاي

السابع / جزء 2

           #فـي_صمتـها_نـاي
   
              #الـجــزء_الـثانـي

               #البارت_السابع

          #للكـاتبة_زهراء_المظفر      

______________________________________________________________________

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

قراءة ممتعه ..
__________________________________

عاشت ايدج يا مرت الغالي وماقصرتي ..

عافني وطلع من الاستقبال ...

خلاني بصدمتي بحيرتي احس عقلي راح يوكف من الصدمه ..

ثواني هيه مو اكثر من دقيقه وانفتح الباب عليه ..

ودخلوا الاطفال يركضون يمي بالاستقبال .. ابني يركض كدام عيوني واراقب حركاته واحس كلبي يكمز وي كمزته ويضحك وي ضحكته ، جانوا يلعبون ومندمجين واصوات ضحكاتهم تداخلت وصارن صوت واحد

بدون ما ينتبهون لوجودي يمهم من الاساس وكأني لا شي كدامهم ،

هنا  عرفت انو ابني قبل ساعه اني الي خليته هيج يتصرف وياي وينفر مني  خاف مني بسبب الطريقة الي جيت اله بيها يجوز خاف مني لان هو ما جاي يشوفني امه لا جاي يشوفني انسانه غريبه بمظهرها التعبان الي يفزع منه حتى الجبير قبل الصغير  ،

بس شنو بيدي ما جنت متوقعه هيج راح يستقبلني ..

عشت سنة كاملة انتظر هذا اليوم وانتظر اسمع كلمة ماما منه وكالعادة ما تمنيت شي وصار مثل ما اني اريد وتحطمت كل تأملاتي..

جنت متأمله انو يوسف يركض لحظني ويبادلني شعور الاشتياق نفسه

ما عرفت شلون كمت ومنعت نفسي من الصفنه بوجهه وشلون ماخليته بحظني صبرت نفسي بكلمات جنت اكولهن لروحي عسى ولعل تهدا النار الي جمرها حرك الي كلبي بده فحمها ورمادها يحولني للسواد الي صعب اتخلص منه  ....

طلعت من الاستقبال وتمشيت للمطبخ اريد اغسل وجهي وامسح دموعي

اول ما وصلت لباب المطبخ شفتها كدامي .. جانت واكفه ع السنك وظهرها عليه  ترددت من دخلتي يمها

سحبت نفس قوي ملئ الي رئتيني وشجعت روحي وتقربت منها بخطوات قصيره

او ما حست ع وجودي يمها دارت وجهها عليه ..

جانت صدمه بالنسبه الي ...

ماجنت متوقعه فخريه تبجي بهالحرگه هاي وعيونها حمررر

اول ما شفت منظرها تهدمت كل قوتي الي جنت احاول احافظ عليها بالگوه

رمشت عيوني وطاحت دمعتي ... مديت اديه وحظنتها بقووه