فـي صمتـها نــاي

28 ، نهاية الجزء الاول

#في_صمتها_ناي

#البارت_الثامن _ والعشرون

#للكاتبة_زهراء_المظفر

_____________________________

الاكثر تفاعل للبارت السابق
ـ مبروك 💙💌

HabaAbood

Aala_Ayad

zezelolo321

_____________________________

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

تسألني الشوارع .. وين الاحباب
و وين اليوكفون بعتبة الباب

ابشرك سلموني بحلك الذياب
نسوا إني جنت بيوم خلهم

ما ضلّي اهل حتى ارجع الهم
انا احباب كلبي رحلو كلهم

بالغربه وعليه جروحي صاحت
وحرت مدري اشدهم مدري افلهم

ما ضلّي اهل ما ضلوا احباب
واعز الناس ناموا جوا التراب

بقه بس الجرح ..والجرح ما طاب

وين اليوكفولي و اوكف الهم
ما ضلّي اهل حتى ارجع الهم 💔 ..

......

واكفه كدام الطباخ .. ايدي اليسرى متخصره بيها مخليتها وره ظهري
صاكه سنوني ع شفتي من الالم
وايدي اليمنى لازمه بيها الجفجير (المس)
احرك بيه التمن

الالم تعبني هواي هاي عود بعدني بالشهر الخامس من يجي موعد الولادة شنو راح يصير بيه

طفيت النار من جوه جدورة الغده .. مشيت بكل بطئ مشيتي اشبه بمشية البطريق

بطني حيل جبيره والطفل يتحرك بأحشائي .. صح اتألم من حركته القوية الي ابد ما تهدء بس اذا تعدت ساعة ما تحرك بيها الجنين بداخلي اخاف واضل احاجيه بخوف

اضل اتوسل بي حتى يحترك واتطمن عليه ..

رجعت ايدي لوره ظهري واني اتمشى وايدي الثانية امسح بيها ع بطني البارزه ..

سندت ايدي ع القنفة وكعدت بصعوبه عليها ..
ورجعت لعادتي الي مثل كل يوم اضل اسولف وي ابني واشتكي اله من ابوه وضيمه ..

ـ حبيبي او حبيبتي الي ببطني اني لهسه ما اعرف شنو جنس جنيني بس تأكدوا انو اني راح اعيشكم احسن عيشه ، ما اخليكم تشوفون الي شافته امكم

اتذكر اليوم الي عرفت بي اني حامل بكل تفاصيله ..

اليوم الي سحبتني بي فخريه للمختبر كوه من بعد ما استجوبتني وسألتني كومه اسئله وسولتي امتحان من شافتني دايخه ونفسي تلعب