فـي صمتـها نــاي

العاشر/جزء 2

فـي_صمتـها_نـاي

#الـجــزء_الـثانـي

#البارت_العاشر

#للكـاتبة_زهراء_المظفر
_____________________________

فقرة الاكثر تفاعل للبارت السابق احب اشكر بيها الكل فدوه تجننون والله من بداية الرواية لهاي اللحظه وانتوا وياي بتعلقياتكم الحلوة وتصويتكم احبكم ونبي 😻

واكيد ما ننسى الاكثر تفاعل للبارت السابق
ـ مبروك 💜

Fatimah15900680

ملاحظه : امس كلت الكم ع المنصه راح انزل البارت الاخير بس شفته صار حيل طويل من ال4 العصر واني اكتب بي تعبت حيل

فـ البارت الجاي ح يكون الاخير من روايتنه
___________________________________

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

___________________________________

بليل طلعت من غرفتي مفتقده حسام طلع من يمي ع اساس راح يشرب ماي وصار اله نص ساعه ما رجع ..

تمشيت بالبيت ما اله وجود ..

فكرت انو يمكن طلع او راح لمكان فقررت اروح يم ناي شوي ..

خليت ايدي ع قبضة الباب مال الاستقبال الي تنام بي ناي وسمعت يكول الها ...

ـ فكري هسه انتي و مهما راح يكون قرارج ماريد فخريه تعرف بي رجاءا خلي يكون سر بينه حاليا ..

انصعقت من الي سمعته وبدون تردد فتحت الباب ..

اول ما شافوني كدامهم تغيرت معاني وجهم وصفك حسام ايديه الاثنين سوه وكال ..

- ماكو فايده ماكو شي ينضم عليها..

وكفت كدامهم بصدمه وعدم فهم عقدت حواجبي وتخصرت بوكفتي كدامهم ،

اعصابي صارت تجدح من كامت ناي وترخصت حتى تطلع من يمنه وتتركنه لوحدنه

صحت عليها حتى تجي وتواجهني بس ما سمعت الي وكملت طريقها تتسحب من مواجهتي ..

وكفت كدامه والعصبيه واضحه ع معاني وجهي

والشياطين كلها تفتر كدام واجهي واحس الاعصاب والشرايين الي موجوده كلها صارت بارزه ع جسمي من غليان الدم الي اني بي زفرت نَفسي بحركة كلب وسألته ..

- شنو الي تريده سر بينكم !!! شنوووو الشي الي تريد فخريه ما تعرف بي ويبقه بينك وبينها

طبطب حسام ع كتفي بكل برود وكال بهدوء
- خبصتينه خبص بدون ما تفهمين الموضوع

تعاي كعدي يمي ،، اني جنت جاي اخطب ناي وانتي خربتي علينه ..

كمت من يمه بسرعه وصرخت بوجهه
_شنوووووووووو!!!؟