فـي صمتـها نــاي

البارت الثالث عشر

            #فـي_صمتـها_نـاي
   
               #الـجــزء_الـاول

            #البارت_الثالث عشر

          #للكـاتبة_زهراء_المظفر   
_____________________________ 

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

الاكثر تفاعل للبارت السابق
ـ مبروك 💙
J_janilla

لاتقرون البارت قبل ما تصلون ع محمد وال محمد

اللهم صلِ على محمد وال محمد 💙✨

_____________________________

حجه وياي بهمس .. ناي تجين وياي لبيت عمنه مجيد ، احسن الج هناك يم عمي اتطمن عليج اكثر قبل لا اسافر بالبعثه  لأمريكا

فتحت عيوني الي غركانه بدموعهن وباوعتله .. يعني هم راح تعوفني وتسافر !!...

ـ نونه تره هالبعثة اني انتظرها من صغري ، هاي عود انتي تدرين بيه شلون جنت ذابح روحي بالدراسة وعدت اكثر من سنه بالسادس كله في سبيل اطلع معدل عالي يقبلني طب  هسه من
طلعتلي البعثه وبأمريكا تردني اعوفها ؟.

- ماكتلك عوفها بس لا تاخذني لبيت عمي الي اصلا ما اعرفه ولا شايفته خليني هنا مرتاحه وي بيت خالي

ـ عدهم ولد شاب شلون ترديني اخليج هنا !!
ـ  يا ولد تقصد غييث المتزوج واكبر منك يمكن ، عمره ماحجه وياي ولا ضايقني بشي ومن الصبح لليل بالشغل

ـ ناي انتهى الموضوع ترحين وياي لبيت عمنه هناك اتطمن عليج اكثر و ماكو احد يريد مصلحتج اكثر من عمج ..

اني جيت اودعهم قبل لا اسافر ، وانتي هم ودعيهم وحضري ملابسج نروح العصر طريقنه بعيد هم يالله نوصل الفجر لبغداد

كمت من يمه وطلعت بره .. يعني هم مجاي علمودي جاي يودعهم ولكاج هنا يسوي فضل وياخذج من بيت لبيت

زفرت نَفسي بملل ورحت احظر ملابسي
هبه اول مشافتني احظر بيهن ماحجت شي بس مبين عليها ضاجت وانزعجت

بس اني شبيدي عليها وشبيدي ع روحي قراري مو بأيدي دائما اكو شخص يقرر عني وامشي على شورهم

كعدت يمها وسألتها .. تذكرين من سألتج وكتلج شنو كلتي لزينه وقبلت اجي يمكم ..رديتي عليه وكلتي الاحسن الج ماتعرفين هسه ..
هسه اتوقع صار لازم اعرف شنو الشي الي كلتوه الها وجانت ملامح وجها ما تتفسر

هبه .. عاااا بعدج تتذكرين هههههههههه ونوب مخليتها ببالها

ـ شننو ولج واحجي شبيج تضحكين .. حاجيتلج نكته اني ؟
- لا ولج بس مادري بيج هيج تضلين مخليتها  ببالج ، وداعتج ما كلنه الها شي بس امي كالت الها ناخذ ناي ويانه وهي قبلت اختج جنها تريد الفكه منج ...