فـي صمتـها نــاي

البارت الاول

           #فـي_صمتـها_نـاي
   
              #الـجــزء_الـاول

               #البارت_الاول

          #للكـاتبة_زهراء_المظفر   
_____________________________ 

قبل لاتبدون بالبارت لا تنسون تصلون ع النبي

اللهم صلِ على محمد وال محمد💙✨

_____________________________

* ملاحظة صغيرونه راح انشر ببداية كل بارت اكثر حساب متفاعل على البارت الي قبله ، واذا جانت نهاية البارت قفله بيها توقعات هم راح اخلي الحساب الفاز بأول توقع صح شنو رأيكم 😈 ..

وهذا حساب صاحبة اكثر تعليقات للبارت السابق _مبروك

jumanah_98

وهسه نبدي بالرواية ..
_____________________________

وكف دك الباب ورجع اشرلي اتقدم للباب تحركت شوي شوي انفتح الباب وصار كدامي طفل اول ما شاف الولد الي وصلني واكف كدام باب بيتهم عاف الباب مفتوح ودخل جوه يركض بقيت مستنده ع الباب .. ثواني وطلعت زينه من الباب الداخلي تلبس بحجابها وكوه تمشي ووزنها صاير اضعاف من السمن

شافتني واجتي تركض مدت راسها من الباب شافت هالولد واكف سحبتني ع سريع وسدت الباب

... شجابج ولج شصايرر احجييي

حضنتها وانغمى عليه بحضنها ..

جنت احس بيهم وهم يحاولون يشيلوني من الكاع
بدت اشكالهم تتلاشى من كدامي ..

......

جان جسمي جاي ينهز .. ايد جبيرة متربعه على جتفي تحاول تكعدني .. اسمعهم بوضوح بس مختنكه احس وصلت للموت بعد مااكدر افتح عيني

يلا ياعيني كعدي مو شلعتي كلبي .. يااا ولك سالم شو تعال شوفها اخاف ماتت هاي

.. يامعوده شو دعوفيها ترتاح وتكعد هسه شجلبتي فوك راسها

.. مو هيه عدها ربو مثل امي الله يرحمها و اخاف لا هم تختنك مثلها ويصير بيها شي ..

... لا اله الا الله ولج شنو من مره انتي يعني بيها ربو وساكته شو انطيني ملابسي خليني اركض اجيبلها بخاخ البنيه مختنكه وانتي كاعده وترشين فوكها بهالماي

... خايبه زوينه شلعتي كلب رجلج وياج من الله اكبر عليج ماشاف الراحه من يوم الخذاج .. وهاي البت منهي وهيج مسدوحه عدنه

.. عمه خوب انتي مايعجبج العجب ولا صيام رجب هسه انه ورجلي ونتعارك شنو مايصير لو قامت القيامه

.. عمنج موخوش ادميه انعدلي وجري عدل وشوفي ياهو يتدخل بيج بعد شو وخري وخري خليني اشوف شنو علة هالبت هاي

حسيت بأصابع مجعده مشت على وجهي تتلمس كصتي وخدودي .. هاي البت منتهيه وين راح سالم مايجي ياخذها للدكتور