معليشي ع تاخير بس عارفات رمضان في نهار مانفضى بكل
منقولة
النَصِيــٍبً
الحلقه 2
نادر" تعالي ي امي قعمزي نبي نقولك حاجه
امه " خوفتني ي وليدي شن فيه
نادر " جاه قعمز جنب امه ومسك يدها
امه " احكي هيا شغلتني
نادر "ي امي باتي
امه " عيونها دمعن كنه
نادر" توفي
امه " من قالها لكي كيف عرفت
وبدت تبكي
عبدالله " معقوله تبكي ع واحد كيف هذا
نادر "امي خلاص الله يربحك
امه : مافيش شماته في موت وانا وباتك عشرة عمر
وهذا مهما كان يقعد باتكم
عبدالله " بعد سيبك وسافر وجوز وتو جايه تقولي باتك
وكان سمعتي تو انه عنده بنت
نادر "عبدالله خلاص سكر فمك
امه " كيف بنت وبدت تبكي
نادر" ي امي امبدري كلمني خالها وقالي باتي وامها توفوا في حادث وهيا نجت الحمدالله وقالي تعال بيش تاخذ اختك
امه " كيف تبي تجيبها هنا
عبدالله " مش ملزومين نحن بيها
نادر " هذي اختك كنك هكي تفكيرك
عبدالله " ماعنديش اخت انا
امه " عبدالله عيب عليك تقعد اختك من لحمك ودمك
وانت امتي ماشي تجيبها
نادر " امي موافقه يعني انتي
امه" البنت مادخلهاش بي شي
عبدالله" كيف تقبلي انها تخش الحوش هنا
امه " عبدالله خلاص انا قلت كلمه وسكر علي الموضوع
ي نادر بيش تكلم عمامك وتحكيلهم قبل ماتصرف
نادر" ان شاء الله
وقرب وحب علي راس امه وطلع مشاه لي حوش جده
عبدالله " البنت هذي ماتخشش لي حوشنا
امه " استغفر ربك ي وليدي
بنت يتيمه
عبدالله " تقعد عند هل امها مش ملزومين بيها نحن
امه " من امتي وانت تمكر في ناس حرام عليك
عبدالله " مانبيش نشوف وجها في حوشنا
امه " قلتها انت حوشنا مش حوشك بروحك يعني لذلك كلمتي انا متنكسرش والبنت مالهاش حد غيركم
عبدالله " قعد يكسر ويخبط ولين نزلت سهي
سهي " كنكم كنكم ي عمتي شن فيه
عبدالله طلع وخبط الباب
سهي " شن فيه ي عمتي كنه عبدالله رقيله
امه " قعمزي تو نحكيلك وحكتلها موضوع كله ............
سهي " لاحول ولا قوة الا بالله
امه " مايبيش البنت
سهي " هو معاه حق من ناحيه انحرم من باته من وهو وصغير وماحسش بحنان الاب
امه " عيب عليه يدر هكي هذي اخته في نهايه
سهي" ربي يهدي ان شاء الله
انتي وسعي بالك بس ي عميمه وتو كل حاجه تنحل
امه " ان شاء الله
سهي " تو ديروله عزاء هنا
امه " اكيد كان راضه عمي وافق حنديروله هكي اصول
سهي " بصراحه نحسدك ي عميمه علي طيبة قلبك وصبرك هذي كيف تقدري تحملي وتشوفي بنت راجلك فوق هذا كله تبيها تعيش معاكي في نفس الحوش واعره
امه " مهما كان ماننسش عشره الي بينا وفي نهاية البنت مـاشورها شي في الموضوع
يمكن ربي مارزقنيش ببنت كيف ماكان في خاطري واهي جتني
سهي" ان شاء الله خير ياربي
امه" خليني نصبي نكمل غذاء
سهي " تريحي ي عمتي تو نكمل انا عليكي
امه " يكون احسن نحس روحي تعبت شويه
سهي" تريحي وانا حنكمل
امه " اوكي حنخش لي داري
سماح " شن صار
خليل" كلمتهم بس ماردوش ولا قالي انه حيجي ياخذها
سماح " باهي كيف صير في بنت ماتعرفش انها عندها خوت
وزعمك كويسين وحتعيش معاهم كويس ولا حتعذب ولا كيف ماصيرها
خليل " مش عارف تو بعد يجوا هنا نشوفوا
هيا تو روحي معايا للهوتيل تريحي لكي كم يوم في مستشفى
سماح " كيف نسيب البنت بروحها
خليل " دكتور قال مش حتنوض تو
امشي نتريحو تو وبكره نجو هنا
سماح "باهي
نعرفكم شويه علي هل بابا
خيريه ( تقعد مرات بابا اللي ماكنتش نعرف من قبل انه بابا مجوز قبل ماما )
نادر " خويا مواليد 89
عبدالله " 91
سهي " مرات نادر
جدي " عبد السلام ( شخص واعر كلمة متنزلش للوطاء ابدا بس اطيب منه مافيش ديما مع حق )
جدتي "نعيمه
وباقي تعرفوهم مع احداث
وصل نادر لي حوش جدي
جدي " خير خير ي نادر وينك معش نشوفوا فيك
نادر" والله شغل ي جدي كيف حالك انت شن اخبار صحتك
جدي" حمدالله بنعمه
نادر " وين جدتي
جدي" اهي خش قاعده جوه
نادر " خش سلم ع جدتي وقعمز في مربوعه
جدتي" كنك ي وليدي شن فيه
جدي" من جيتك مش متريح حاس انه فيه حاجه
نادر" جدي انا جايك في موضوع
جدي" احكي شن فيه
نادر " باتي وسكت
جدي " مش قلت معش تحكولي عليه انا متربي منه من زمان
نادر" ي جدي عظم الله اجرك
جدتي " لاالا ماتقولها
نادر" باتي عطاكم عمره
جدتي " ينعليا وليدي ي نعليا مات بعيد عليا
يارتها فيا ومش فيه
جدي "وحدي ربك ي مراءه
قصاد عمله والي داره
جدتي" قعدت تبكي ومنهاره
من قالها لكي انت متاكد
نادر " ي جدتي توفه هو ومراته وبنتهم نجت من حادث وقاعده في مستشفى وكلمني راجل خالتها وقالي بيش تجي تاخذ البنت
جدي" قصدك عنده بنت
نادر " جدي نحن عارفين من قبل انه اجوز اكيد حيجيب عيال
جدتي " ي نعليا ياريتني شفته وتبكي لين فقدت الوعي
نادر "جدتي ردي عليا
وجدي قعد يرعش وخايف
نادر" اكيده هبط سكر
جدي "صاح مخذتش ابرتها اليوم
نادر " وين حاطتها
جدي " تلقها فوق طاوله
نادر" صباه نادر بسرعه وجابها وضربها لها
وشويه شويه بدت ترد للوعي
نادر " جدتي تسعمي فيا
جدتي " ي نعليا جمعه كيف مات وماشفته ينعليا سيب عياله
وقعدت تبكي وخلاص
جدي" وحدي ربك وحرام الي ديري فيه
نادر " جدي انا حكيت امي وافقت اني نسافر ونجيب بنت بس قالتلي قبل كل حاجه اسال جدك
جدتي " حتي كان امك ماتبيها جيبها ليا هنا نربيها انا
جدي" عارفها خيريه بنت اصول وتربايتي
نادر "شن ندير
جدي " سافر بنت بنتنا ومهما كان مانسيبوهاش
نادر" اوكي انا حنمشي نحجز وان شاء الله نلقاه حجز قريب
جدي " توكل وانا تو نخبر عيله كلها
وجدتي كملتها بكاه وتحسر علي ولدها الي مات وماشافته
انا " بابا ليش سيبتوني من ليا غيركم شن حندير بلاكم
كيف حنقدر نعيش من قعدلي في دنيا هذي
ياربي ليش تبي تحرمني منهم من تو مازالت ما شبعت منهم مازالت محتاجتهم جنبي مازالت صغيره مانعرفش حاجه في دنيا هذي....
يتبع ....
