اليوم نزلت حلقه بذري بعد المغرب مش حنزل انتظروني ع سحور
منقولة
النَصِيــٍبً
الحلقه 28
فراس " امشي هيا طريقك بيضا
انا " بحتت فيه وقهرني كلامه من هو بيش يحكي معايا بالسلوب هذا انا بابا الي هو بابا وعنده الحق عمره ماعاله صوته عليا ابدا
طلعنا من كافيتريا وانا ماسكه دموعي بالسيف قعمزت بره ع كراسي ونراجي في عبدالله يجينا وهو كان مصبي ورانا هو ولبني
لبني " فيسو كنها بيسو زعلت
فراس "سكري فمك انتي مش وقتك
لبني " شن دخلني انا تو
وبرمت وجها وسكتت
موده " وسعي بالك كنك انفجرتي فيه هكي
انا " معندش الحق يحكي معايا هكي حسسني اني مش متربيه بكل
موده" ياربي الغيره تقتل
انا "لا غيره لا سوء مغير يحب يفرض في شخصيته عليا
موده " كله مني ومن سي انيس من بدايتها صارت عركه
انا" لا مش منــك ^^
موده " بس حتي انتي غلطتي معاه
انا " مش غلطانه هو الي خلاني نقول هكي
موده "اسكتي خلاص وافردي وجك جاء محمود ومعاه عبدالله
انا" اووووووووف مش ناقصه
موده " شن قصدك
انا "شي شي
عبدالله " واخيرا لقيتكن
انا" قاعدين ماعندنا وين انطيرو
محمود" خير بيسا شن جوك
انا " نحكي ولاويه وجي -_-
من ربي كويسه
محمود " من مرقيها لكـي
انا " محد
عبدالله " فراس وين ولبني وين
انا" جاء خذاها
عبدالله " اهو قاعد مقعمز غادي
شيرله ايجي
انا "ياربي مش خاطري نشوف وجه
موده " اسكتي راه ينتبهو
فراس "خير
عبدالله" وينك
فراس " قـاعد
عبدالله " قتلي ماشي ندورهن في الكافيتريا واختفيت
فراس " سكت ويبحت فيا
عبدالله " اوي نحكي امعاك
فراس "ها شن قلت
انا" طبعا عرفت نقطة ضعفه والي تخليه ينقهر هيا نحكي مع حد غيره لذلك محمود كان وسيله قريبه مني اني نقهره ونخلي معش يحكي معايا بالاسلوب هذا مهما كان انا متربيه كويس ونعرف حدودي وين بس مش يوصل فيـا وقولي هكـــي
انا " دودي مازال عندك محاضره
عبدالله " اها كنك راجيني لين نكمل
انا" اوووووف عليك قلق
محمود "نروح بيكي كان تبــي
انا " جد مادي منتعبكش يعني ^_^
موده " تبحت فيا ومنصدمة
محمود" عيب عليك عيوني لكي
عبدالله " خلاص رد بالك منها وصلها للحوش
محمود " انـا هيا معناها
فراس "يبحت فيا ويفنص وكانه يبي يفهمني اني نفوت محمود ومانروحش امعاه
انا" تم هيا وده
لبني "باي بيسو
انا" مع اني رقيتلي منها بس عسل
انـا " بايات حبيبتي ^^
طلعت مع محمود
عبدالله "وانت بتخش
فراس "لا بنروح معنديش نيه نحضر
عبدالله " شن صاير امعاك انت
فراس "لا مافي شي
هيا لبني
عبدالله " استنا حتي انا نروح معناها
فراس" لا احضر انت
عبدالله " والنبي احكيلي شن صاير
فراس" ماصاير شي ازح خليني
عبدالله "تمام براحتك بعدين تو نجيك
فراس" تم انتلاقو
هيا لبني امشي قدامي
روح فراس بي لبني للحوش وحرق السياره وقعد يبرم في البلاد
