منقولة
النَصِيــٍبً
الحلقه 22
نضت في الصبح
دوشت ولبست ولقيت .......
عميمه خيريه ادير في الفطور
انا " صباح النــــــــــــور
خيريه " صباح الورد
كنك ناضيه مـتأخر ومش لابسه وقت عليك
أنا " اليوم ماعنديش محاضرات عطلتي
خيريه "تمام احسن اتريحي
تعالي نفطر انا وياكي بره في الجنان خير
انا " تمام هاتي انساعدك
وين عبدالله
خيريه " طلع من الصبح
انا" تمام
هي تعالي تو نجيب الشاهي انا
خيريه " نحس فيك حاجه شن صار
انا" لا عادي
خيريه " عيني في عينك
انا" هههههههه طبست راسي
خيريه " فيه صاح
انا" رايفت ع خويله سماح وع عيشتي غادي واجد
خيريه" كيف ضايقناك في حاجه نحن ولا مش متريحه معانا
انا "لالا بالعكس انتو عيلتي اساسا ماليش حد غيركم
خيريه " باهي كنك مضايقه
انا " مش عارفه نحس قلبي مغموم بكل
خيريه " قربت مني
احكي في حد مزعلك
انا" تعرفي انا اول ماجيت هنا كنت خايفه خفت منكم واجد كيف حتعملوني كيف حنكمل حياتي معاكم وانا مش متعوده عليكم اول حاجه خفت منك الحق ماتزعليش مني بس لانه قلت انك من سابع المستحيلات انك تحبيني ولا تخليني نعيش معكم قلت اكيده حنتعب في العيشه هنا واجد وكنت حاطه امل اني حنرد لي ماليزيا غادي بس طلعتي عكس توقعاتي كنتي طيبه معايا واجد وتعاملي فيا كيف بنتك اسفه لاني فكرت فيكي هكي بس زي مانسمع مفيش وحده تحب بنت راجلها
خيريه " اسمعي كويس انا لاني كنت نحب باتك من قلبي مازعلتش منه ابدا لما انفصلنا وطلقني لانه هو كان مجبور عليـا حاولت مع الايام نخليه يحبني مرت سنه وباتك ماقدرش ينساه المرحومه امك الله يرحمها انا فقدت الامل اني نعيش انا وياه مع بعضنا طلبت الانفصال واتفقنا انه يبي ياخذها ويجوزو ويعيشو بره انا ماعنديش حقد عليكي ابدا لانه مش ذنبك الي صار وانتي وحده منه فينا وانا نعتبر فيكي كيف بنتي امسحي دموعك العيون هذينا معش تخليهن يبكن
انا "حضنتها كانت طيبه بكل وحنونه معايا واجد كنت ديما نفكر انقول هيا اكيده ماتحبنيش وتصرف هكي قدام عيالها كنت خايفه منها واجده بس كلامها طمني واجد بكل
خيريه " هييي افطري ومعش نبي نسمعك تحكي هكي مفهموم والموضوع هذا انسي وسكري عليه نهائيا تمام
انا " حاضر :*
فطرت ولميت السفره وهيا خشت ادير في الغذاء
انا مسكت فوني وكتبت رقم خويله سماح في ماليزيا
سماح " الو
انا" ساكته ونبكي
سماح " الوووو
انا" خويله
سماح " بيسان حبيبتي
انا " كيف حالك
سماح " انا كويسه كيف حالك انتي
انا" الحمدالله كويسه كيف حالك انتي
سماح" كويسه بعد سمعت صوتك رايفت عليك واجد عيشتي بلاك شينه
انا" مازلتو غادي انتو
سماح " خليل حصل شغل هنا شكلنا حنستقرو
انا" باهي كويس كيف حال مي رايفت عليها
سماح " كويسه ديما تجيني وتسال عليا امس كنت انا وياها في السوق واذكرناك كنك مارنيتي علينا من اول ما وصلتي وطمتينا
انا" مافضيتش بكل
سماح " كيف عايشه غادي يعاملو فيكي كويس
انا "لا تمام بكل هذوما هلي اكيده بيعاملوني كويس
سماح " كنك تحكي هكي
انا" ليش مش حكيتلي الي صار من قبل
سماح " شنو
انا" نعرف انك عارفه
سماح " مش بيدي امك حلفتني وانا انجبرت منحكيلكش
انا "يعني انتي مش خالتي صاح
سماح " بيسان انا خالتك غصبن عنك فاهمه
انا" اه كلكم طلعتو ادسو عليا
سماح" ي روحي لمصلحتك دسينا
انا" حصل خير
معنديش رصيد هذا رقمي تبي حاجه رني عليا
سماح " سلام المهم طمنتيني عليك
انا "سلام سلميلي ع مي واجد بكل في اقرب وقت نكلمها
سماح " من عيوني يوصل
انا" باي
سكرت وبكيت مش عارفه كنت مضايقه وخاطري نفش غلي في البكاء حسيت محد جنبي محد حاس بيا كنت نضحك قدامهم بس انا من جوا مقهوره مسحت دموعي وحطيت قناع الابتسامة وطلعت قعمزت ع تلفزيون حاسة بي ملل غريبه
خيريه " بيسان افتحي الباب مش فاضيه
أنا " حاضر
فتحت وكان فراس مصبي قدام الباب
بحتت فيه كنت خاطري نحضنه ونبكي مش عارفه ليش جاني شعور هذا
فراس "السلام عليكم
انا" وعليكم السلام
نسجلوك في كتيب العائله انت وخلاص
فراس" حناطه ع الصبح تقطر
انا" عبدالله مش قاعد راه
فراس "من قالك جاي علشانه
انا" من تبي
فراس " عمتي خيريه وين
انا " في المطبخ
فراس" كلميها ليا
انا" نخذم عندك اصلا -_-
فراس "عاودي شن قلتي
انا" شي تو نكلمها
وصلت لعند الباب وفراس قعمــز ع كراسي الي في الجنان وكان حاط كراع في كراع واخذ وضعه كانه مقعمز في حوشهم وقفني صوته
فراس" شكلك كنتــي تبكي من مزعلــكـ
انـا" مادخلكش بيا
فراس" كنك انتي هكي
انا "كني طبيعية
فراس" لا صوبات -_-
انا " راني مش متحمله خفت الدم امتاعك
فراس" راني ولا راوخ
انا" هههههههههههههههههههههههههههه
فراس " يبحت فيا ومبتسم
خلاص خشي كلميها
انا " باه -_-
