صح فطوركن فنزاتي
منقولة
النَصِيــٍبً
الحلقه 31
فراس
كنت راقد في سابع حلمه نوضني صوت تلفون شفت فوني مكانش يرن صبيت قعدت ندور الصوت من وين جاي لقيــت الصوت جاي من الجاكه امتاعي
بحتت هكي وطلع تلفون امتاع بيســان
خبطت يدي ع راسي هيييييييييييييي نسيت تلفونها عندي
عليك قصه شفت الي يـرن كان ليلي مكتوب
مسكت الفون ورقدت ع سرير قعدت انبحت فيه
جت الفرصه لعندك ي فراس بيش تشوفها اخره
خذيت فوني ورنيت ع ملاك
ملاك " واخيرا اذكرت عندك اختك كان هكي راه مارنيت عليا بكل
فراس" ظالمتيني معقوله هكي
ملاك " من يوم ماروحت ماشفتك ولا رنيت سالت ع اختك
فراس" تو ران عليكي نبي نجيــكـي نشرب قهوه انا ويــاكـي
ملاك " تعال ي خيه نستنا فيك احلي قهوه ومعاها بسبوسه الي تحبها
فراس " فيها بسبوسه هيــا طياره
ملاك " تعال هيــا
فراٍس " مسافة الطريق
حاولت نفتح فونها بس كانت ديرتله باسورد كنت خاطري نقصقص ^^ بس ي خساره مقدرتش -_-
نضت نلبس وطلعت لي امي
امه "وين طالع
فراس" اها ماشي تبي حاجه
امه " لا سلامتك ورد بالك ع روحــك
فراس" وين لبني
امه "في دارها
فراس" لبني لبني
لبني" فيسووو مشتله تجــري
فراس" رايحه دبه معش نقدر نشيلك
لبني " مش دبه انا
فراس" لا دبه وشينه
لبني " هيييييييي انت تقول لي لولي شينه
فراس " اها شينه
لبني " باهي زعليت منك ومعش تحكي معايا
فراس " وكان قتلك البسي نبو نطلعوا
لبني " انا عمري مانقدر نزعل منك اصلا
فراس" حشيشتك النسرفه طبعا
لبني" وين نمشو
فراس " ندهورو شويه
لبني" باه
ونزلت خشت تغير في دبشها
امه "و ين ماشي انت
فراس "نبي نبرم ع ملاك وندهورو شويه
امه " باهي ربي يرضي عليك ورد بالك من روحك
فراس " ان شاء الله
هيا ي لبني
لبني "واتيه
ركبنا في السياره
لبني" وين نبو نمشــو
فراس " شن رايك نمشو نشوفوا بيسان
لبني" هيييييييييييييي
موافقه
فراس "بس اول حاجه نمشو لي كوكي
لبني" باه
مــلاك " انســتو
فراس" كيف حالك
ملاك " كويسه
فراس" وكيف حال فرج
ملاك " قاعد حال الشغل
فراس" اها باهي وين القهوه امتاعك والبسبوسة
ملاك " نحلف عليها جيتك هذي وراها حاجه
لبني "نبو نمشو لي بيسو
ملاك "بحتت فيه بنظره استغراب
فراس" البنت هذي شهداره
ملاك " احكي شن فيه
فراس" ديرلي قهوه قبل
ملاك " من عيوني
سلوي" محمود نوض
محمود "شن تبي
سلوي " نوض شيلني لي عيت جدك
محمود " جايبيني سواق انا
سلوي" وعليش جايبتك انا بيش نستفيد منك
محمود " تقولي فيها في وجي
سلوي " تي نوض
محمود " وراجلك وين
سلوي" راجلي هو باتك ي مسخ
محمود " منوره واللهي نحسابه خويا قبل
سلوي" سخيف باتك مش فاضي
محمود "حتي انا مش فاضي
سلوي " شن وراك
محمود " موعد في الحلم خليني نرقد
سلوي" تي وديني نقول لي باتك ياخذ السياره منك مافيش منك فايده
محمود " حاضر تو نوض وانتي سكانه
