منقولة
النَصِيــٍبً
الحلقه 15
اما انا كنت سرحانه ونفكر في الشاب الي حكاه معايا كيف كان شخصية ودمه خفيف تمنيت اني لو نحكي معاه اخره ونشوفه
انا حماره ليش صبيت كان قعدت
لين خشت عليا جدتي وكانت تبكي ......
انا" معش تبكي والله كويسه قاعده وجو تمام بكل ونضحك راه
جدتي "خوفتيني عليك ي بنتي
انا" معش تخافي قاعده ع قلبك مانيش ميته تو
جدتي " قرصتني معش تحكي ع الموت قدامي
انا" حاضر من عيوني
جدتي" زعلانه مني
انا" مستحيل نزعل منك انتي امي
جدتي" من يوم وغادي نبيكي تقوليلي امي فاهمه
انا" حضنتها وقعدت نبكي رايفتلها رايفت لي صوتها لي دوتها معايا رايفت لي هزايبها عليا رايفت علي وكالها
رايفت ع كل حاجه ع بنتها ع عطرها مش قادره ما زلت انقول انا نحلم تو تخش عليا وتنوضني بس مافيش امل يوميا نحلم باليوم المشؤؤم هذا لعند امتي نبي نقعد هكي انا تعبت تعبت وماحد حاس بيا ي امي قوليلي ليش ربي كاتبلي اني نعيش بلاهم ليش الدنيا شينه هكي تاخذ منك الي تحبيهم وتبيهم جنبك ليش ربي يختبر فيا بيهم واللهي هما الاثنين في يوم واحد واللهي واعره ياربي ليش هكي ومن يوم وفاتهم وحياتي نقلبت ي امي نقلبت بكل كل يوم نكتشف حاجه كانو دسينها عليا ياريتنا مامشينا للعشاء ياريتني ماخليتهمش يمشو ليش ربي كتبلي انا بس انعيش وهما يموتوا ماتو قدامي ومقدرتش اندير
شي واعره انك تحقي هلك يموت قدامك امك وباتك الي جابوك ع دنيا سر وجودك فيها وانت مش قادر ادير شي اختفو من حياتي فجــأءه ماقعدتش منهم إلا ذكره معاهم وصورهم ليش نجو نحن ع دنيا كان نبو نتعذبو فيها ليش قولولي ليش ليش
كنت نحكي ونبكي وهيا كانت تسمع فيــا وتبكي وحضنتني وساكته
انا" ردي عليا قوليلي ليش
جدتي" ي امي واللهي مابعد الضيق الا الفرج ربي اذا حب عبد ابتلاه انتي هكي معناها معترضة ع حكمة ربك هذا قضاء وقدر هكي الدنيا تنزل ع واحد لين تهد حيله وبعدين حتجيك فرحة تنسيك الايام الي عشتيهن كلهن
انا" كيف ننساه كيف ننساه حيجي يوم وننساه هلي
جدتي" حيجي يوم وتعودي حيجي يوم وترضي بالامر الوقع حيجي يوم لما تذكريهم تدعيلهم بالرحمة حيجي يوم وتكملي حياتك مش حتنهي روحك وانتي مازلتي صغيره حتي انا الي مات ولدي ولدي الي حملته في بطني 9 شهور كبيدتي روحي كانت فيه جمعه من دون عيالي كلهم كان اكثر واحد مانتحملش فيه شي ياما بكيت ياما انقهرت ع غيابه عليا ياما مرضت وكنت انتمنى يكون جنبي كنت نبي ولدي نشوفه ولو مره بس هو راضي انه يتغرب ع امه عمري مازعلت منه حتي بعد سافر وسيبنا كنت راضيه عليه كنت ندعيله في صلاتي عمري مانسيته مش كان سيبنا وتغرب معناها ننساه ولدي بس تعودت ع غيابه عليا بس مازال ندعيله ولحد يوم نبكي عليه وندعيله ربي يرحمة ويغفرلة بس ربك في لحظات ينزل عليك الصبر
انا" نسالك وتجاوبيني بصدق
جدتي "اسألي
انا" اوعديني تقولي الحقيقه كلها
جدتي " نوعدك ي بنتي
انا "احكيلي كل حاجه معش نبي ننصدم اخره ليش بابا سيبكم ليش اجوز ماما كل حاجه نبي نعرفها انا متاكده انك عارفه ماتحوليش دسي شي عليا ي امي وراسي
جدتي "حاضر جمعه من زمان جاني وقالي نبي نجوز
طبعا كأي ام فرحت وانها تشوف ولدها عريس قتله خلاص من هذي طبعا حكالي ع امك الله يرحمها امك كانت في دار الايتام من وهيا صغيره ولدي تعرف عليـــها ايام مكانت امك تقرا في معهد وهكي تعرفوا ع بعضهم وكان يحبها وديما يجي ويحكيلي عليها بس انا ماكنتش امعارضه ابدا بس كله في جدك كنت عارفه وخايفه ومتاكده مستحيل يوافق لانه جدك لما يبي يناسب حد لازم يكون من قبيله معروفه لأنه عاداتهم هكي
بعد عرف رفض وكان مسكر راسه تعارك هو وباتك وسيب الحوش وقعدت انا بين نارين راجلي ولا ولدي وجدك حلف بالطلاق قال كان وافقتي وعاندتيني وقوليله ينساها
بس عارفه ولدي عارفته لما يسكر راسه ولما يعاند ع حاجه لازم ياخذها قعد شهر شهرين ثلاثه شهور ماجانش بكل
انا مرضت وتعبت بكل خشيت للمستشفى اول ماسمع عليا مريضه ع طول جاني واعتذر مني ومن جدك وعفس ع قلبه واختار رضاه ولديه وحاول ينساه امك وجدك استغل فرصه وجوزه بنت خو الي هيا خيريه
وقعد معاها 4 سنين وحاول ينساه ويتأقلم بس ماكنتش انشوف في ولدي فرحان معاه كان متحمل علشاني انا شفت ولدي ينظلم قدامي جاني وقالي
جمعه " امي نبيكي شويه
جدتي " نعم ي وليدي
جمعه " نبي نحكي معاك في موضوع بس نبيك تسامحيني
جدتي " شنو صاير
جمعه " انا طلقت خيريه ونبي نجوز ليلي ومسافر
جدتي " انت بعقلك عندك عيال كيف تفكر هكي
جمعه" مش قادر معش نقدر انكمل امعها هكي نظلم فيها معايا افهميني ي امي
انا وخيريه حكينا واتفقنا وامورنا تمام
جدتي" قعدت تبكي وخلاص
تسافر وتسيبني انا
جمعه " باهي قوليلي شن تبيني ندير نقعد هكي عاجبك حالي يعني
جدتي" امشي سافر واجوزها
جمعه" مش ماشي قبل ماترضي عليا وتكوني مسامحتني
جدتي "مسامحتك دنيا واخره وقلبي معاك وان شاء الله الي درته يكون صح مش غلط وتندم عليه
جمعه " حضن امه وحبها ع راسها سامحيني ي غاليه
جدتي" ماتحرمنيش منك خليك متواصل معايا
جمعه " نوعدك اني حنكلمك يوميا
جدتي" امشي اطلع بسرعه
جمعه" حيجي يوم ونجيك
جدتي" الله يربحك امشي راضيه عليك
وتبكي كانت
