منقولة
النَصِيــٍبً
الحلقه 5
خشيت للمكتب وخذيت الحاجات الي نبيهن وانا طالعه نسمع صوت نحبه ونعرفه كويس بكل
انــا:
طلعت نجري
نادر" تفضل هيا قاعده جوه
هشام " شكرا
انا " عمو هشام
هشام " بنتي بيسان تعالي
شنو الي سمعته
انا" راحو مني ي عمو
هشام " امتي صار حادث
انا" من اسبوع
هشام " وانا اخر من يعلم
كنت نازلكم زياره هنا ونجي نسمع خبر وفاتهم
انا " الله يرحمهم
هشام " حضني مش مصدق خويا جمعه
انا" قعدت نبكي
شفت كيف سيبوني هما الاثنين
هشام " بطلي بكاء ربي يرحمهم ويغفرلهم
انا " انت كيف جيت
هشام " عندي اجازه نزلت هنا بيش انجيكم
انا " اها كيف حال بنات
هشام " تمام الحمدالله كويسين قرايه بدت
انا " سلملي عليهن
هشـام " هيا معايا مش حنسيبك تقعدي بروحك هنا
نادر " هيا حتمشي معايا انا
هشام " ومن تكون انت
نادر " خوها
هشام " كيف
انا" عمو موضوع طويل بكل نحكي لكي في وقت اخر
نحن رادين لي ليبيا اليوم
هشام " فهميني ي بنتي شن فيه
انا " نادر يكون خويا من بابا
هشام " تشرفنا
انا" نادر هذا عمو هشام يقعد صاحب بابا من زمااان وعلاقتهم كانت قويه بكل كيف الخوت بالضبط
هشام " كنت نعتبر في جمعه اكثر من خويا
انا" حنرايف عليك ماتنسانيش باهي
هشام " ماتخافيش انا مازالي شهرين وراد لي ليبيا
انا" حضنته
هشام " امتي طيارتك
انا " س 5
جتنا مي
مي" بيسو واتيتلك دبشك كله راه مافيش حاجه اخره نحطها لكي
انا" لا شكرا
تعالي عمو هشام جاء بيش شوفنا
مي" اهلين عمو
وينك طولت معش جيت هنا
هشام " واللهي شغل واجد كان ضغط عليا
مي" اها ربي معاك
نادر " طولنا نحن
انا " يكون احسن معش نقدر نقعد هنا
نادر هيا نطلع شناطي بره بس
طلعت انا ومي وعمو هشام في جنان
هشام " رد بالك منها ي نادر هذي كبيدتي راه وبنت غالي
نادر " ماتوصينيش عليها هذي اختي
مي" اول ماتوصلي طمنيني عليكي
انا " ان شاء الله
طلعنا في تاكسي ووصلنا للمطار وطول طريق ساكتين
وصلنا لي ليبيا
اول مانزلنا من طياره مسكت في يد نادر زين
نادر " بحت فيا
ماتخافيش
انا " وين حنمشو تو
نادر" لي حوش العيله حوش جدي
انا" اممم
نادر " ماتخافيش خليكي جنبي بس
انا" ضغطت ع يده زين ونرعش قعدت
طلعنا بره لقينا
محمود " اوووي نادر
حمدالله ع سلامه
نادر " الله يسلمك
محمود" مد يده يسلم عليا
اهلين ي بنت خالي
انا " نبحت ومستغربه
نادر" هذا محمود ولد عمتي
انا " خير
محمود" هيا كلهم يستنو فيكم راه
قعد نادر ومحمود يحطو في شناطي في سياره
نادر" هيا اركبي
فتحلي باب ركبت وانا خايفه وقلبي يبي يطلع من مكانه
طول طريق ومحمود ونادر يهدرزو
وانا نبحت في طريق ومستغربه
فجاءه وقفت السيارة
نادر " هيا بيسو وصلنا
نزلت ومسكت يده
انا" نادر خايفه
نادر" ماتخافيش مش حياكلوك هذوما هلك
دقينا الباب وخشينا للصالة كانو كلهم قاعدين
نادر" السلام عليكم
كلهم " وعليكم السلام
انا" كنت لاصقه في نادر لصقه وخايفه ونرعش شعور غريب بكل
وكلهم " يبحتو فيا ومنصدمين :o
جدتي " صبت وقربت مني
اهلين بي بنت الغالي وجتني
وحضنتني وبدت تبكي
انا" قعدت ساكته مادرتش اي ردت فعل
نادر " خلاص ي جدتي بكاء اهدي
مهم مش داعي نخش في تفاصيل
تعرفت عليهم كلهم وطلعو عيله كبيره
عمي ابراهيم " مراته حنان
عنده فيروز م 90 وليلي 91 وياسين 92
عمي موسي "مراته هناء
عنده محمد م87 ومراد م89 ومالك م 93 ومصطفي م 97
عمي اسماعيل مراته هديل
عنده بنت وحده عمرها سنتين
وعمتي فاطمه مجوزه وعندها بنتين لمار وميار تؤام موليد 98
عمتي سلوي مجوزه وعندها محمود 93وموده96
عمتي بشري مش مجوزه موليد 85
وهذي هيا شجرة العائلة هههههههه
قعدت مقعمزه وعزوني كلهم تصدقو وقتها ماحسيتش باني غريبه ولا خايفه منهن كانو كويسين بكل استقبالهم ليا كان كويس لحد ما
لعند خشت مراءه كلهم استغربوا وقعدو منصدمين ويبحتوا فيا وفيها انا ماعرفتش من تكون لعند
نادر" خير ي امي من جابك
خيريه " حمدالله ع سلامتكم
جابني عبدالله قاعد بره
نادر" امي هذي بيسان
خيريه " جت وسلمت عليا وعزتني وكانت تعامل فيا عادي جدا خيريه " اهلين انستي هلك
عظم الله واجرك
انا " اجرنا واجرك ع الله
خيريه " كيف حالك وحال صحتك نادر قالي كنتي في مستشفى
انا " حمدالله خير من قبل
خيريه " حمدالله
نادر" وين عبدالله كنه ماخش
خيريه " قال عنده شغل
عمي اسماعيل " مواليد كم انتي ي بيسان
انا " م 96
عمي اسماعيل " مشاء الله
نادر" جدي بكره ع عصرا دفينه
انا " دموعي نزلن وساكته
جدتي" بنتي اكيده تعبانه خشي تريحي ارقدي
انا " لا عادي
جدي " صبي ي بشري وريها الدار
بشري " هيا بيسان تعالي معايا
انا "صبيت ونحس نفس يبي ينقطع
بشري " جتني ومسكتني من يدي
تفضلي خشي
انا " شكرا
بشري " تبي حاجه تاكليها
انا " لالا ماعنديش نيه
بشري" بيسان ماتحشميش انتي في حوشك قاعده راه
انا " .مش متحشمه مانبيش ناكل والله
وتخش علينا فيروز وموده
موده " نخشو ولالا
بشري " انتي خشيتي والي صار صار
موده " كيف مش عاجبك يعني
بشري "عاجبني واسكتي بلا طولت لسان
فيروز" كيف حالك ي بيسان
انا " حمدالله
فيروز " كان تبي ترقدي تو نطلعو راه
موده " ترقد وين نحن جايين نهدرزو جنبها
بشري" تحشمي ع وجك بنت اول مره تحكي معاها تحكي هكي
موده " واللهي طبعي هكي انا مانعرف نجامل
انا " هههههههههه لا مانبيش اقعدن عادي براحتكن
فيروز " بنت خافت
انا" معليش بنات نسيت اسميكن بس
فيروز " عادي انا فيروز وام لسان هذي موده
موده " اه تعرفن تو نمشي نكلم بنات ونقعدو نهدرزو ونغيرو جو بعدك وزعت هلي قتلهم نبي نبات هنا جيتنا بنت عمنا جديده نبو نتعرفوا عليها هههههه
بشري " باهي باه
وانتي ي فيروز حتي انا وليلي قاعدات
انا " نادر قاعد
بشري " مش عارف تو نطلع نشوفه لكي
شن تبيه فيه
انا " نبي شنطتي
بشري " من عيوني وطلعت
ليلي " في من تقرمن انتن
موده " نقرموا فيك -_-
ليلي " قرمن خوذن راحتكن بيش تخففن ذنوبي
موده " شن يكملهن وهنا كبر بحر
انا "هههههههه
فيروز " خلاص مناقره -_-
ليلي" خلينا نسلمو ع بنت عمنا
انا ليلي اخت العاقله هذي فيروز
انا" اسمك سمح كيف اسم ماما
بنات" الله يرحمها
ليلي" شكرا مرسي ي ربي بجد
اول مره حد يقولها ليا
انا" ههههههههه
جتني بشري"صبن اطلعن بره صدعتلها راسها
انا " لا خليهن غيرلي جوي
بشري " تو محمود يجيبلك شطنتك
انا : تمام
موده " تعرفن هيا نطلعو انفرشوا في جنان احسن مليون مره من هنا غمه نحكو في هواء الطلق
فيروز " صبي هيا بيسان معانا
انا " باه
طلعنا لقينا في صاله جدي وجدتي وعماتي
وعيالهن
موده " جدو طلعين بره نحن راه
جدي" اطلعن بس ماطولنش بره
طلعنا وقعدن بنات يهدرزن ويشفطن ويحاولن مايبنش يسيبني بروحي بيش ننساه ع اساس انا لو حكيت وضحكت حننساه هلي حننساه انه بكره نبو نحطوهم تحت التراب حننساه اني فقدتهم بالساهل اه ي دنيا :(
يتبع ............
لاااااااااايك وكومنت
