منقولة
النَصِيــٍبً
الحلقه 30
فراس" اسف انا غلطان من البدايه
انا" طبست راسي
غلطت في شنو
فراس " بحتي فيا لما نحكي معـاك
انـا " بحتت فيه عيونه كانن واضح فيهن الحب كنت خاطري نحضنه ونبكي نبكي بس منقدرش انا معش نبي نتعلق بيه لانه هو مش ليا وانا مش له معش نتعب روحي لاني أي حد نتعلق بيه نخسره مانبيش نخسر فراس انا
فراس " انت عارفه ان انــا نــحـ.....
ماكملش كلامه الا انا دايخه وفاقده الوعي ومش فاطنه لي شي .........
بشري" وين بيسان
موده "مش عارف وينها
بشري" سيبتها هنا انا
ليلي " حتي فراس مش قاعد هنا
بشري" زعمك يحكو مع بعضهم
موده "اصبري نرن عليها
فيروز " بسرعه طولنا راه
موده "اهو يرن
فراس نزلت حكيــت معــاهــا وكانت تبكي ومنهاره مش عارف سبب الدموع الي ينزلن هذينا كان منظرها كيف البيبي كنت نحكي معاها ومنفصل بكل رقتلي من طريقة كلامها معــايــأ جيت نعترفلها اني نحبها مليت وانا ندس في قلبي نبي نقوللها بيش مانخسرش بس طاحت عليا
فراس " بيــسان ردي بيساااان
طاحــت مادارتش اي حركه خفت عليهــــا معش عرفت نصرف قعدت نوض فيها معش عرفت نصرف
بيسان ردي عليا بيساااان
كــان تلفونها يرن في جيبها طلعته ومعش عرفت كيف نصرف عجزت وخفت ومشاعري تلخبطن
رديت بدون مانشوف من
موده " ي حيوانه وينك سيبناكي في مكان وماليقناكش لا انتي ولا فراس
فراس" انا فراس
موده "حي اسفه بيسان وين
فراس" قولي لي بشري تنزل بسرعه قدام السياره بيسان ممغمى عليها لوطه و سكر في وجها
موده "هيا بسرعه بيسان طايحه لوطه
بشري" حي عليا شن صارلها
موده "هيا سيبن الي في يديكن وخلنا ننزلو
فراس رفعتها وفتتحت سيارتي وحطيتها فيها وهيا كانت شبه ميته
بشري" فراس كنها شن صارلها
فراس " طاحت فجاءه
بشري" خليني نشيلها لي مستشفي
فراس "تو نشيلها انا الحقيني انتي
بشري " هيا هي
ركبن هنا مع عمتي في سيارة وانا شالني فراس في سياره ( ي خساره ريتني طايحه من زمـــان )
موده " حي شفتيه كيف يجري
فيروز " يامينتي يرعش عليها ياربي يستر
بشري" اكيده قلت وكال كالعاده
وصــلنــا للمستشفي
فراس " طلعني وخششني للاسعاف وبشري وبنات كانن في جرته
فراس " الحقوها طاحت لها فوق من ساعه فاقده الوعي امتــأعها
الدكتور " خلاص تو نشوفو شغلنا تفضل انــت استنا بره بشري" دكتور احمد طمني عليها
الدكتور "دكتوره بشري كوني مطمنه تحت يديا هيــا
طلعو بره يستنو والدكتور امعايا جوا وكان فراس مصبي قــدام الغرفة الي انا فيهااأ
بشري" فراس روح انت سيبت محلك مفتوح وهلك تو ينشغلو عليك انا تو نكلم الشباب
فراس " لا مش مروح ماتخافيش لين نطمن عليها
موده "اهو محمود يرن عليــا شن ندير
بشري" ردي وقولي قاعدين في مستشفى
وانا تو نكلم نادر وعبدالله بس مش داعي نخوفهم كلهم
