منقولة
النَصِيــٍبً
الحلقه 9
وصلنا للمطعم وقعمزنا وموده طول الوقت سارحه في طاوله الي قدامنا
انا " كنك شن فيـــــــه نزلي عيونك
موده " نزلن دموعها وطبست راسها وماتبيش عميمه ومحمود يفطنو
انا " ( بصوت واطي ) انتي كنك نزلي عيونك راه يفطنولك
موده " هو ي بيسان هو
انا" منو :o
موده " خانقتها العبره منير :(
انا " هيييييي صبي معايا :/
محمود" وين ماشيات
انا " شويه نبو حمام
سلوي" ماطولنش
انا " حاضر :)
هيا ي موده
خشينا للحمام وانهارت وقعدت تبكي
انا" ليش تبكي عليه نبي نفهم هو عايش حياته ومش مهتم وبايعك ومش معدل وانت هنا تبكي عليه
موده " شن نبي ندير كان مازالت انحبه
انا" انتي تافه واجد :/
موده " بعد تحبي تو تحسي
انا " خلاص اغسلي وجك
بلا حب بلا وجع قلب
وخلينا نطلعو يكون احسن وبينله انك مش مهتمه
موده " حاضر
انا "فهميني كيف حبيته واحد كيف هذا حتي شكله مش كيوت خاااالص :3
موده " ههههههههههه ماحبيتش شكله انا -_-
انا" كنتي مغرر بيكي شكله وقتها =D
موده " شكلها هك :/
انا" هيا
طلعنا وقعمزنا وجت قعمزتي انا وموده مقابلين سي منير ولحظ وجودنا
وصبا جاء بيش يحكي مع محمود وسلم عليه وعزمه انه نحن نجو نقعمزو معاهم ع طاوله
وكان نظر امتاعه كله ع موده
انا" مصح وجه -_-
موده " وطي صوتك يسمعوك
انا" ينتلف مرض :/
مش مصبيه ومقعمزه معاه انا
موده " وهو خاني انا انتي ليش خذيتي موقف
انا" لانه غفلك وخانك وتبيني نسكت انت كيف اختي
موده " ههههههه ربي جابك ليا من سماء
منير" هيا ياعمتي تعالي معايا
عمتي" لا هنا متريحين
محمود" خلاص مره تانيه
منير" واللهي نزعل :/ ( تزعل ولا تطربق ولا انحرق )
انا " نطيت نبي نقعدو عائله مع بعضنا ممكن
منير" وجه طاح وكلهم بحتو فيا منصدمين مني :o
انا" =D عرفت روحي درت حاجه غلط بكل قعدت نوزع في ابتسامات وخلاص
موده " طح سعدك
منير" اوكي براحتكم
مشاه لي مراته ولده وجه طايح بكل :/
محمود" كنك انتي قلتي للراجل هكي
عمتي سلوي " بيسو كنه اسلوبك معاه هكي
انا" ي عميمه حسيته ثقيل ونقولوله مره اخره خليها وهو شي لاصق لصقه -_-
قلت نريحكم
محمود" عطك دا في لسانك هذا
انا "يشلك -_-
محمود" بس عجبتيني ماعنديش نيه نجامله بكل
انا " ماهو حسيت بيك مش طايقه
محمود" هو يتلصق فيا وكل مايحقني ويجي ويهدرز وانا مش زارطه الحق بس الجاري ماعندي مانديرله
موده " خلاص اقلبو موضوعه كنه طول الغذاء
انا" جعت :/
ممرضه " دكتوره بشري يبيكي دكتور يوسف في اسعاف
بشري" امشي ي نسرين انا مش فاضيه
ممرضه " قالي هو يبيكي انتي شخصياً
نسرين " خلاص تو تلحقك
بشري " مانبيش نشوفه
نسرين" لازم تعودي انك تشوفيه في حياتك خلاص هذا امر واقع
بشري " افففففففف
