منقولة
النَصِيــٍبً
الحلقه 17
انا" هييييي انتن وياها احترمن مشاعري راه نغار
موده " علي اساس مكبد فيكي هو بلكي مكبد في شي وحده
انا " بعيد السوء
شفتن شن لابس ركبت ع كرسي وقعدت نبحت فيه وسارحه في عويناته الي سحرني
( كان لابس جينز ازرق وتيشرت سوده ضابطه عليه وبيناته العضلات امتاعه )
انا" قعدت نبحت فيه ومش مركزه مع حد لعند هو فطنلي اني نبحت فيه
انا " من خوف نطيت من كرسي وطحت ع كرعي وكانت الطيحه قويه بس محسيتش بالالم
بنات" كنك
انا" حي عليا حي شــافني شافني
موده " كذابه
انا" فطنلي ي بنات حي عليا تزليط رسمي
ليلي " كيف فطنلك
انا" كنت انبحت فيه هكي فطنلي وغمزلي يعني راه شفتك
فيروز " ههههههههههههههههههههههههههههههه
موده " صبي ي مرعوشه خلينا نخشو سادنا تزليط
انا" مدي يدك
اه كراعي مش قادره نصبي
فيروز " محد قالك نطي
انا "من الخوف نطيت خفت يحكي لي عبدالله
فيـروز " تي نعن جد الخوف
انا" بلا هزايب وتعالن ساعدني نصبي
خشيت للحوش وانا نعرج من كراعي
كان محمود وياسين فم الباب
محمود"كنك ي بيسان
انا" ماكني شي
محمود" كنها كراعك
انا" طحت عليها
محمود" كيف طحتي
موده" كنت نجري وراها طاحت
محمود" كلا انتن مازال عقلكن صغير
انا" ي سيدي سيبنا لكي العقل
مغير حول خلينا نخشو كراعي مش قادره نصبي عليها
ياسين " جاتك ساهله انتبهي مره تانيه
انا" ( كان اول مره يحكي معايا )
حاضر
خشيت ومحمود كان مصبي ع باب ومايبيش يخششنا دفيته وخشيت
محمود" انتي قدها الدفة هذي
انا" اكيد :P
محمود " تو تشوفي عليها بعدين
انا" هيا تشاو
خشينا قعمزنا وطبعا كلهن يسألو فيا كيف طحت
مشيناها عليهم اني كانت موده تجري في جرتي طحت
جدتي "انتبهي ي بنتي
كان توجع فيكي نشيلوك للمستشفى
انا " لالا تمام
موده" سهي تعــالي شويه
انا " شن تبي فيها
موده " تو تعرفي
سهي" كنكن شن ديرات من كارثه
ليلي "نبو نســألوكي ع حد
سهي" منو؟
انا" مديلي يدك صبيني تو نوريه لكي
سهي " ي كلبات منو هذا
انا " تي واحد طرف بكل بكل بكل بكل
سهي" وينه
جينا جنب المربوعة وهو كان مقابلنا
انا" هو الي لابس تيشرت اسود
سهي " طح سعدكن
انـا " كنك ماتقوليش خاطب ولا مرهون
موده " يانا عليك حظك ي بيسا
سهي" هذا فراس صـاحب عبدالله روح بالروح
انا" ضربتها ع كتفها انتي تافها واطيه طيحتلي قلبي
ليلي" نعليـا صاحب الكبيده
انا" شن اسمه وشن الحالة امتاعه
فيروز " ههههههههههههه حطيتيه في راسك رسمي
انا" او مره نطيح هكي تي واللهي كبدت من اول مره ي بنات
موده " اثقلي شويه
سهي" اسمه فراس الفلان صاحب عبدالله واااجد بكل علاقتهم قويه بكل كانهم خوت مستحيل تلقي عبدالله بروحه ديما لصقين في بعضهم بسبب صحبتهم العائلتين قعدن اصحاب واجد
امه عسل بكل وعنده 3 خوات بس ماعندش خوت ومش خاطب ع حد علمي
انا" شكرا ي سهي جبتلي السي في امتاعه كامل
باهي مش مرتبط
سهي" وانا شن عرفني انتي ناويه ع طلاقي الليله شكلك
انا "بعيد سوء مش هكي
فيروز " خشن جوا
