منقولة
النَصِيــٍبً
الحلقه 44
تي كنهم بهايم كلهم متفقين عليا قعدت نبكي وخلاص :/
دق باب الدار وكان عبدالله .......
عبدالله " بيسان شن اديري
انا" شوفت عينك ماده وجي نبي نقرا شويه
عبدالله "شن رايك نطلعوا
انا " وين
عبدالله " عندي موضوع نبي نحكي معاكي فيه
انا" شنو هو احكي هنا
عبدالله "لالا مايصير شي هنا
انا "معنديش نيه نطلع
عبدالله " متاكده
انا" اها
عبدالله "مش بجوك هيا هيا البسي واطلعي نستنا فيك
انا "والله
عبدالله "اها :/
انا" باهي شويه ونجيك
عبدالله "كرلي خدودي نجيها تسمع في كلام
انا" ي بارد منحبهاش الحركه هذي
عبدالله" خمس دقائق نلقاكي مزروعه جنبي في السياره
انا "تمام اطلع بس
طلع عبدالله وانا قعدت ندور شن نلبس واستقريت في النهاية ع جينز اسود وبلوزه فوشي وبلوفر اسود
قعدت ندير في ميك اب ورن الفون
شفت لقيته فراس مابيتش انرد عليـه
ولبست وشاحي بسرعه وطلعت
عبدالله " مش شايلك لي فرح انا كنك طولتي
انا" ماطولتش نص ساعه راه بس
عبدالله" ونص ساعه شويه
انا " والله تحسابني كيفك نلبس الي نلقاه قدامي
عبدالله " باهي اسكتي
انا" وين ماشيين
عبدالله "مفاجاءه
انا " منحبش المفاجاءه
عبدالله " يفجعك القدر
انا" تي ماهو انت شنو المفاجاءه الي بديرها ليا يعني
عبدالله" تو تشوفي :/
انا" ويــن هيا
عبدالله "سكري فمك
انا" هيا وين وين وين ماشيين
عبدالله " ياربي نفختلي راسي
انا" قولي وين نسكت
عبدالله " بيسان واللهي معش عرفت نسوق من سكنانك
انا" باهي قولي وين ماشيين هيا
عبدالله " ع قولتك انلا
انا" وراس دودي حبيبي
عبدالله " لالالا
انا" خزي معفن
عبدالله" اسكتي قريب نوصلو
انا" اووووووووف اسمع منحبش نقعد كيف الاطرش في الزفه عبدالله" الصبر ماتعرفيه بكل انتي
انا" ها سكتت
عبدالله " احسن وهيا انزلي
انا "وين شايلني
عبدالله "شن تشوفي
انا" ملاهـــي
عبدالله " جاء ومسكني من يدي
هيا
انا "نمشي ومش عارفه ليش جايبني هنا :/
عبدالله " غريبه ساكته
انا" مستغربه ليش جايين هنا
عبدالله" الناس هنا عليش تجي
انا" يلعبو
عبدالله "تمام وانا نبي نلعب امعاك
انا" بسم الله طفوله مـتأخره جاتك
عبدالله " خشي ي فرخه -_-
انا" خشينــا وقعدنا نبرمو والناس واجد فيه لين جينا في مكان
عبدالله "وقفي
انا "ها
عبدالله "غمضي عيونك
انا" نعم
عبدالله "غمضي عيونك ولا نغمضهن لكي بي طريقتي
انا "بلا براده
عبدالله " هيا
انا" هاغمضت
عبدالله " تفتحتيش
انا" باه
قعدنا نمشو شويه وعبدالله ماسك يدي وانا مغمضه لين قالي وقفي
عبدالله "هيا افتحي عيونك
انا "ي خوفي منك انت مش مطمنتلك
عبدالله" افتحي عيونك بس
انا "فتحت عيوني وشفتهم كلهم قاعدين
نادر سهي ليلي فيروز موده ياسين محمد مراد مصطفي مالك حتي فراس ولبني قاعدين كانو دايرن طاوله كبيره وفيها تورته انا " انا صدمه ع وجي مش فاهمه شي
عبدالله " كل سنه وانتي طيبه
انا " نبحت فيهم وعيوني كانو دموع فيهن
عبدالله " وراس العزوز ما تبكي
انا " قصدكم انكم متفقين كلكم :/
عبدالله " بالضبط
قربنا منهم
سهي" كل عام وانتي بخير
موده "ي فرخه كبرتي
انا" حسابك بعدين انتن
ليلي " شن رايك في مفاجاءه
انا " بحتت في عبدالله
فكرة من
عبدالله " هيا اساسا فكرتي انا وهما شاركوني
انا" بجد مستحيل نلقاه خو كيفك
وحضنته زين
نادر" وانا عزقتيني في الساس
انا " انت الاصل
فراس" كل سنه وانتي طيبه ويبحت فيا ويضحك
انا" وانت طيب ^_^
لبني "عيد ميلاد سعيد بيسا
انا" نجيها ياربي
مراد " هيا طفي الشمعه لقنها التورته منظرها يسهف بكل
انا "همك في بطنك ي بهيم
مالك " عديم ذوق كالعاده راجل هذا
انا" عارفته
طبعا ولعنا الشمعه وقعدو يقولولي هابي بيرد داي بيسا
بصوت عالي كلهم والناس تبحت فينـــا يوم مستحيل ننساه في حياتي
انا" منقدرش نوصفلكم فرحتي وقتها حسيت عندي ناس مستعده دير اي حاجه بيش تخليني فرحانه دموعي نزلن من فرحتي بيهم كانت احلي مفاجاءه حصلتها في حياتي كلهم ناقصني حاجه وحده وقتها بابا وماما ياريت كانو جنبـي كان كملت فرحتي بيهم
