منقولة
النَصِيــٍبً
الحلقه 46
عبدالله " في واحد طلبك مني
انا " كأنك كبيتي عليا ميه ساخنه وقلبي طاح
عبدالله " شن رايك في الموضوع
انا" لالا فكيني منفكرش في الموضوع هذا حاليا
عبدالله" حرام ماترفضيش دغري فكري وهو بكره يبي يدير مقابله
انا" بس مش موافقه انا
خيريه " شوفيه قبل بعدها قرري
عبدالله " راهو مايتعوضش
انا "سكتت كلهم يشكرو فيه ويمدحو فيه خايفه يكون محمود خلاص الدنيا غبشت لدرجه ماقدرتش حتي نسال من هذا
عبدالله" انتي ليـش مسرعه شوفيه وتو تريحي
ونحن نعرفوا راه
انا " خلاص بصمت عليها انه محمود -_-
قعدت نرعش ودموعي يبن ينزلن
خيريه " انتي فكري وهو بكره شوفيه
ماصارش نصيب عادي المهم راحتك
انا" مازالت نبي نقرا انا :3
عبدالله " محد يوقفك عن قرايتك
سهي" فكري انتي
وخش علينا نادر
نادر" السلام عليكم
نحن" عليكم السلام
انا" سارحه ونفكر من هذا الي جايني
نادر" بيسان هاتي قصي
انا " هاكه نبي نخش نرقد اصلا
عبدالله " براحتك راه كان ماتبيش نرن ونقوله مفيش نصيب
نادر" حكيتولها
عبدالله " ماتبيش
نادر" مش بالزر الموضوع براحتك راه
انا" خلاص يصير خير
تعبانه بس انا
تصبحو ع خير :/
سيبتهم يهدروز وانا طلعت خشيت لي داري وقعدت نبكي كيف انا نكون لي حد غير فراس مش متخيله بس خوتي مقتنعين بيه كلهم ^^
رنيت عليه وكالعادة الي رايح بادي فيها دارلي مشغول
كنت محتاجه اني نبكي نفضفض لي اي حد رنيت ع ليلي
ليلي " صبيتي كيف حالك
انا "حالي معفن بكل
ليلي" شن صاير
انا "ليلي خايفة بكل بكل
ليلي " شن فيه ي فرخه
انا "عبدالله
ليلي " كنه راجلي
انا " جايبلي عريس
ليلي "مبروك ي قلبي
انا " والله -_-
ليلي" كنك
انا "منبيش انا نبي فراس افهمو
ليلي "باهي انتي شن خاسره شوفيه بلكي يعجبك
انا" لقنك تافه انتي انا قلت انتي الي حتحسي بيـا وبي شعوري قاعده تقولي هكي
ليلي "انا نحكي لي مصلحتك شوفيه ماترفضيش ع طول
راه يشكو هلك شوفيه مش حتخسري حاجه وبعدين قولي ماتريحتلش وخلاص
انا " وهذا الي يبي يصير اصلا مستحيل نفكر فيه اساسا
انا نحب فراس
ليلي "باهي فراس حكيتله
انا "ماردش عليا
ليلي " امممممم
انا" قعدت نبكي
ليلي "ليش تبكي موضوع ساهل
انا "نحس فيها خيانه لي فراس كان طلعت وشفته
ليلي "احكيله انتي اليوم
انا" ان شاء الله خير
ليلي" عبدالله يرن هيا
انا "تم باي ازعجتك
ليلي "مش بيناتنا ي هبله
قعدت نبكي لين رن فوني
انا "ايوه
فراس " شن جوك
انا" ماشي الجو
فراس" كنك
انا" ماكني شي
فراس " صوتك تبكي صاح
انا " لا عادي تعودت اصلا
وينك امبدري انرن عليك ماتردش
فراس" كنت في الشغل
انا" شغل قتلي تمام
فراس " كنك
انا" تعرف اليوم عبدالله قالي في واحد طلبك مني
فراس "صاح
انا " الصدمه ع وجي ردت فعله بارده بكل كانت
فراس" باهي وشن قلتي
انا" وافقت طبعا
فراس" صاح لازم تشوفي حياتك
انا " نعم فراس شن تحكي انت
فراس" كني ماتخافيش تو نسـألك عليه بروحي
كان كويس ماترفضيش
انا "دموعي نزلن ومنصدمه فيه صدمه عمري بس مسكت روحي
انا "متخافش سلم خوتي قاعدين
فراس" عيب عليك وانا وين رحت
انا" شكرا منبيش خدماتك ^^
فراس" صلي استخاره قبل راه
انا " هيا نبي نسكر مش فاضيه بكره نبي نشوف راجلي
فراس "ربي يوفقك تو نصبيلك في فرحك
انا " منور عارفتك ماتقصرش
وسكرت ع وجه وانهرت قعدت نبكي اخره قريب انجنيــت كلامه ليـأ كيف يحكي هكي معايا يعني هو يلعب بيا في الحلقه الاخيره طلع ولا كيف مش مصدقه فراس مستحيل يقول هكـي
