منقولة
النَصِيــٍبً
الحلقه 40
لميت شيتاتي وخذيت كيس الشوكولاتة وحطيته في شنطتي لانه كان شافه عبدالله تو يدير تحقيق :/
وبرمت نبي نطلع لقيت محمود مصبي بره
انا " طلعت ولا كاني شفته
جاء صباه قدامي
انا حول من طريقي
محمود " كنك تعاملي فيا كأني عدوك
انا" وانت بالأساس عدوي اصلا
محمود" كان ناسيه انا ولد عمتك
انا" ولد عمتي يعيب فيا ويقول عليا كلام غلط
مشاء الله بصراحه
محمود" من طبيعي ندير هكي لما شفتك مع فراس
انا" حول موضوع فراس خلينا في فرح بشري عارف روحك شن درت وشن قتلي تمام
محمود" انتي استفزيتني
انا" وحول تو خير ما نكلم عبدالله
محمود "انا نحبك افهمي
انا" طير من قدامي مش فاضيه للنفاق والكذب امتاعك
محمود "ماتعندينيش احسن
انا" وكان عاندتك شن تبي ادير يعني
محمود "انتي عارفه لما جنوني يطلعن
انا "اعلي مافي خيلك اركبه وانا منخافش وكان ناسي طريحه الي خذيتها من عبدالله وفراس انذكرك بيها وهيا سلام
محمود" مفيش حاجه تصعب ع محمود
انا "وانا واعره عليك ^^ متقدرش عليا
محمود " نشوفو
انا" تم
ودفيته وطلعت نرعش
عبدالله " كنك وجك هكي من يجري وراك
انا" لا مافي حد هيا نطلعوا
عبدالله " تره عيني في عينك
انا "مافي شي مغير راسي يوجع فيا
عبدالله " باهي تمام
انا" ويـن مـاشي هذي مش طريق الحوش
عبدالله "خوكي يبيكي في خدمه
انا" شنو هيـا
عبدالله "نبي نشـري هديه
انا "لي من
عبدالله " بلا استعباط لي ليلي
انا "اها للهارت امتاعك
عبدالله " كان تبي تبدي تستعبطي بلاش بكل
انا "تي ي حمار نبصر معاك
عبدالله " شن ناخذلها
انا " امممممم شنو ي بيسا شنو
عبدالله " هيا افحميني
انا" انت شن خاطرك تشريلها
عبدالله "كان عارف راه مانذلش روحي لكي ي بهيمه
انا " امممم خوذلها عطــر يكون حلو
عبدالله " وشن اخره
انا" امممممم شن تحب هيا
عبدالله " تحبني انا
انا" خلاص انلفوك لها هديه :v
عبدالله " حناطه تقطر عليكي :3
انا "ماهو انت الي تسمط
عبدالله "باهي شن اخره
انا " خوذلها لبسه :/ شن رايك
عبدالله " اممممممم فكره
انا "باهي وين واخذني
عبدالله " نمشو للمول ونأخذوه
انا "تمام هيا
مشيـنا للمول وصلنا ولي اول مره عبدالله يخليني نخش للمحل وندور حاجات ع راحتي طبعا لأنهن للكبيده
انا "اسمع مفروض نحصل هديه انا راه
عبدالله " وعليش
انا" تعبت وانا ندور
عبدالله " تعالي نمشو لي محل فراس
انا "باهي باه وابتسامه ع وجي ^_^ قريب حضنت دودي تي خويا يفهم في الجــو
خشيـنا ولقيت فراس ومعاه واحد
عبدالله " السلام عليكم
فراس" يبحت فيا وعيونه قلوب ^_^
وعليكم السلام شن المفاجاءه هذي :/
عبدالله " كنك مستغرب
فراس " كنت امعاك ماقتليش انك جاي (يحكي معاه وعيونه امعـايا )
انا" احم احم
فراس" علي كان تبي تروح روح
علي "مش ع اساس انت قلت نبي نطلع :/
فراس" لا تو نبي نقعد
انا " زرتني ضحكه =D
علي " تو كنت تهزب وتقولي كنك طولت وماجيت بيش تروح انت شن الي غير رايك
فراس" روح اكيده هلك يبوك
علي " براحتك
عبدالله " كنكم
فراس "لا شي علي يبي يروح
علي "مع سلامه
فراس" سلام
عبدالله " قعمز ع كرسي وبحت فيا
هيا
انا" هيا شنو انت الي تبي الهديه مش شوري
عبدالله " انتي تفهمي
انا" ماهو انت لازم تختارها معايا كان هكي ماتقعدش هديه -_-
عبدالله " عليك سريب سريبكن
انا "محد ضربك ع يدك وقالك كبد :/
عبدالله " فضحتي ي امي
فراس" ع اساس مش زارق عليك
انا" هو بروحه عارف
عبدالله " هيا
قعدت ندورلة وبعدها انتهاء الاختـيـار ع جاكه وجيـنز وكويـش عبدالله " منور ي برو
فراس" محل محلك
عبدالله " انتلاقوا في القهوه اليوم تم
فراس" تم
وطلعنا وانا مازالت خاطري نقعد ونبحت في فراس
مشينا لي محل وخذيـنا ساعه وعطـر
بصراحه الحق حسدتها ي عوينك ي ليلي
عبدالله "تمام هكي
انا "هيا هديه عيد ميلاد بس -_- شن تبي تاخذلها اخره يعني
عبدالله "حسيتك غرتي
انا " ماعبرتني بكل الي تاعبه معاك
عبدالله " انتي هديتك عازمك ع غذاء
انا " امباه يالله حتي هو كويس :/
عبدالله " وتشرطي اخره
انا "من حــقي :/
مشينا انا وعبدالله للمطعم
