منقولة
النَصِيــٍبً
الحلقه 39
وروحنا كل حد لي حوشــه :/
درت دوش ورديت دبشي وتعشينـأ وطـــحت رقدت مافطنتش لي اي حــــــاجه نضت في الليل متاخر ع صــوت الفون يــرن رديت
انا" ههممممم
فراس " راقده
انا" هيييييي هو انت
فراس " من تستنـي يرن عليك يـعنـي
انا" محد كيف جبت رقمي
فراس " متصعبش عليــا ابــدا
انـا" يـاواعـر ( نحكي بصوت واطي نعسانه)
فراس " تعرفي صوتك يهبل وانتـي راقــده :/
انـا " فراس
فراس" روح فراس
انا" نحبـك
فراس " لا شكلي ديما نرن عليكي وانتي راقده بيش نسمعها
انا " ي بارد نبي نرقد ازعجتني
فراس" ترقدي عينك
نبي نحكي معاك
انا" والله نعسانه حرام عليك
فراس "لالا فيش
انا " حصـله سوده انت ^^
فراس" الله غالب لازم تحمليني
انا" مجبـوره
فراس " نوضي صحصحـي نبي نحكي معاك في موضوع مهم انا " شنو هو
فراس " نوضي بس
انا" ساعه كم
فراس "3ونص
انا "ي بارد 3 ونص حرام عليك والله تنوض فيــا
فراس"اسمعي كلام راجلك
انا" راجلي :o
فراس" اها قريبــآ
انا " فراس بلا سماطه ^^
فراس "اسمعي نبي نسكر 10 دقائق ونعاود عليكي سكر وماخلانيش نرد
انا "مجنون هذا رسمي
صبيت طلعت من الدار لقيت الحوش هدؤء والجو هادي بكـل
خشيت غسلت وجي ودرت حليب وشـاهي وخشيت للدار لقيته يرن
فراس" وين هذا كله
انا " كنت اندير في حليب وشاهي كنك مستعجل
فراس" باهي اعزمــي حتي بالكذب
انا " هههههههه تفضل
فراس" صحه ع قلبك
انا "تسلم
شنو الموضوع الي منوضني عليـه ان شاء الله يستاهل بس
فراس " اولا الي درتي امس مش تمام بكل ورقتلي منك
انا" شنو الي درتيه
فراس "تانيا من ادم هذا ثالثا بصـاره مع عيال عمك واجد مانبيهاش رابعا جاوبي ع اسئله هذي :/
انا" وحده وحده قبل
فراس " هيا احكي
انـا" مادرت شي انا عادي مش عارفه شنو الي راقيلك منه بالضبط وادم هذا خويا من وانا صغيره كيف الخوت مع بعضنا بس مايميش تفكيرك بعيد وماتفكرش في حاجه تانيه
وهو صاير مشكله معاهم غادي وعلشان هكي حكيت لي عمو هشام عليه ونعتبر فيه كيف عبدالله ونادر بالضبط راه
فراس" انا مانفهمش انتي عندك خوت عبدالله ونادر بس افهمي انـا راجل نغار منتحمل تحـكـي مع حد غيري جنوني يطلعن لما نسمعك تحكي ع راجل غيري فاهمه زي ماانتي تغاري حتي انا نغار بس انا غيرتي غيـر
انا " فاهمه بس انا متعوده عليه من طفولتي عادي يعنـي هو يعتبر فيا كيف خواته انت كان تشوفه تو تحبه صدقني وهو كان السند امتاعي في الغربة
فراس" سكري فمك
انا" استغربت
نعم
فراس "معش تحكي عليه قدامي
انا "ماهو انوضحلك انا بس وكان ع عيال عمي انت شفت بعينك ابصارتنا عاديه جدا كيف الخوت انت ماتركبش ع موضوع وتحط اوهام في راسك غلط
فراس " انتي تحبني
انا" عندك شك
فراس "سالتك
انا " نموت فيـكـ ومانبيش نخسـرك بس انت ماتفكرش هكـي واللهي نـحبك باهي
فراس " انا نبي نسكر
انا" فراس فكنا من جو الزعل هذا
فراس "تصبحي ع خير وسكر
انا" انهرت نبكي مش عارفه ليش فجاءه انقلب وسكر يعني كنه انتناقشو انا ماقلتش حاجه غلط :/
فراس
كنت نحكي معاها مش عارف ليش رنيت ع ملاك وقتلها نبي رقمها ودزاته ليا في مسج ورنيت عليها كيف درت هكي كنت مش فاطن لي روحــي بس في لحظه وانا نحكي معاها تخيلت عبدالله قدامي انا خنت صداقتنا كيف نوري وجي له بعدين وانا كلمت اخته انا خنته انا لعبت من وراه ليش درت هكي حسيت روحي حقير هو معتبرني من العيلة ومستحيل اندير شي ونخونه وهو حط فيا ثقه وانا خنتها حسيت روحي وقتها واحد واطي بكل وسكــرت الفون ومعش عرفت شن اندير قلبي يحبها ونبيها وشـاريها بس منقدرش نجوزها تو وانا معندش حتي حوش لها حرت بكل صبيت وقعد نصلي لي ربي وندعي انه يجمعني بيها بالحلال
