منقولة
النَصِيــٍبً
الحلقه 25
طلعت لقيت عميمة خيريه تبخر في حوش
انا" شنو الدخان هذا كله
خيريه " مشاء الله طالعه سمحه
انا " شكــرا عيونك السماح ^^
خيريه " اركبي شوفي سهي كنها طولت
انا "من عويناتي
ركبت ودقيت الباب فتحتلي الباب وكان باين ع وجها التعب
انا" سهي كنك
سهي " كني
انا "وجك اصفر
سهي " عادي نحس في روحي تعبانة اشويه من بدري حشاك وانا نرجع ^^
انا" مش طبيعية اليوم انتــي من بدري وانتي مش تمام واضح عليكي
سهي" عادي تو نقعد كويسة
بس تعالي هنـا انتي منظرك يهــبل بكل
انا " نعليا
سهي "مش جايين يخطبو فيكي راه
انا "خزي عليك انا طول عمري نهبل
سهي " بس خطير الفستان
انا " تفضليه
سهي "كان يجي عليا راه خذيته بدون ماتقولي
انا " ههههههههههههههه باهي كنك ماتمشي تعايني في المستشفى
سهي" فكيني تو حبتين بنادول ينهن الموضوع
انا" امباه تو نشوفو ^^ هيا البسي اكيده قريب ايجو
سهي " انزلي تو نلحقكـ
انـا " تم ي عمــري ^^
ماطوليـش
سهي " تم
فراس " هيا ي امي
امه " انــا واتيــه راه مغير ع خواتك
لبني" حتي انا واتيه
فراس" وانتي تبي تمشي
لبني "يس يس
ملاك " كنك مستعجل تقول ماشي تخطب
فراس" مش وقت البصاره امتاعك راه
ملاك " خلاص وسع بلابيــلك -_-
فراس" تي انا في السيارة تطولو نمشي راه ورايا شــغل ^^
لبني " انا نطلع نقعد مع فيسو في السياره
امه " هيا فكينا منه بعد يطلق لســانه معش يسكت
ملاك " خلاص نلبس عبايتي
اسراء " اهو كملنا
طلعو في السيارة
سهــي " كنهم طولو
انا" اكرهه ماعندي انراجي حد
خيريه " عيــب عليــكن
ونسمعو الباب يدق
خيريه " عمرهم طويل
انا " تو نفتح الباب تريحن
خيــريه " بسرعة
فتحت الباب كانن امه وخواته الاثنين ولبنـــي وفراس مصبي قدام السيارة امتاعه
انا" اهلين نورتن تفضلن
سلمت عليهن ورحبت ودرت الجو كله ^^
لبني "بيسو انتي هنــا وحضنتني بكل برائه
انا" خير ي عيوني
امه " كيف تعرفن بعضكن
انا " اها ^_^
فراس" تبن تقعدن ع باب هكي خشن جوا
انا "بحتت فيه ولقني تنحت بكل كان لابس برموده بيج وتيشرت ابيض ونظارات ع عيونه
لقد سحت رسمــي :v
انا" تفضلن جو :*
وخششتهن جووو
وانا كنت وراهن ناداني فراس قلبي وقف بعد سمعت اسمي بصوته حسيته يهبل بكل
فراس" بيســـــــــــان
انا " برمت :o
نعم
فراس" انتي ديما تفتحتي الباب ومش ساتره روحك -_-
انا" بحتت فيـــه وفطنت لي لبستي
فراس" معش تفتحي الباب الا لما تلبسي كويس فاهمه
انا" وانت مالك :3
فراس" نعن جد مالي سكري الباب وخشي >_<
انا" اوووووف مغرور
فراس" سمعتك راه
انا "طلعت راسي من الباب
نبيك تسمع اصلا
فراس" هههههههههههههههههه خشي جوا قتــلك
خشيت وانا طايره من الفرحة تي يغار عليــا واضحه
من اللحظه هذي حتي فراس حيقعد يحكي ^^
عند فراس
وصلت هلي غادي وكان قلبي يدق واحساسي متلخبط واجد كنت خاطري نشوفها وطول الطريق ندعي انه هيــا الي تفتح الباب خاطري نشوفها ونملي عيوني منــها ولحسن حظي اول مره يصبي معايا وهيا الي فتحت الباب كنت قاعد في السيارة بس بعد شفتها ماقدرتش نقاوم ونزلت بيش نشوفها
كانت جميـــله بكل مهما حاولت نوصفها لكم
غرت عليــها واجد من حقي كأي رجل شــرقي يغار ع يحبها حتي لو مش معترفلها بس منحبش نشوف حد مصبي جنبها ولا يحكي معــاها نحسها هيا ملكي انا بس ميحقش لي حد انه يشوفها غيري من يوم تلقيت معاها عمري ماحكيت معــاها كلمة وحسستها اني نبيها او اي شي كل مره يانهزبها يانتعاركو بس مش بيدي هيا ادير في كل حاجه تقهرني وتنرفزني وانا منتحملش
طبعي اني غيرور واجد ع حاجه الي نحبــها مانبيش اي حد يقرب منـــها
ركبت السياره وصورتها بيــن عيوني وضحكتها قدامي
فتحت الراديو وكانت اغنية حسيتها ماشيه مع حالتي
