منقولة
النَصِيــٍبً
الحلقه 41
فوني ورنيت ع حبيبي
فراس" كنت تو نبي نرن عليكي
انا " قلوب عند بعضها
فراس" حبيبي شن جوه اليوم
انا "تمام بكل وانت
فراس " تمام
انا "ماشي للجامعة
فراس" اها تو نبي نطلع
انا "تمام نبي نقولك بعدين ماشيه لي موده
فراس" لي حوش محمود
انا "لا لي حوش عميمه ماشيه انا مش حوشه هو -_-
فراس" لا مافيش مشي
انا "شنو :o
فراس" كلمة قلتها مافيش مشي لي حوشهم اقعدي مكانك
انا " فراس كنك انت شن فيه
يوم خطبت البنت وكلمتني تبيني انساعدها
فراس" الفرخ هذا نيته مش كويسه
انا" وانا شن دخلني بيه انا ماشيه لي عميمه وهيا حتكون مشيت صبايا هو شن يبي يدر يقعمز غادي بينا يعني
فراس" بيسان ماترقيهاش ليا
انا " نحكي معاك بي هدوء وطي صوتك
فراس" استغفر الله
انا " شن السبب المقنع بيش مانمشيش العيلة كلها ماشيه
فراس" مايهمنيش من الي ماشي يهمني انتي
مافيش يعني مافيش
انا" واللهي مش بجوك الحكاية كل حاجه تقول عليها لا
فراس" اوكي هيا امشي طريقك بيضا
انا " فراس
فراس " سكر ع وجي
انا " هذا كنه شن شن يحس بالضبط يعنـــي :/
قهرني تسكيرته ع وجي وعناد فيه ماشيه لبسـت وتيت روحي وراجيت عبدالله لين جاني وصلنا لي حوش عميمه
سلوي " مرحـبتيــن نورتي
انا " نور نورك
سلوي " وين خيريه
انا "قالت تو تجي في العشيه هيا وسهي
سلوي "باهي خشيلها قاعده في الدار
انا" تم نشوفها ونجيك
انا " هلا بالعروسة
موده " عروسه مزال بدري
انا" كنك تبكي
موده " خايفة ومتوتره وحايره مش عارفه شن نلبس
انا" ساهله تعالي ندورلك شن تلبسي
موده "كنه جوك مش تمام
انا "لا عادي مغير مش راقده كويس
موده " شن جو فراس
انا "كويس
موده " شكلك متعاركه
أنا "لالا متخافيش تو فكك مني وركزي معـايا
شن رايك تلبسي الفستان هذا
موده " اممممممم مش قصير
انا" لا مش واجد عادي
موده " مش عارفه
انا "اسكتي وخليني نلبسك ع ذوقي واكيد حتعجبهم
موده " باهي ي ستـي :/
انا" الازرق يطلع عليكي حلو بكل
موده " باهي
انا" كلمتي ليلي وفيروز
موده " اها قتلهن تعالن بدري بس عارفتيهن انتي
انا "هابا تو نرن عليهن
موده " تمام وانا نشوف ماما
انا" تم
انا" الو
ليلي" ها
انا" عصاه
ليلي" شن تبي
انا" كنك تهزبي
ليلي "لانك كذبتي عليا
انا" تي واللهي حبيبك هكي قالي ديري
ليلي "احسابك بعد نشوفك
انا" باهي امتي جايه
ليلي" ي حنه واللهي نرجي في ياسين يجينا
انا" باهي تعالن عيب موده تو تزعل
ليلي" من عيوني ماتخافيش
فيروز " ي ماما ولدك وينه هذا كله
حنان " تي خلاص سكنتي رني شوفيه
ليلي " رنيت ماردش
حنان " اهو الباب يدق اطلعي افتحي ي ليلي
ليلي " خيـر حمادي
محمد "هلا
ليلي "شن جوك
محمد" تمام وين عمي
ليلي" شن تبي فيه
محمد " نبي نقوله انا معجب بي ليلي
ليلي "والله سامحني مرتبطة
محمد" ع اساس ميت ع شكلك
ليلي" عارفتك انا ع من ميت
محمد" اقلبي وجك
حنان " اهلين ي محمد كيف حالك وحال هناء وموسي والعيال
محمد "بشويه ي عمتي تو نجاوب كلنا كويسين
حنان " تفضل كنك قاعد بره
محمد " والله بنتك عديمة ذوق
ليلي" طلعتلك اصلا تفضل ي ثقيل
خشو للصـاله وفيروز كانت في المطبخ
محمد " واللهي جاي نبي عمي
حنان " تو كيف طلع كان سبقت شويه كان طقيت فيه
محمد " صار هكي خلاص تو نجي بعدين
حنان " والله ماهي صـايره
اقعد تو يجي عمك مش مطول
ليلي" فيروز فيروز تعالي
فيروز " نعم ي حماره كنك تعيطي
محمد" احم
فيروز " انحرجت وطبست راسها
قصدي خير
حنان " نصبي نديرلك قهوه
محمد "لا تريحي ي عمتي شـارب
ليلي " محمد جيت وجابك ربي
محمد "كنك
ليلي " طبعا عارفتك مش حتقول لا لي بنت عمك ^_^
محمد " خشي في مصلحتك شن تبي
ليلي "شيلنا لي عيت عمتي سلوي
اليوم خطبت مودة والبهيم خويا مازال ماجاء :/ وقت نبي نمشو ونساعدوها فهمت انت
فيروز " تحشمي ع وجك اكيد مش فاضي
محمد " بالعكس انا فاضي بكل
ليلي " تي نجك ليا عارفتك اصلي بكل
محمد " بس الفصعونة هذي انخطبت
ليلي "شفت عنزت انت
حنان " تحشمي ع وجك
محمد "خليها معاها حق
خلاص ناخذ وحده من ذوقك ي ليلي
ليلي" من عيوني واتيه هيا راه
محمد " خلاص تمام بكل معناها :/
فيروز "تبحت فيهم وتغـلي من جوا -_-
ليلي " خلاص نخش نلبس
هيا ي فيروز خشي
