منقولة
النَصِيــٍبً
الحلقه 38
فراس" خشي قدامي وياريت ياريت ياريت بكره تقعدي بي وشاحك مش داعي تحوليه حتي ولو قدام العيال
انا" والله -_-
فراس" ايوه كيف البنت الشاطره تسمعي كلام ويكون احسن
انا" يصير خيـر
اسمع نخش انا قبل بعدها شويه وخش انت
فراس" اكيده هذي منستناكش اتقوليها
انا " تصبح ع خير
فراس" وانتي من اهلي
انا" قلبي قعد يدق بكل خشيت نجري للدار ونلقاه قدامي
لقيت موده وليلي مقعمزات ويراجن فيا
انا "كيف مازال مارقدتن
موده " ماهو انأمنولك في الجو :/
ليلي "الحق خفت يصير فيها كلام تاني في البحر وبعدك الجو رومانسي وهدوء راه رحتي فيها
انا" صدقتي لاقنه جو بره يهبل هدوء وصوت الموج وفراس ويحكي وقلبي راح فيها بكل
موده " احكي شن فيه
أنا "منين نبدا بالضبط تبيني
ليلي " من الاول
انا" اه رومانسي ي بـنـــات رومانسي بكل صوته يهبل دوته واول مره نحس بي شعور كيف الي حسيت بيه تو :/
موده " متاكده مـاصرش اي تتش هكي
انا " ي سخيفــه
ليلي "احكي قطعتينا
انا" ي ستي ..................
موده "معليش راعي شعور العنوسيه الي انا فيها
ليلي" تي عبدالله عمره ماقعد معايا هكي
انا" ماتقرنيش خويا بي ويسي حبيبي
ليلي " والله عشنا وشفنا تقولي حبيبي ي كلبه
موده " باهي قتله نحبك
انا "نقوله وذنك
متحشمه ومتخزرطه ساد انه سمعنا وانا نحكي عليه
موده "طبعا انتي ماعقبتـيش جهد تهزبي فيـه تقولي عطه صاروخ في راسه
ليلي "عليك الي ماتحشم بكل جو تزليط
انا " بكل مانحسابش ورانا بكل
ليلي" بعد خطرها مفروض تشكريني
انا" وعليش
ليلي "لولايا راه كبسكم دودي
كان طالع بره انا مسكته في اللحظه الاخيــره
انا " حي عليا كان طلع راه صار فيها موضوع تاني بكل
موده " احمدي ربك مشت ع خيـر وعشتي اللحظه
انا "ولعي النت نزل الاغنية تهبل
ليلي "ي عيني هي بعدك التغطيه كيف وجك
انا "معنااها تمام بكل
ليلي" ي ثقه انتي
موده "اسسس راه ينوضن هذينا
طبعا في الدار كان راقده سهي وفيروز وتميس بنت عمو صغيرونه
انـا" اسمعن هي
قعدت نسمع فيــهن الاغنــيه
ليلي "كلماتها قويه بكل
موده " نبي واحد كيف فراس
انا "للاسف مافيش -.-
ليلي : كان ترقدن مش يكون احسـن خلاص
انا " مش جايني نوم من الفرحه
موده "ربي يدوم ارقدي واحلمي بيه وخلينا ننخمدو
رقــدنا
احلي شعور يمكن تحسه البنت انه الشخص الي تحبه ويطلع يبادلها نفس الشعور حلوه لما ترقدي ع صوته وتنوضي ع صوته يقعد سند لكي في الدنيا يقعد راجل لكي مش عليكي
يحميك من الدنيا كلها يقعدلك اب واخ وصديق وزوج لكـي يعوضك ع كل حاجه فقدتيها
في الصبح
نضــت ع صوت مزعج بحتت جنبي ونلقاه محد قاعد وتميس جنبي وتبكي وصوت عياطها مزعج بكل بكل
صبيت مسكتها
انا" كنك اسكتي والنبي نبي نرقد
والبنت في عيطه وحده
طلعت بره لقيت الشاليه فاضي رديت للدار
شفت الساعه كانت 10 ونص
تي وينهم هذوما تموستي اسكتي الله يربحك شويه بس نخش للحمام والبنت ماسكتتش بكل تبكي
انا" خشيت للحمام وغسلت وجي بسرعه وغيرت دبشي وطلعت خلاص اسكتي مامليتش
مسكتها وخذيت نظاراتي وطلعت بره
انا "خلاص هي اسكتي
طـلعت لقيتهم كلهم قاعدين ع شــط ويفطرو :/
طبعا دايرن طاولتين جنب بعضهن وحده للرجاله وحده للصبايا
اسماعيل" خميره نضتي
انا "الفضل يرجع للفرخه بنتك نوضتني
اسماعيل" متقوليش عليها فرخه
أنا "شنو هذا عياطها مزعج خلاص راسي صداع
هديل "كنك مع بنتي
انا " امسكوها والنبي
نادر "مش ع اساس تهبل وكبدتي فيها
انا "كان مغرر بيا وقتها
جدي "باهي قولي صباح الخير
انا "صباح الورد والفل والياسمين
ماتزعلش انت بس
مالك " تاخذ فيك بالسانها ي جدي راه
جدي" ماتخافش زارق عليها
جدتي "تعالي افطري
انا" هي
عبدالله " وين النوم هذا
انا" تبو تستلموني ع الصبح انتو
سهي " فوتيهم راه يبو يسمطو عليك
موده " مش منها راقده الصبح هيا
انا "نفنص فيا
موده "قصدي رقدنا الصبح نحن
ياسين "شن اديرن ساهرات للصبح
ليلي " نقيمو في الليل
انا "هههههههههههههههههههههه
فراس وينه (نوشوش لي ليلي بصوت واطـي)
ليلي " قاعد يعوم من الصبح نضنا لقيناه في البحر
انا "حيييي تو يمرض
ليلي "خايفه يعني عليه
انا "كان مخفت عليه ع من نبي نخاف
ليلي " ي عيني
قعدنا نفطرو وبعدها صبو الرجاله يبو يخشو يوتو روحهم لي صلاة الظهــر
وصبايا يديرن في الغذاء
انا " بنات نبي نخش انعوم
موده " امشي للغالي
انا "ي تافهات خشن امعايا
موده "هيا نخش انا
انا" وانتي ي ليلو
ليلي" واللهي ماعندي نـيه
انا" باهي اقعدي
محمد " وين ماشيات انتن
أنا " نبو نعومو حرام
محمد" خشي وان شاء الله تغرقن
انا " بعيد سوء علينا
خشيت وفراس كان خاش جوا
موده " ي بارده وقفي لعند هنا معش نقدر نخش انا
انا "ي خوافه خشي ماتخافيش
موده "لا مش خوافه
انا" باهي اسكـــتي وخشي متخافيش مش حتغرقي
