النَصِيــٍبً
الحلقة 24
قعدنا في المطبخ انوتولهم ويخش علينا عمي اسماعيل وينادي بصوت عالي
اسماعيل " بشري بشري
بشري" صبت وهيا ترعش
حي عليا كنه
سهي " اهدي كنك خفتي
اطلعي شوفيه
بشري " خايفه
موده "تي عليش هو شن فيه
خشتيلنا هديل
هديل" بشري اطلعي يبيكي اسماعيل
بشري" شن يبي
هديل" تعالي هيا
طلعت
بشري" نعم
اسماعيل" ضبطها مبروك انقرت فاتحتك
بشري" معش جمعت بكل وقعدت تبكي
جدتي "كيف كيف
مش ع اساس يبو يخطبو ويدفعو بس
اسماعيل" هما جايين واتيين ومعاهم الشيخ باتي ماحبش يردهم وافق
حنان " لوووووووووووووولوووووووووولي
مبروك
جدتي " مبروك ي بنتي
اسماعيل" مصدومة مسكينه
انا"تي ردي ي فرخه
بشري" الله يبارك فيك بس كيف بالسرعة هذي
اسماعيل" ماهو نبو نفتكو منك ^^
هديل" مبروك ان شاء الله بهناكي
اسماعيل" هيا عطني السفرة
فيروز " هاك هذي وكلم حد ياخذ الحلو
اسماعيل "باهي
فيروز " بيسان طلعي الحلو تو ياخذه منك عمو
انا" ها
جاني محمود
انا" هاك هيا
محمود" مد يده يبي يأخذ المثرد دارها قصدا ولمس يدي
انا" كريت يدي وفنصت فيه :o
محمود " اعصابك ي طشه
انا" مسمطك -_-
خشت جو وقعدنا نباركو لي بيشو
جدتي " كنهم ماقالو انهم يبو يقرو الفاتحة
خيريه" عادي ي عمتي ماتلطي عليها
بشري" جتها حضنتها وتبكي
جدتي "مبروك عليك
اهو تبيه وخذيته ربي يهنيكي ويسعدك
بشري " كملتها بكاء وخلاص
انا" وسعو دوري خليني نباركلها
شوشو حبيبتي الف مبروك
هذا يوم كنتي تحلمي بيه من سنتين انه يصير وتو بعد صار تبي تكمليها بكاء وخلاص اضحكي
قعدنا نشفطو عليا ونبركولها خش علينا نادر
نادر" وين العروس تره وروها ليا
بشري" احم احم تو قعدت مدام
نادر" ماصدقتي شكلك
بشري" ههههههههههههههه
نادر" مبروك ي قرعتي انتي
بشري" الله يبارك فيك ي غلايا
انا" سهي تعالي لمي راجلك
نادر" كنك غرتي
انا" -_- راجلي انت بيش نغار عليك
نادر " المهم هيا بشري بيش تخشي
بشري" وين
نادر" لي راجلك هله روحو بس هو جدي مسكه
قاله اقـــعد
بشري" لالا منبيش نخش
فيروز " عليش
نادر" فكينا من الطروح الحشم هيا البسي والحقيني
وطلع
هديل" اطلعي احكي مع راجلك
بشري" متحشمه من بابا بره :/
موده " مسكتها من يدها وكرتها للدار
هيا وقت اكيده مسكين قاعد يستنا ع نار
بشري" باهي خلاص
غيرت دبشها لبست جينز اسود بلوزه لونها دمي بالاسود قصيره ولفت شعرها فوق دارت ميك اب
انا" الله طالعه توهبلي
بشري " تمام شكلي
انا " اها هيا سقدي اطلعي
بشري" طلعت بشري وهيــا ترعش وخوف كان مسيطر عليها بكل
خشت ولقت يوسف امعاه نادر بس في المربوعة تريحت شويه
بشري" السلام عليكم
يوسف" عليكم السلام
قعمزت ع كنبه جنب الباب وراسها لوطه
يوسف "يبحت فيها وساكت معرفش كيف يحكي ونادر معاهم
نادر" حس وجوده داير جو شين بكل
شويه ونجي عندي تلفون
يوسف" فرح
خوذ راحتك
نادر" ضحك ان شاء الله
وطلع وسكر الباب
يوسف" باهي بتكملها راسك لوطه بحتي فيا
بشري" رفعت راسها
نعم
يوسف" قربي كنك مقعمزه بعيد
بشري" تو يخشو علينا فجاء
يوسف" عادي مراتي
بشري " ليش ماقتلي انك تبي تقرا الفاتحة
يوسف" نبيها مفاجاءه لكي
بشري" صدمــتني
يوسف" مسك يدها
انت تو قعدي حرم يوسف الفلان
بشري " ههههههههههه نحبك واجد بكل
يوسف" واخيرا طلعت الجوهرة هذي
حضنها تعرفي نموت فيكي واخيرا صار الي كنا نحلمو بيه من سنين
بشري" معش عرفت تحكي بكل
قعدت ســـاكته وتشم في بنة عطره وخــلاص
يوسف" حبيبي كنك ساكته
بشري" وخر تو نحكي
يوسف" لالا مش موخر
انتي مراتي وبعد شهرين تكوني عندي
بشري" رفعت راسها وانصدمت شهرين
يوسف" اها بعد شهرين عرسنا
بشري" كيف هكــي ليش مستعجل
يوسف " قعمز وحطها ع كرعيه
ماستنينا الا واجد معش نقدر نصـبر انا والحوش واتي مش ناقصه غيرك انتي
بشري" بس بسرعة هذي مانحلقش انوتي روحي بكل
يوسف" بشنطة دبشك بس نبيك ^^
تعرفي كان في يدي ناخذك من تو
بشري" نحس روحي نحلم
يوسف" لا متحلميش انتي ملكي انا تو
بشري " بحتت فيه وعيونها دمعن
يوسف" تبكي نقتلك
وقرب منــها
ويدق الباب عليهم
بشري نطت خافت وقعمزت بعيد ع يوسف
يوسف" كان ميت ضحك ع منظرها وهيا خايفه
وخشت عليهم جدتي
جدتي" السلام عليكــم
ومبروك علـــيكم
يوسف" الله يبارك فيك
جدتي "انا ام بشري
يوسف" اهلين ي عمتي كيف حالك
جدتي" حنقعد كويسه كان خليت بنتي في عيونك
يوسف" اكيـــد هيا في قلبي ^^
جدتي " ربي يهنيـــكم ويخليكم لي بعضكم
يوسف" اميــن
ادعيلنا انتي بس ^^
جدتي " اكيد
طبعا جدتي قعدت تهدرز مع يوسف وخربت الجو
عيله ماتفهمش في الجو بكل -_-
يوسف" انا نسـتأذن
جدتي" خليك مازال بدري
يوسف" لا والله خلاص ي عمتي
جدتي "براحتك رد باللك ع روحك
يوسف" ان شاء الله مع سلامه
وطلع
