منقـولة
النَصِيــٍبً
الحلقه 21
جاء الصبح طلعت فطرت وركبت وشالني عبدالله
اه عبدالله مش ديما فراس يعني ونصبح عليه وجه -_-
وصلني لي القسم امتاعي وخشيت للمدرج وكان فاضي انا بس فيه وقعدت نلعب ع الفون
ونسمع صوت يقول
السلام عليكم
انا "رفعت راسي وعليكم السلام ونشوف قدامي نفس الشاب الي في مول انصدمت وخفت بس مابينتلش
انا " نعم تفضل
الشاب " محاضرة الدكتور .... هنا
انا " اها هنا
شاب "شكــرا جديده هنا انتي اول مره انشوفك
انا" اها جديده امس كيف بديت
الشاب " بالتوفيق
تبي اي حاجه قوليلي نساعدك
انا" جيت نبي نرد نسمع صوت
فراس" في شنو تبي تساعدها بالضبط
الشاب " انت من
فراس " شن تبي انت
الشاب " حاجه ماتخصكش
فراس " تو نوريك تخصني ولالا وضربه
انا " قعدت منصدمه :o
فراس سيبه
جو شباب وقعدو يحزو فيها
انا " قعدت نرعش معش عرفت شن اندير وفراس يضرب في الراجل وخلاص
فراس " نلقاك هنا بس نربيك
الشاب " تو نتقابلو
فراس" كرني من يدي وطلعني من المدرج
انا " اطلق يدي
فراس " طلق يدي
امشي قدامي وانتي مسكره فمك
انا " هذا كنه :/
فراس " بيسان تعرفي كان ماتحركي من هنا وتمشي قدامي خير ومازلتي ماشفتي شي من فصلتي راه -_-
انا" شن دخلك انت :(
ليش ضربته شن دارلك
فراس" وجعك صــاح حبيب القلب هذا :3
انا" احترم روحك ماتحكيش معايا بالطريقة هذي -.-
فراس" كيف تبيني نحكي معاك
انا" يا احكي بأسلوب يا اسكت >:o
فراس " مسك يدي وضغط عليها زين لين حسيتها
انا" فراس اطلق يدي
الناس تبحت فينا
فراس " امشي قدامي معناها
انا" اوووف
مشيت وكان هو يمشي قدامي لين لقينا مكان فاضي مافيش ناس واجد
فراس " وقفي
انا" تعرف حنحكي لي عبدالله كله
فراس "احكي عادي ماعندش مشكله
ونقولك لقيتك تحكي مع شاب
انا" انت مجنون ومتخلف
فراس" عاجبك مش عاجبك اخبطي راسك في ساس
انا" ممكن تحول من قدامي عندي محاضره
فراس " مش حتحضريها :/
انا" نعم
فراس "زي ماسمعتي
انا" تي طير من قدامي بنخاف منك مثلا
وجيت نبي نمشي صباه قدامي وسكر الطريق
فراس " انا منعاودش كلمتي فاهمه وتو تروحي
انا" بصفتك من تأمر فيا
فراس "كيف خوكي وخايف عليكي انتي كيف اختي
انا " خواتك في الحوش ي بابا انا مش اختك ومالكش الحق تقولي شن اندير ولا تأمرني فاهم
فراس" غض ع فمه وعطاني نظره لين قعدت نرعش خفت منه بكل
اسمعي الكلام يكون احسن
انا" مسكت فوني ورنيت ع محمود مايردش
محمود مايردش اكيده في محاضره خلاص
فراس" ومن قالك تبي تروحي مع محمود انتي وبتركبي معاه
انا" انت مالك زودتها راك
فراس" خليكي هاديه يكون احسن
وطلع فونه ورن ع عبدالله
فراس" عبدالله وينك
عبدالله " قاعد في الاقتصاد كنك
فراس "تعال للهندسة
عبدالله "شن فيه
فراس" مغير اختك تبي تروح ودور فيك
عبدالله " خليك جنبها تو نجيك
فراس " تم نستنا فيك
