منقولة
النَصِيــٍبً
الحلقه 42
انا "فراس انت صوتك في السياره قاعد صاح
فراس" مادخلكش سكري وارقدي
انا" فراس وراسي فكنا من المشـاكل
فراس" مش حنسكت
انا " فراس هدي شويه
فراس" بصوت عالي بيسان سكري
انا "لا مش حنسكر
وبعدها نسمع صوت خبطه والفريــنو امتـــــاع السيارة والخط اسكر
انا" حي عليــا فراس
ليلي " كنك تبكي
انا" قعدت نبكي ونعاود انرن عليه مايردش
ليلي " فهميني
انا" مات مات خلاص حتي هو سيبني
ليلي " من الي مات كنك
انا" ليلي فراس مات ونبكي منهاره كنت مش مركزه حتي في الكلام الي نقول فيه
ليلي " تي مات شنو :/
اهدي وفهمــني
انا" نحكي مع فراس
ليلي" باهي تمام
انا "بعدها سمعت فرينوا متاع السـيارة وتلفون سكر
ليلي" لالا
وسعي بالك بس
انا" شن ندير حي عليا حتي هو يبي يسيبني ويمشـي كيف ماما وبابا
ليش الي نتعلق بيه سيبني قوليلي ليش بس
ليلي" حضنتني وسعي بالك تو ورني ان شاء الله خير ماتفاؤليش عليه انتي
انا "سمعت كل حاجه مات وهو زعلان مني مات ونحن متعاركين
ليلي "ي حماره كنك تفاولي عليه
انا " حطيت راسي ع مخدة ودموعي ينزلن توقعت في اي لحظه يقول عبدالله انه فراس مات خلاص فراس عدا فراس سيبني كيفهم حتي هو وعدني انه مايسيبنيش بس ما وفش بكلامه بعد تعلقت بيه يبي يسيبني
ليلي " تبكي من كلامي
ليش تقولي هكي خذت فوني وقعدت تجرب اترن عليه
نطلع لي عبدالله
خشيت لليلي لي عبدالله في دار لقته يتفرج ع تي في
عبدالله "غيرتي رايك وجايه تسهـري معايا
ليلي" باين في وجها انه صـاير حـاجه
عبدالله" كنك مفجوعة
ليلي " لا شيء
عبدالله " تعالي قعمزي
ليلي" اه لا نمشي نشوف بيسان
عبدالله "باهي عليش جيــتـي
ليلي" نشوف فيك راقد ولا واعي
عبدالله " باهي تعالي هدرزي
ليلي" قعمزت وكانت تحاول تسأله عن فراس بأي طريقه
عبدالله " كنك نحسك انه في حاجه تبي تقوليها
ليلي "لالا ي روحي
مغير مستغربه غريبه اليوم ماطلعتش وسهرت مع فراس كيف كل مره
عبدالله " فراس اليوم كله ماتقبلتش امعاه
ليلي" وعليش شن صاير
عبدالله " كنك منفجعة
ليلي "لالا ماكني شي
عبدالله " اها هو ماجش للجامعة وبعدين رنيت ماردش :/
ليلي" باهي كنك مامشيتله في الحوش وشفته
عبدالله "واللهي روحت من صاله تاعب تنبلت نطلع -_-
ليلي" امممممم باهي انا نعست نخش نرقد
عبدالله" مش عاجبتيني انتي اليوم
ليلي" لا مغير نعسانه بس ^^
عبدالله " تصبحي ع خير
ليلي "وانت من اهلو وطلعت وجتني في دار ولقتني مازالت في نفس الحاله نبكي وخلاص
محمد" باهي انا عارفك تحبيني
فيروز " حسيتك واثق بكل
محمد " خلينا نحكو جد شويه
فيروز " باه
محمد" اسمعي ي بنت الناس
انتي عارفه انحبك ونبيك وشاريك وعلشانك انتي انا قررت اني نستقر هنا لاني عارفك متبيش تسيبي هلك
فيروز " وعمو موسي مستحيل يوافق انك تقعد في مكان وهو في مكان
محمد " انا منبيش غادي اصلا
فيروز "امممم
محمد" وانتي شنو
فيروز "انا كني
محمد " انا شنو بالنسبه لكي
فيروز "مش عارف خلاص
محمد" لا مش عارف شي انا
فيروز " ي استعباط
محمد" هيا احكي
فيروز " شنو نحكي
محمد " ع اساس تحشمتي وتغيري في الموضوع :/
فيروز " محمد والله نسكر
محمد "تسكري عينك
فيروز " باهي معش تحرجني
محمد" ياروحي تحشم
فيروز" -_-
محمد" السبت انجي نشيلك انا
فيروز " والله -_- حسيتها عجباتك
محمد" بكل ^_^
فيروز " ريحلي روحك انت
تو يشلني ياسين في طريقه
محمد" ماهو مرات يكون وراه جامعة :/
فيروز "ماتخافش بكل
محمد " بكره جايين
فيروز " اكيده جدي مستحيل تمر جمعة الا نحن كلنا غادي
محمد " باهي تمام نشوفك يعني
فيروز "ع اساس انه لنا سنه ماشفتنيش اليوم كنت امعاك تقريبا محمد "ماهو ماينملش منك
فيروز " -_-
