صح سحوركن
منقولة
النَصِيــٍبً
الحلقه 33
وانا نزل فيهن وطلعت لي جنان وكان مافي حد وحطيت الصندوق وجيت نبي نخش نجري لانه ماشور شي يحقوني هكـي نسمع صوت يقولي استني
انا اجمدت في مكـــــــــاني
فراس" استني
انا "بحتت فيه
فراس " قعد يبحت فيا ومستك
انا" نبحت وساكته
فراس" كيف طالعه للجنان هكي
انا "نعم
فراس " خشي بسرعه جوا ويحكي بصوت عالي ورقيله
انا " انا لقني خفت وقعدت نرعش خشيت نجري
وخبطت في موده
موده " كنك
انا" ماكني شي مغير فراس كان بره وشافني هكي
موده " هههههه انحرفتوا
انا "لا هزبني
موده "الله
انا" وحق ربي قالي خشي جووا
موده "صدق فيكي طالعه بره شبه عريانه
أنا "بحتت قبل مالقيت حد ^^ علشان هكي زرقت
موده " امشي البسي حاجه
ملاك " بطل عياط
فراس" عطي الفون لي بيسان بسرعه
ملاك " باهي وطي صوتك شن صاير
فراس"عطيها الخارب مش داعي نعيط
ملاك " باهي اهدي تو نكلمها
ملاك " بيــسان ممكن شويه
انا "كنت مع بنات في الصـاله
نعم شن فيه
ملاك "تعالي في الدار
انا "هي
خشينــا للدار
ملاك " هاكي الفــون
انا" من
ملاك "خوذي بس
انا" عطتني فونها
انا " مجرد ماقلت الو وهو بدا يهزب :3
فراس" انتي بعقلك ولا كيف -_-
انا "فراس كنك :o
فراس " شن المنظر الي شفته بره انــا
انا " من الطبيــعـي عندنا فرح نبي نلبس هكــي :/
فراس " تلبسي هكي قدام الصبايا مش بره وطالعه للجنان وانتي عارفه الرجاله يخشو
انا" ساكته مانبيش نحكي اصلا لو حكيت احتمال يطلعلي من ع فون :3
فـراس " سكتي اصلا عارفه روحك غلطانه
انا" لا مش غلطانه بس سكتت لاني عارفه الدوه معاك مافيهاش امل :p
فراس" انتي تبي تجننيني ازح
انا " شن درتلك انا مادرت شي انت الي تهزب وخلاص
فراس "تعرفي تو تطلعي بي عبايه والي في وجك امسحيــه
انــا" تو نلبس جاكه امتاعي مش طالعه هكي
فراس "انا قلت عبــــــــــــــــايه
وكلمة وحده هيــا فاهمه ^^
انـا " بصفتك من انـا نسمع كلامك وليش تبيني ندير هكي
فراس " لاني انغـــــــــــــــــــــــــــــــــــــــــار افهميها
انا " قلبي وقـــف وقعدت نرعش والصوت ااختفاء وهو سكت معش عرف يحـكـي :o :o
فراس" كـلامي مش حنعاوده انا وحي عليكي ماديريش الي قتلك عليه وسكر في وجي
انا "قعدت امتنحه تي كنه هذا طبيعــي ولا كيــف شــخص غريــب وتصرفاته وكلامه وغيرته عليـــا غريــبه بكل
انا طبعي منحبش من يدخل في حيــاتي ولا يجربني ندير حاجه انا منبيهاش كنت عناديه منحبش القيود ومش مقتنعه بالغيره الي كيف هكي بس هو غير حبيت غيرته حبيت كل حاجه
تي لما سمعت كلمة انغار مش عارفه شن صار احاسيسي تخلبطن بكل
موده "ي فرخه هيا
انا "اصبري شويه بس
نبي عبـايه
موده "مش كنتي تبي تلبسه جاكة امتاعك عليه
انا" لالا عبايه خير
موده "شوفي عند بيشو بسرعه
مشيت لي بشري وخذيت عبايتها ولبستها وطلعنا طبعا نحن البنات وعماتي وصبايا عمامي وخوات فراس بس امه قعدت مع جدتي وعميمة خيريه في الحوش
طلعت انا نمشي والعبايه كانت طويله ولابسه كعب معش عرفت كيف نمشي كانت سياره الي قريبه من باب امتاع فراس وكان مصبي قدامها ولما طلعت بحت فيا وغمتله ويفنص كانت
لقني خفت وخرت خشيت للجنان جاني عبدالله
عبدالله " تعالي ي همي
انا " مالقيتكش لا انت ولا نادر وخرت جو
عبدالله " انا نبي نسوق بي سيارة الدبش انتي اركبي مع محمود بره
انا "فكني منه بهيم هذا
عبدالله " مش وقت عرايك
انا "مش راكبه معاه
عبدالله " هيــا باهي اركبي اهو سيارة فراس قريبه اركبي معاه
انا " باه ( طبعا مانحكيلكن ع الفرحه الي حصلتها )
عبدالله " فراس خلي بيسان معاكم
فراس" خليها تركب
ركبت انا من لاوره ومن قدام اخته اسراء وجنبي ملاك
وتوكلنا ع الله ومشينا للشقه بشري ^^
طول طريق وفراس يكشخ وداير روحه مش هامته بكل -_-
وصلنا وخشينا للحوش كانت تسكن فوق عربــها
خواته وسلفاتها شكلهن كويسات بس امه لقنها تخوف الحق :/
انا خفت وهنا ديرات جو يغنن علي يوسف ونحن ماقصرناش نردو عليهم وخصوصا موده ماريحتش روحها لين عمتي فنصت فينا
فرشنا الحوش وكان حلو واسع والحاجات الي جيبتهن بشري جن من غــــــــادي عليها كملنا وروحنا وانا روحت مع فراس
وصلنا للحوش ومجرد خشينا للجنان
سلوي "لووووووووووووووووووووولي
مبروك عليكي وان شاء الله بهنــاك
انا" تهبل بكل ي روحي
بشري" الله يبارك فيكن
صورتن
موده " امه دايره جو حرسات مانصوروش بس صورت وفتتها
ليلي "اسمعي راهي شكلها واعره بكل خوذيها ليا من تو
بشري " والله
فيروز " السم يقطر من عيونها
انا " انا لقني خفت منها
فاطمه "طبعا مانقولك البنات شن دارن غادي
جدتي " شن دارن
سلوي " قريب ماتعركن مع خواته وهنا وياهن اغنية بي اغنيه
بشري " طح سعدكن حطلقني شكلكن :v
موده "قمنا بالواجب نحن
بشري" باهي ورني الصور بس
انا" تلقيهن في فوني كله
بشري" هاتي
انا "هاكي
ام فراس" ملاك كلمي فراس
جدتي "وين ماشيه مازال بدري
ام فراس" وين بدري
جدتي "واللهي ماهي صايره اقعدي للعشـاء عيب مش برانيه انتو من العيله
خيريه "خلاص ي فتحية عمتي حلفت
انا" كوكي تعالي معايا
ملاك " هي هي
خشينا للدار وكانن البنات كلهن قعدات
بشري" يعني خــلاص تو حنقعد في حوش سوفي
انا " عليك الي ماتحشم تبيها يعني
بشري" كان شلتوني مع دبشي ^^
فيروز" ماتستعجليش بعد بكره تكوني عنده
بشري" واللهي مش مصدقه هذا حوشي
ملاك "قصدك مش شايفتيه انتي
بشري " شفته في الصور من قبل بس تو وهو مفرش منظره حلو
ملاك " ان شاء الله اتهني
ليلي " موده الدربوكه وتعالي
ملاك "تعرفن جوكن سمح بكل
تقيمن في الفرح صح
فيروز "تي عندنا فونشه في الحوش نحن موده ^^ شورها الجو هذا
موده " تي نعن شكلكن خربتن شكلي البنت واخذه عليا فكره اني هاديه وعاقله
ملاك " لا واخذه عليكي العكس الحق
موده "جامليني باهي -_-
